ပညာတော်သင်ကြရာဝယ်

ပညာတော်သင် ဟုဤဆောင်းပါးတွင်ခေါင်းစဉ်တပ်ရသော်လည်း၊ ဆောင်းပါးမှအသားပေးဖေါ်ပြလိုသော သူတို့တွင် မြန်မာနိုင်ငံမှ အစိုးရအစီအစဉ်နှင့်ဖြစ်စေ၊ မိမိသက်ဆိုင်ရာအဖွဲ့အစည်းကုမ္ပဏီကြီးများကဖြစ်စေ စေလွှတ်ခြင်းခံရသူများ၊ အစည်းအဝေး၊ အခမ်းအနားနှင့်ဆွေးနွေးပွဲမျိုးစုံသို့တက်ရောက်ကြသူ ၀န်ထမ်းကြီးငယ် (ညွှန်ကြားရေးမှူးချုပ် အပါအ၀င်အစိုးရအဖွဲ့အကြီးအကဲတာဝန်အရှိဆုံးသူဝန်ကြီးဝန်ကလေးများအပါအ၀င်) အားလုံးတို့ကိုသိမ်းကြုံးရည်ညွှန်းလိုပါသည်။ ထိုမျှသာမက နိုင်ငံရပ်ခြားအသီးသီး(ကုလသမဂ္ဂအပါအ၀င်) တို့တွင်ကာလတိုကာလရှည်ထမ်းဆောင်နေကြသော မြန်မာနိုင်ငံသား ၀န်ထမ်းများတို့သည်လည်းသက်ဆိုင်မှု ရှိသည်ဆိုသည်ကိုမီးမောင်းထိုးပြရန်လိုပါမည်။ ဤသို့ရည်ညွှန်းရခြင်းမှာလည်းကြီးစွာသော အကြောင်းအချင်း ရာများရှိနေပါသည်။

စာရေးသူတို့မှတ်သားမိသလောက် (၁၈၆၀) ခုနှစ်လောက်ကအမေရိကနိုင်ငံ ပင်ဆီးလ်ဗေးနီးယားပြည်နယ်ရှိ (ယခု) Bucknell Univeristy တွင်ပထမဦးဆုံးသောပညာတော်သင်အဖြစ် မွန်တိုင်းရင်းမောင်ရှောလူ သည် မြန်မာတို့၏ပင်လယ်ရပ်ခြားပညာသင်ကြားရေးတံခါးကိုဖွင့်လှစ်ခဲ့သည် ဟုအဆိုရှိကြပါသည်။  ထိုမှသည် မိမိ အစီအစဉ်ဖြင့်ပညာတော်သင်ရောက်လာကြသူများရှိခဲ့ (ရှိနေဆဲ)ဖြစ်သော်လည်း တိကျသောမှတ်တမ်းများကို မြန်မာနိုင်ငံ တွင်လူသိရှင်ကြားထုတ်ပြန်ခြင်းမရှိသေးပေ။ ပညာတော်သင်ရင်းပင်ဖြစ်စေ၊ အစည်းအဝေး/အချိန် တိုတာဝန် ထမ်းဆောင်ရင်းပင်ဖြစ်စေ၊ ပညာသင်ဘ၀မှသည်၊ ရောက်ရှိရာနိုင်ငံတွင်နိုင်ငံသားများအဖြစ်အသွင် ပြောင်းအခြေချကြသူတွေလည်းရှိသည်။ ရေကြည်ရာမြက်နုရာ မိမိစိတ်ကြိုက်ပြောင်းရွှေ့အခြေချကြသည်ကား လူ့အခွင့် အရေးတစ်ရပ်ဖြစ်သလို၊ အပြစ်မြင်၍မရပါ။  လျင်သူတွေလျင်သလို နေရာရနေကြသောခေတ်ကြီး မဟုတ်ပါလား။ လွတ်လပ်ရေးရပြီးနောက်ပိုင်း၊ တော်လှန်ရေးအစ်ိုးရခေတ်မှစ၍ လမ်းစဉ်ပါတီခေတ်၊ စစ်အုပ် ချုပ်ရေးကာလရှည်ကြီးနှင့်တကွ၊ ယခုဒီမိုကရေစီအစိုးရတိုင်အောင် တစိုက်မတ်မတ်ကျင့်သုံးနေသောစနစ် တခုကား၊ ပညာတော် သင်အပါအ၀င် နိုင်ငံရပ်ခြားသို့အကြောင်းအမျိုးမျိုးဖြင့်စေလွှတ်ကြသည့်လုပ်ပိုင်ခွင့် ကိုအစိုးရအဖွဲ့ကတရား ၀င်ချုပ်ကိုင်ထားဆဲဆိုသည့်အချက်ပင်။ ဤနေရာတွင်မိမိအစီအစဉ်ဖြင့်မိမိငွေကြေး နှင့်ပညာသင်ကြသူတွေ နှင့် သက်ဆိုင်ရာကုမ္ပဏီ (သို့မဟုတ်) အဖွဲ့အစည်းတရပ်ရပ်မှစေလွှတ်ကြသူတွေသာ၊ ယင်းထိန်းချုတ်ခြင်းမှ ကင်းလွတ်ကြသည်။ သို့သော်ငြားလည်းသယ်ဆောင်သွားမည့်နိုင်ငံခြား ငွေသားနှင့် ထိုသက်ဆိုင်သူ၏ နောက်ကြောင်းခံပညာသင်ကြားခဲ့မှုနှင့် နိုင်ငံရေး/စီးပွားရေးအခွန်အကောက်ဆိုင်ရာကင်းရှင်း မှုတည်းဟူသော သမရိုးကျစီစစ်ရေးလမ်းကြောင်းကိုဖြတ်သန်းကြရဆဲဖြစ်သည်။

နိုင်ငံခြားသွားခွင့်ရရေး……..အခွင့်ထူးကြီး

ဆိုခဲ့သောတင်းကြပ်သောစိစစ်မှုများပြုလုပ်ရခြင်းအကြောင်းရင်းကိုစာရေးသူအနေဖြင့်ဆန်းစစ်ရာတွင် အောက် ပါအခြေခံများကြောင့်ဟူသောအချက်များကိုလေ့လာမိပါသည်။

(က) အစိုးရမှကျခံရမည့် နိုင်ငံခြားငွေသား(foreign currency) ပမာဏထိန်းချုတ်ရမှု၊

(ခ) ပညာတော်သင်များအမိနိုင်ငံသို့ပြန်လာနိုင်မည့်အလားအလာ နှင့် ပြည်တော်ပြန်များအတွက် နေရာ ပြန်လည်းချထားမှုတွင်၊ သက်ဆိုင်ရာဌာနအဖွဲ့အစည်းတွင်အံဝင်ဂွင်ကျမှု၊

ယေဘူယျအားဖြင့်ပညာတော်သင်ရွေးချယ်ရာတွင် စာမေးပွဲစစ်ဆေးခြင်းဖြင့်ပမာဏစစ်ဆေးမှုများပြုလုပ် ရွေး ချယ်သည်မှာမှန်သော်လည်း၊ ခေတ်အဆက်ဆက်တွင်၊ မိမိတို့နှင့်နီးစပ်ရာဖြစ်စေ၊ မိမိဌာနတွင်းမှဖြစ်စေ၊ ရွေး ချယ်စေလွှတ်သည့်ထုံးတမ်းစဉ်လာအလွန်ကြီးမားခဲ့သည်မှာ အထင်အရှားပင်။ အဝေးရောက်နေသူ၊ နယ်စွန်ရပ် ခြားရောက်နေကြသူ(အစိုးရ၀န်ထမ်းများ)တို့အတွက်ကား၊ ဤမဟာအခွင့်အလမ်းကြီးရဘို့ရန်မှာများစွာခက်ခဲ လှပေသည်။ သို့အတွက်ကြောင့်ခေတ်အဆက်ဆက်တို့တွင် နိုင်ငံခြားသို့ စေလွှတ်ခံရခြင်း (မည်သည့်နည်း နှင့်ဘဲသွားရ သွားရ) သည် ကြီးစွာသောဆုလာဘ်ကြီးဖြစ်ခဲ့သည်။ ထို့အတွက်ကြောင့် နိုင်ငံခြားကရလာသည့် ပညာရပ်တို့ထက်၊ “ဘိလပ်ပြန်”ဟူသောဝိသေသ (သို့မဟုတ်) ၀င်ငွေရသောအလုပ်များရှိ၍ ၀ယ်ခြမ်းလာသော ပစ္စည်းဥစ္စာလက် ဆောင်ပဏ္ဏာတို့ကပိုမြင့်မြတ်၍၊ လူပြိန်းကြိုက်သောခေတ်တခေတ်ရှိခဲ့ဘူးသည်ဟု ဆိုလျင် လွန်အံ့မထင်ပါ။ အင်ဂျင်နီယာပါရဂူ (သို့မဟုတ်) ဆေးကုသရေးဆိုင်ရာခွဲစိတ်ကုသမှုပါရဂူ (FRCS) စသည်တို့ ရလာကြသူတွေ လည်း၊ မိမိတို့အမည်နောက်တွင် အမြီးရှည်ချင်တိုင်းရှည်ခွင့်ရ၍၊ ပိုက်ဆံရှာလက်မှတ်ရဘိ သကဲ့သို့ အကျိုးရှိ လှခြေသည်။ သို့အတွက်ကြောင့်နိုင်ငံရပ်ခြားသွားရောက်ခွင့်တည်းဟူသောလုပ်ပိုင်ခွင့်ကိုပိုင်စိုးကြသော အရာရှိမင်းများသည် လွန်စွာလာဘ်ရွှင်ကြသည်ဟူသတည်း။  ယခုအစိုးရကဲ့သို့သော အဂတိတိုက်ဖျက်ရေးကို အထူးအလေးပေး သောခေတ်တွင်လည်း၊ မပေးကြမကမ်းကြရသဖြင့်ဘ၀င်မကျသောသူတွေလည်းအလွန်များ လှသည်ဟု ကြားမိ သည် (ပေးကမ်းရာတွင်များစွာလက်ယဉ်လျက် ဓလေ့ထုံးစံကြီးသဖွယ်နှလုံးပိုက် ကြသူ မြန်မာတို့ စိတ်ပူပမ်နေ ကြသောခေတ်)။  တိုင်တန်းခွင့်ကိုအပြည့်ပေးထားသော်လည်း မည်သူကမျှ ရေးကြီးခွင့်ကျယ်လုပ်ပြီးမတိုင်ကြ။ တိုင်ကြား၍စစ်ဆေးတွေ့ရှိတိုင်းသာ အရေးယူရလျင်လည်း၊ ရှိသမျှရာထူးကြီးငယ်မှန်သမျှတို့ ဇီဝိန်ချုပ်လျက် ဌာန များပင်ဖျက်သိမ်းရလောက်ဖွယ်ရှိနေသည်။ ဤပြည်ပပညာတော်သင်အပါအ၀င်ဖိတ်ခေါ်များကိုကြိကြပ်ရသော သက်ဆိုင် ရာအစိုးရ၀န်ကြီးဌာနများ၏ နိုင်ငံတကာအဆက်ဆံရေးဆိုင်ရာဌာနအရာရှိမင်းများသည်လည်းလွန်စွာမျက်နှာ ပွင့်ကြယုံမက၊ ခွင့်ပြုမိန့် ပေးခွင့်မရှိသည့်တိုင်အောင်စာရွက်စာတမ်းကိစ္စများအဆင်ပြေချောမွေ့ရေးအတွက် ကလည်းအချိန်နှင့်တပြေးညီ အရေးကြီးသည်မို့ သူတို့၏တန်ခိုးသည်လည်းလွန်စွာထွားကြိုင်းခဲ့သည်မှာအမှန် ပင်။ ပညာသင်တစ်ဦး ခြင်းကို အစိုးရအဖွဲ့အစည်းအဝေး (စိစစ်ရေးအဖွဲ့) မှသာဆုံးဖြတ်ရသည်၊ ဆိုသော်လည်း သက်ဆိုင်ရာဝန်ကြီး ဌာနနှင့် sub-cabinet ကဲ့သို့သောလမ်းကြောင်းများကိုချောချောမွေ့မွေ့ဖြတ်သန်းရေးမှာ လွန်စွာအရေးကြီးသည်။ နောက်ဆုံးပိတ်အမိန့်ထွက်ပြီခါမှ၊ အရေးပါအရာရောက်သူတစ်ဦးကမျက်စေ့ကျသဖြင့်၊ လူချင်းလဲပြီး၊ ရှေ့အမိန့် ကိုနောက်အမိန့်နှင့်ဖျက်ပြီးခပ်တည်တည်နှင့်ကိုယ့်လူကိုယ်အစားထိုးသော အဖြစ်မျိုး တွေလည်းလက်ချိုးရေလို့ ပင်မနိုင်ခဲ့ပေ။ လမ်းစဉ်ပါတီခေတ်နှင့်စစ်အစိုးရခေတ်ရှည်ကြီးတို့တွင် နိုင်ငံခြားသို့ခြေချခွင့်လေးရဘို့၊ အထက် အရာရှိမင်းတို့ကိုနတ်သံနှောပြီး “ကန်တော့” ကြရသောအဖြစ်များနှင့်၊ ဖောင်ကြီးဗဟိုဝန်ထမ်းတက္ကသိုလ်၊ တိုင်း တပ်တွင်ပညာပေးသင်တန်းများ၊ မျက်စေ့စုံမှိတ်၍တက်ခဲ့ကြသူတွေ လည်းမရေတွက်နိုင်ပြီ။ “မိုးကျရွှေကိုယ်” တို့၏ခေတ်သက်တမ်းကားသက်ဇိုးရှည်ဆဲဟုပြောရလျင် တိုက်ရိုက်တာဝန်ရှိသူတို့ကဆတ်ဆတ်ထိမခံဖြစ်ပြီး၊ ပြန်တရားစွဲမည်ဟုချိန်းခြောက်ကောင်းချိန်းခြောက်နိုင် သည်။ သေခြာသည်ကတော့ ဤ၀ဲသြဂါမှအလွတ်မရုံး ထွက်နိုင်သေးသော ယနေ့မြန်မာနိုင်ငံ၏နိုင်ခြားပညာတော်သင် စေလွှတ်ရေး စနစ်ကြီးပင်ဖြစ်သည်။

အမှန်ဆိုရသော် များစွာသောပြည်ပအစည်းအဝေး၊ ဆွေးနွေးပွဲ၊ သင်တန်း တို့သည် သက်ဆိုင်ရာတို့က (အချို့ ဆိုလျင်ခရီးစရိတ်အပါအ၀င်) အကုန်အကျခံ၍ မြန်မာနိုင်ငံသားတို့ကိုဖိတ် ခေါ်ကြခြင်းဖြစ်သည်ကိုလေ့ လာတွေ့ ရှိရသည်။  ဘွဲ့လွန်နှင့်ပါရဂူသင်တန်းများသာလျင် အစိုးရအနေဖြင့်နိုင်ငံခြားငွေကျခံကြရသည် (ဥပမာ တပ်မ တော်မှစေလွှတ်သောပညာသင်များကဲ့သို့)။ အချို့ဆိုလျင် မိမိတို့ဆွေမျိုးသားချင်းမိတ်ဆွေများမှနိုင်ငံခြား ငွေ သားကိုချေးငှားစရိတ်ပြုလျက်ဆိုင်ရာနိုင်ငံသို့ရောက်မှ၊ ထိုဆိုင်ရာအဖွဲ့အစည်းများမှထုတ်ပေးသောနိုင်ငံခြား ငွေ ကိုပြန်လည်ပေးဆပ်၍ “နိုင်ငံခြားပြန်”တည်းဟူသောဘွဲ့ကိုသမုတ်ခြင်းခံကြရသည်။ ချို့တဲ့သောနိုင်ငံမို့ အစစ ခြိုး ခြံကြရသော်လည်း၊ ယင်းအပေါ်တွင်လည်သူစားစတမ်း စားခွက်လုနိုင်ငံခြားရောက်ဘူးသွားကြသူ တွေ လည်းဒု နှင့်ဒေးပင်။ ဘယ်သူတွေတော့နိုင်ငံခြားသို့ဘယ်နှကြိမ်သွားနေရသည်ဟူသောအဖြစ်ကိုဝန်တိုစွာ လက်ပိုက် ကြည့်နေရသောပြည်ပတစ်ကြိမ်တည်းပြန်များနှင့်၊ နိုင်ငံခြားမြေကိုယောင်၍ပင်နင်းခွင့်မရကြသော၊ ပညာ ရှင်တို့များစွာများစွာရှိခဲ့ရှိနေဆဲဆိုသည်ကိုကားငြင်းဘွယ်မရှိပါ။ သို့အတွက်ကြောင့် မိမိတို့ဘ၀တဆစ်ချိုးအ ပြောင်းအလဲကိုဖန်တီးနိုင်စွမ်းအင်အားရှိသော ပြည်ပသွားလာခွင့်သည်၊ လုပ်ပိုင်ခွင့်ရှိသူအစိုးရမင်းတို့လက်တွင်၊ ဆုပေးဒဏ်ပေးလက်နက်ကြီးဖြစ်နေသည်မှာယနေ့တိုင်အောင်ပင်။

ရောက်ပြီ ….. နိုင်ငံခြား

ပြည်ပခရီးစဉ်ပညာတော်သင်သွားခွင့်ရ၍၊ ပြည်ပသို့ရောက်ပြီဆိုပါစို့။ လပေါက်နှစ်ပေါက်နေခွင့်ရကြသူတွေ ပထမဆုံးလုပ်ကြသည့်အချက်ကား၊ ကာလကြာကွဲကွာခဲ့သော၊ မိတ်ဟောင်းဆွေဟောင်း၊ စာသင်ဖေါ်၊ လုပ်ကိုင် ဖေါ်တို့ကိုမြေလှန်ရှာကြသောအလုပ်ဖြစ်သည်။ မိမိတို့လက်လှမ်းမှီရာတို့မှစုဆောင်းမိသလောက်ဖုံးလိပ်စာ တို့သည်များစွာအသုံးဝင်လှသည်။ မိမိဇာတိနှင့်ဝေးချိန်အလွမ်းဖြေစရာ မိတ်ဟောင်းတို့ဖြင့်ပြန်လည်ဆုံတွေ့ လျက်၊ ရှေးဟောင်းနှောင်းဖြစ်ကအစ၊ လက်ရှိဘ၀အခြေအနေတို့ကိုသတင်းဖလှယ်ရသည်မှာလည်း ကြည်နူး စရာပေ။ သို့သော်မိမိလာရင်းကိစ္စအစည်းအဝေး၊သင်တန်းတို့ကရရှိနိုင်မည့်အခွင့်အလမ်းကိုဘေးချိတ်လျက်၊ မရောက်ဘူး သည့်နေရာဒေသထူးဆန်းထွေလာနေရာပျော်ရွှင်ဘွယ်များကိုမဖြစ်မနေရောက် လိုသောအာသီသ တို့က လွှမ်းမိုးလာကြသည် ကိုတွေ့ရသည်။ ယခင်နိုင်ငံခြားပြန်တို့၏စကားလက်ဆောင်အရ မရောက်မဖြစ် ရောက်သင့်သော နေရာများကို မရောက်ခဲ့သည်ရှိသော်ခေတ်နောက်ကြရလေချင်းဟူသောနောင်တကို ရှောင် ရှားနိုင်ကြစေရန်အလို့ငှာ၊ ခြေဆန့်ရန် လမ်းစရှာကြသည်။ နိုင်ငံခြားသွားခွင့်ဟူသောဒုလ္လဘတရား၏တိုက်တွန်း စေ့ဆော်မှုကားအထင် အရှားပင်။ စာရေးသူမှတ်သားမိသလောက် တရုတ်နိုင်ငံမှပညာသင်စေလွှတ်ရာတွင်၊ ပညာသင်တစ်ဦးအပါအ၀င် နောက်လိုက်ပညာသင်တစ်ဦးကိုပင်ပူးတွဲစေလွှတ်သော ခေတ်ဦးပိုင်းတချိန်တခါက ရှိခဲ့ဘူးသည်ဟုဆိုကြသည်။ ပင်မပညာသင်ကတနေ့တာသင်ကြားလာသမျှကို၊ တည်းခိုရာပြန်ရောက်ပါက၊ ပါလာသူနောက်လိုက်ထံအိတ်သွန်ဖါမှောက်ပြန်လည်ပို့ချမျှဝေရသည်။ ထိုမျှမက အပြန်အလှန်ဆွေးနွေးမှုများကို လုပ်ကြရသည်ဟုဆိုသည်။ ပညာကိုမြေလှန်ရှာသော အကျင့်ကောင်းသည်ယနေ့တရုတ်ပြည်သူ့သမ္မတ နိုင်ငံ ကြီး၏၊ နည်းပညာဆိုင်ရာနိုင်ငံတကာဝန်ဆံ့မှုကသက်သေထူနေပါပကော။ မောင်မိုးညို တို့အမိမြန်မာပြည်မှ ပညာသင်ရောက်လာကြသူတို့ကားတမူးထူးခြားကြသည်။ မိမိတို့အမည်နောက်တွက်ကပ်ပါသွားမည့် ဘွဲ့ထူး ဂုဏ်ထူးကိုသာ၊ အပါသယ်သွားကြသည်။ သင်ကြားတတ်မြောက်သွားသောပညာ၊ တိုးပွားလာနိုင်မည့် အသိ ဥာဏ်ပညာ တို့ကို၊ သင်ကြားရာအရပ်တွင်ပင်ချန်ရစ်ထားခဲ့သလားဟုထင်ရလောက်အောင်၊ တာဝန်ကြေရုံ လောက်သာလေ့လာမှတ်သားစုဆောင်းမှုများပြုကြပုံရသည်။ ယင်းအဖြစ်သို့ရောက်ရသောအကြောင်းရင်းခံကို လေ့လာကြည့်သောအခါ၊ ပညာသင်ကြားရန်ရွေးချယ်တာဝန်ပေးသော၊ တာဝန်ခံအရာရှိမင်းများက၊ ပညာသင် ထွက်ခါနီး “ကန်တော့”ချိန်တွင် “ကိုယ့်နိုင်ငံအတွက်အကျိုးရှိမဲ့ပညာတွေရသလောက်သင်ယူပြီး၊ နိုင်ငံအကျိုးပြု ဘို့ပြန်လာခဲ့” ဟူသော ၀တ်ကြေတန်းကြေသြ၀ါဒပေးခဲ့သော ခေါက်ရိုးကြိုး ပဋိသန္ဓာရစကားများ ကြောင့်ပင်ဖြစ် သည်ဟုဆိုရလျင်လွန်အံ့မထင်။ အဘယ်ကြောင့်ဆိုသော် အဆိုပါမိန့်မှာချက်များကိုခြွေပေးကြသော အဆိုပါ အရာရှိမင်းများကိုယ်တိုင်ပင်၊ မိမိတို့နှစ်ပေါင်းများစွာက၊ မိမိတို့အထက်အရာရှိမင်းများ၏ အလားတူ ပဋိသန္ဓာရ စကားများမကြားချင်အဆုံးကြားခဲ့ကြရသောကြောင့်ဖြစ်သည်။ ထိုစကားတို့ထက်ပို၍အရေးကြီးသောအချက် ကား “မင်းပြန်မလာလို့/အချိန်ဆွဲပြန်လာဘို့ဆင်ခြေတက်လို့ကတော့…ဘယ်လိုအရေးယူလိုက်မယ်နော” ဟူသော ၀ရဇိန်လက်နက်စကားကိုတော့လည်ပင်းစွပ်ပေးလိုက်သည်။ အဆိုပါအရာရှိမင်းတို့ကိုယ်တိုင်၊ စာမေး ပွဲ အတွက်အချိန်ဆွဲစရာရှိလာလျင်သော်၎င်း၊ နောက်ထပ်အပိုသင်တန်းလေးများနှင့်အတူ၊ အသိ အမှတ်ပြုသင် တန်း (Certification studies) များအတွက်၊ သက်ဆိုင်ရာဌာနများသို့အသနားခံခဲ့သော ဘ၀ဟောင်းများကို မေ့လျော့နေကြရော့ထင့်။

အရေးကြီးဆုံးနှင့်တန်ဘိုးအရှိနိုင်ဆုံးကိစ္စကား ပညာသင်ကြားချိန်၊ အစည်းအဝေး/ဆွေးနွေးပွဲတက်ရောက်ချိန် တို့တွင်၊ မိမိတို့လုပ်ကိုင်ရာဌာန၀န်းကျင်ကိုတိုက်ရိုက်အကြိုးပြုနိုင်မည့်၊ နည်းနာနိဿယ၊ လုပ်ထုံးလုပ်နည်း၊ ပညာသင်ကြားရာနိုင်ငံကြီး၏လူထုရေးရာစီမံခန့်ခွဲမှု (public policy) ပညာနှင့်ကျင့်သုံးနေသောစနစ်နှင့် လည် ပါတ်မှု၊ အားသာချက်အားနည်းချက်၊ အပြန်အလှန်ဆွေးနွေး (policy debates) များကိုထဲထဲဝင်ဝင် လေ့လာကြ ဘို့လိုအပ်သည်။ တိုးတက်သောနိုင်ငံများ၏ဘွဲ့လွန်ပညာသင်ကြားရေးစနစ်သည်၊ Open Education ပေါ်တွင် လုံးလုံးလျားလျားအခြေခံထားသဖြင့်၊ ယူတတ်နိုင်သမျှ ယူတတ်အောင်ကြိုးစားကြဘို့လိုသည်။ ပြည်တော်ပြန်မှ ပြန်ကြည့်တာပေါ့ ဟူသောအတွေးဝင်မိသည်နှင့် မိမိလာရင်းရည်မှန်းချက်ချွတ်ချော်ပြီဆိုသည်ကို မြင်အောင် ကြည့်တတ်ကြဘို့လိုပါသည်။ နောက်တချက်ကား မိမိနေထိုင်တည်းခိုရာဝန်းကျင်တွင်တွေ့ကြုံရသော၊ မိတ် ဆွေမိသားစု တို့သည် ပညာသင်တို့အတွက်အကောင်းဆုံးဆွေးနွေးဖေါ်များဖြစ်သည်ကိုနှလုံးသွင်းပါ။ လက်တွေ့ ဘ၀တွင်နေထိုင်ကြသူတွေမို့သူတို့တတွေ၏ ထင်မြင်မှု၊အတွေ့အကြုံတို့သည်၊ အကောင်းဆုံးဆွေးနွေးချက်များ ဖြစ်သွားနိုင်သည်။ ဤအထဲတွင်မိမိတို့၏မြန်မာမိတ်ဆွေအတန်းဖေါ် များသည် လည်းအပါအ၀င်ဖြစ်သည်။ အားမနာတန်းဆွေးနွေးနိုင်သည်။ အဆုံးဆိုရသော်၊ ပညာသင် ဆိုပြီး စားလိုက်အိပ် လိုက်နေရမည့်အချိန် မဟုတ်။ မိနစ်တိုင်း၊နာရီ/နေ့ရက်တိုင်းသည် တန်ဘိုးကြီးလှသောအချိန်ကာလဖြစ်သလို၊ မြန်မာနိုင်ငံသို့ ပြန်ရောက်ပြီးခါမှ၊ ဒီကိစ္စသေခြာမဆွေးနွေးခဲ့ရလေချင်းဟူ၍နောင်တမရကြဘို့လိုသည်။

ပြည်တော်ပြန်ပညာသင်…..တို့တတွေ

အမိမြန်မာပြည်ပြန်လမ်းစပြီဆိုကတည်းက၊ ပညာသင်များအစည်းအဝေးတက်ကြသူတွေ စိတ်တွင်းပထမဆုံး ၀င်လာသောစနိုးစနောင့်ဖြစ်စိတ်ကား “ငါ့ကိုငါ့အကြီးအကဲကဘာပြောမလဲ၊ နိုင်ငံခြားသွားလှချည့်ရဲ့”ဟုပြစ်တင် စကားပြောမည်လားဟူသောအတွေးပင်။ ပို၍ဆိုးသည်ကား”မိမိနှင့်မဆိုင်သည့် တခြားရာထူးနေရာကိုပြောင်းရွှေ့ လိုက်ရင်ခက်ရချည့်ရဲ့၊ နယ်စွန်နယ်ဖျားပို့ရင်ခက်ရချည့်ရဲ့”ဟူသောအတွေ့းများပင်။ ခေတ်အဆက်ဆက် ပြည် တော်ပြန်များကို မဆီမဆိုင်ရာထူးဌာနသို့ပြောင်းရွှေ့ခြင်းဖြင့် နာမ်နှိမ်နည်းကို အစိုးရမင်းအဆက်ဆက်တို့ ရေလဲ နှင့် သုံးခဲ့ကြသည်။ သည်ကြားထဲ ပြည်ပတွင်အချိန်ဆွဲနေထိုင်မိပါက၊ ပြစ်မှုကျူးလွန်သူတစ်ဦးကဲ့သို့ဆက်ဆံ သော၊ ၀န်ထမ်းစနစ်သက်ဇိုးရှေနေသေးသည်မဟုတ်ပါလော။ တာဝန်အရှိဆုံးသူတို့ကိုယ်တိုင်ပညာသင်ပြန်သူ တို့၏ ပညာကို၊ နိုင်ငံအတွက်တိုက်ရိုက်အကျိုးပြုမည့်တာဝန်များပေးရန်နှောင့်နှေးနေကြဆဲပင်ဖြစ်သည်။ ထိုသို့နှောင့် နှေးရန်လည်းထိုတာဝန်အရှိဆုံးအရာရှိမင်းတို့ကိုအသိမပေးဖုံးဖိထားကြသော လက်အောက်အရာရှိ တို့သည်လည်းရှိဆဲ၊ “ပန်း”ပန်ကြဆဲပင်။

ဒီမိုကရေစီတံခါးလှစ်ခါစမြန်မာနိုင်ငံသည်၊ နိုင်ငံသားတို့ လူတန်းစေ့သော ဘ၀ရောက်ရှိစေရေးမှာ၊ ပညာတတ် များနေရာ/ရာထူးရကြဘို့အထူးလိုပါသည်။ လက်ရှိပြည်ထောင်စုရာထူးဝန်အဖွဲ့နှင့် အစိုးရအဖွဲ့ကြီး၏ပညာတော် သင်ရွေးချယ်ရေး နည်းစနစ်၊ ပညာသင်ပြန်များ၊ လူမှန်နေရာမှာအမြန်ဆုံးနေရာရရေးတို့အတွက်၊ မူဝါဒများ လက်တွေ့ကျကျ အကောင်အထည်ဖေါ်သင့်သောအချိန်ဖြစ်သည်။  လက်တွေ့အကျိုးပြုအကောင်အထည် ဖေါ် နိုင်မည့်မူဝါဒများ မရှိသေးသရွေ့၊ လက်သင့်ရာစားတော်ခေါ်သော စနစ်ရှိနေသေးသရွေ့၊ “သမင်မွေးရင်း၊ ကျား စားရင်း” ပညာတော်သင်စနစ်အဖြစ်သာ သက်တမ်းရှည်နေဦးမည်ဖြစ်သည်။ လူကြားကောင်းယုံ၊ ဖြတ်လမ်း နည်းကိုလိုက်သော ပညာသင်စနစ်များလည်း၊ မြန်မာနိုင်ငံတွင်ခေတ်အဆက်ဆက်ပေါ်ခဲ့သည်။ ပညာသင်ပြန် လာသူတို့ကို၊ မရှုစိမ့်သော (၀ါ) ယုံကြည်မှုမထားနိုင်သော ပညာသင်စေလွှတ်ရေးစနစ်ထွန်းကားနေသေးသရွေ့၊ ပညာတော်သင်တို့၏ ပညာရပ်လိုက်စားလိုမှုသည်အားနည်းနေကြဦးမည်ဖြစ်သည်။ ထိုအားနည်းမှုသည် သက် ဆိုင်ရာစေလွှတ်သောဌာနကြီး၏အားနည်းမှုဖြစ်သလို၊ နိုင်ငံ၏မခန့်မှန်းနိုင်သောဆုံးရှုံးမှုကြီးလည်းဖြစ်သည်။ ဤအဟောသိကံဖြစ်နေသာပညာသင်စေလွှတ်မှုကို မြင်အောင်ကြည့်ပြီးတာဝန်ရှိသူတို့ ပြုပြင်နိုင်ကြပါစေ ကြောင်း။        ။

အသံတိပ်အင်အားစုကိုနိုးထစေသူ (၀ါ) Donald Trump

ပြီးခဲ့တဲ့ နိုဝင်ဘာ (၉)ရက်နေ့နံနက်အာရုံတက် လင်းအားကြီးအချိန် အမေရိကနိုင်ငံတ၀ှမ်းနေထိုင်ကြသူ နိုင်ငံသားအားလုံးရဲ့ဘ၀တွေကိုပြောင်းလဲစေမဲ့ သတင်းထူးကြီးတစ်ခုပေါ်ထွက်ခဲ့ပါတယ်။ သမ္မတလောင်း ဒေါ်နယ်လ်ထရမ့်ဟာ ပြိုင်ဖက် ဒီမိုကရက်တစ်ပါတီပါတီဝင် ဟီလာရီကလင်တန်ကို Electoral မဲအပြတ်အ သတ်နဲ့အနိုင်ရရှိလိုက်တယ်ဆိုတဲ့သတင်းပါဘဲ။ နိုဝင်ဘာ(၈)ရက်ညဦးပိုင်းဝင်လာတဲ့မဲစာရင်းစစ်တမ်းအရ၊ မဲအင် အားပိုလာတဲ့ဒေါ်နယ်လ်ထရမ့်ရဲ့သတင်းဟာကွန်ယက်များစွာတို့ရဲ့စစ်တမ်းနဲ့အတူ ၀င်လာကြပါတယ်။ မောင်မိုးညိုဆီကို၊ အမေရိကပြည်တွင်းကသာမက၊ အာရှအရှေ့ဖျားနဲ့မြန်မာနိုင်ငံတို့မှ၊ emails, text messages၊ ဖုံးတွေတဖွဲဖွဲ ၀င်လာကြခြင်းကိုကြည့်ခြင်းအားဖြင့်၊ အခုနှစ်အမေရိကအထွေထွေရွေးကောက်ပွဲကိုနိုင်ငံတ၀ှမ်း က၊ မပြတ်ဒေါက်ထောက်ကြည့်နေတယ်ဆိုတာသိသာထင်ရှားလှပါတယ်။ ဒီသတင်းကို ကြိမ်းသေပေါက် အောင်နိုင်မယ်လို့ ကြိုတင်တွက်ကိန်းထုတ်ပြီး၊ ရွေးကောက်ပွဲအောင်နိုင်ရေးမိန့်ခွန်းပြင်ဆင်နေတဲ့ ကလင်တန် အုပ်စုရဲ့အရှိုက်ကိုကောင်းကောင်းကြီးထိခိုက်သွားစေသလို၊ ရွေးကောက်ပွဲရလာဒ်ကို ဘယ်လိုဆင်ခြေတက်ကန့် ကွက်ရမလဲဆိုပြီးပြင်ဆင်နေကြတဲ့ ထရမ့်အုပ်စုကို အလွန်အမင်အံ့သြသွားစေတာအမှန်ပါဘဲ။ ဒီသတင်းဟာ ရှုဒေါင့်မျိုးစုံကိုကကြည့်ကြသူအားလုံးနဲ့တကွ၊ သတင်းကွန်ယက်အားလုံးလိုလိုကို အထိတ်တလန့်ဖြစ်သွားစေ ပါတယ်။ ကလင်တန်အနိုင်ရမယ်လို့၊ ရွေးကောက်ပွဲခရီးလမ်းကြောင်းတလျှောက်စစ်တမ်းများထုတ်ပြန်ခဲ့ယုံမက၊ ထရမ့်ရဲ့ Republican Partyကိုယ်တိုင်က၊သူ့ဆီကဖယ်ခွါထွက်ပြီး၊ လက်ရှိရွေးကောက်ပွဲမှာပြန်လည်းယှဉ်ပြိုင်တဲ့ ပါတီဝင်အမတ်များ အောင်နိုင်ရေးကိုဦးစားပေးမယ်လို့ပြောခဲ့တဲ့ လွှတ်တော်ဥက္ကဌ Speaker Paul Ryan ရဲ့ သဘောထားကို လေ့လာကြည့်ပါကမြင်သာလှပါတယ်။

အကြောင်းရင်းခံ

အမေရိကနိုင်ငံရဲ့ရွေးကောက်ပုံနည်းစနစ်ဟာ၊ မဲဆန္ဒရှင်များရဲ့အမှန်တကယ်လိုလားချက်ကိုထိထိရောက်ရောက် ရောင်ပြန်ဟပ်စေတဲ့စနစ်အဖြစ်ကမ္ဘာမှာ၊ အများယုံကြည်လေးစားရတဲ့ ရွေးကောက်ပုံစနစ်ဖြစ်ပါတယ်။ ရွေး ကောက်ပွဲနေ့မတိုင်မှီ၊ media network အားလုံးလိုလို (LA Time/USC မှလွဲပြီး) Clinton အနေနဲ့အရွေးချယ်ခံ ဘို့အလွန်အလေးသာကြောင်း (Republican Party ဘက်ယိမ်းတဲ့ Fox News အပါအ၀င်) တစိုက်မတ်မတ် ကြေငြာခဲ့တဲ့အတွက် ရလာဒ်ဟာ၊ အမေရိကနဲ့ကမ္ဘာကိုတုန်လှုပ်သွားစေပါတယ်။ ကော်လာပြာနဲ့ ပညာ ရေးချို့ တဲ့ကြသူလူဖြူလူမျိုးအများစုဟာ၊ အမေရိကနိုင်ငံအတွင်း အဆက်မပြတ်ဝင်ရောက်လာနေတဲ့ immigrants တွေ ကသူတိုရဲ့နေရာတွေအစားဝင်နေရာယူပြီးအခြေခိုင်မာလာကြတာကိုမလိုလားကြတဲ့အစိုင်အခဲဟာ အဲ့ဒီ လူတန်း စားထဲမှာ ပေါက်ကွဲလုမတတ်ဖြစ်လာပါတယ်။ အဲ့ဒီအချက်ကိုကျော်ထောက်နောက်ခံပြုတဲ့သာဓက ကတော့ ရွေးကောက်ပွဲအဆက်ဆက်တွေမှာ နောက်တန်းကနေခဲ့တဲ့ ပညာမဲ့ (သို့မဟုတ်) ပညာအရည် အသွေး နည်းပါးသူလူဖြူလူတန်းစားက မဲတွေကိုပုံအောပေးပြီး သူုကိုရွေးချယ်ခဲ့ပါတယ်။ အဲ့ဒီလူတန်းစားဟာ ခုရွေး ကောက်ပွဲခရီးစဉ်တလျှောက်မှာ ဘယ်သူ့ကိုမဲပေးမယ်လို့ လူသိရှင်ကြားထုတ်ဖေါ်မပြောဘဲရေငုံနှုတ်ဆိတ် နေရင်း ရွေးကောက်ပွဲနေ့ရက်ကို လက်ချိုးရေတွက်ခဲ့ကြပါတယ်။ လက်ရှိသမ္မတဘာရက်အိုဘားမား ဟာလည်း ဒီနည်းလမ်းနဲ့  African-American လူတန်းစား ရဲ့ တိတ်တဆိတ်ဆန္ဒမဲတွေနဲ့ သမ္မတသက်တမ်း(၂)ကြိမ်ဆက်ခံ အောင်ပွဲရခဲ့သူပါ။ မိမိတို့ရွေးချယ်တင်မြှောက်လိုက်တဲ့ အစိုးရနဲ့ လွှတ်တော် အမတ်များကလည်း၊ ရွေးကောက် ပွဲတွေမှာကတိတွေအထပ်ထပ်ပေးပြီး ဘာတခုမှအရာထင်မလာခဲ့ခြင်းဟာ လည်းကြီးစွာသောအကြောင်းချင်းရာ များဖြစ်လာပါတယ်။ အဲ့ဒီအတွက် Trump ဟာ သူတို့ရဲ့ဘ၀မီးရှူးတန် ဆောင်ကယ်တင်ရှင်ကြီးဖြစ်မှန်းမသိ ဖြစ်လာပါတယ်။ သူ့ရဲ့ဒေါသကြီးမှု၊ ပါးစပ်အာချောင်မှု၊ စည်းကမ်းမဲ့စွာဝေဖန် ပုန်ခတ်မှု၊ အမျိုးသမီးများအပေါ် အနိုင်အထက်စီးဆက်ဆံအခွင့်ရေးယူမှုတွေအားလုံးဟာ၊ သူတို့အတွက်အရေး ပါလှတဲ့ကိစ္စမဟုတ်တော့ပါဘူး။ သူ့ရဲ့နိုင်ငံတကာနှင့်အဓိကအရေးပါသောပြည်တွင်းရေးကိစ္စဗဟုသုတနည်းပါးမှုဟာ သူတို့အတွက်ဂရုစိုက်စရာ တွေလို့မထင်တော့ပါဘူး။ ကလင်တန်ရဲ့ ဌာနတွင်းကိစ္စတွေမှာ ပုဂ္ဂလိကemail ကိုလက်လွတ်စပယ်သုံးခဲ့ခြင်း တွေဟာ လည်းသူမရဲ့ကျဆုံးခြင်းကိုရောက်ရှိစေတဲ့ကိစ္စတွေလို့လေ့လာရပါတယ်။

ရွေးကောက်ပွဲအလွန်

မဲဆန္ဒရရှိမှုတွေထုတ်ပြန်အပြီး၊ တစ်နိုင်ငံလုံးခံစားကြရတဲ့အချက်ကတော့ “မရေရာသောအနာဂါတ်ကြီး” တခု အတွင်းကိုဝင်ရောက်နေပြီလားဆိုတဲ့အဖြေမသိတဲ့မေးခွန်းပါဘဲ။ အစိုးရိမ်ဆုံးစိတ်တွေကတော့ သူပြော တဲ့ စကား/ကတိက၀တ်တွေဟာ အမှန်တကယ်ဘဲလားလို့ဆိုတဲ့ထိတ်လန့်တုန်လှုပ်မှုလှိုင်းဂယက် ဟာ ကမ္ဘာ တ၀ှမ်းကိုပြန့်နှံ့သွားတဲ့အတွက်ကြောင့် ငွေကြေးဈေးကွက် stock markets အားလုံးလိုလိုကိုထိခိုက်ကျဆင်း သွားစေပါတယ်။ သူ့ရဲ့ရွေးကောက်ပွဲကာလတလျှောက်စကားမဆင်ခြင်မှုတွေကြောင့်၊ သူ့ရဲ့နောက်လိုက်တွေက တနေတနေ့ ဆင်သေကိုဆိတ်ရေနဲ့ဖုံးရတဲ့အလုပ်တွေနဲ့ဗျာများခဲ့ကြရတာအထင်ကရပါ။ လူနည်းစုများကို သာမ က၊ မိမိပါတီခေါင်းဆောင်ပိုင်းများကိုပါပုဂ္ဂိုလ်ရေးပုတ်ခတ်မှုတွေတရစပ်လုပ်ဆောင်နေမှုတွေက၊ သူ့ရဲ့ ခေါင်း ဆောင်နိုင်မှုစွမ်းရည်ကို များစွာသံသယဖြစ်နေကြပါတယ်။ ဒါပေမဲ့ဆိုခဲ့တဲ့အတိုင်း ပညာရည်နည်းပါးတဲ့ လူတန်း စားကဒီအဖြစ်တွေကိုမျက်ကွယ်ပြုပြီး၊ မိမိတို့ဆီကဖဲ့ထုတ်ယူသွားတဲ့ immigrants လူတန်းစားရဲ့နေရာ တွေကို ပြန်လိုလားတဲ့ဆန္ဒတွေကပြင်းထန်နေပါတယ်။ အဲ့ဒီအတွက်သူ့ကိုမျက်စေ့မှိတ်ပြီး မဲဆန္ဒပေးခဲ့တဲ့ကိန်း ဂဏန်း အချက်အလက်များကအထင်အရှားပြဆိုနေပါတယ်။ ယခုအချိန်မှာအမေရိကနိုင်ငံတ၀ှမ်းမှာ ထရမ့်သမ္မတ ရွေးကောက်ခံရခြင်းကိုကန့်ကွက်တဲ့ထောင်သောင်းချီတဲ့ဆန္ဒပြပွဲတွေလုပ်နေပါတယ်။ အဲ့ဒီဆန္ဒပြပွဲတွေဆက်ဖြစ် နေရင်တချိန်ချိန်မှာ ဆူပူမှုတွေအဖြစ်ပြောင်းလဲသွားနိုင်ပါတယ်။ ဒါဟာမလိုလားအပ်တဲ့ကိစ္စတွေပါ။ အခုဆောင်း ပါးရေးချိန်အထိ လူထုကထောက်ခံတဲ့ Popular Votes ဟာ ကလင်တန်ဘက်ကအလေးသာနေပါတယ်။ ဒါကို ထောက်ပြပြီး ထရမ့်ကိုပြန်လည်ဖြုတ်ချနိုင်တဲ့နည်းလမ်းတွေကိုအပြင်းအထန်ရှာနေကြတဲ့အုပ်စုတွေ လည်းရှိ လာပါတယ်။ လာမဲ့ ဒီဇင် ဘာ (၁၉)ရက်မှာ Electors တွေကနောက်ဆုံပိတ်အဆုံအဖြတ်မှတ်တမ်းတင်မဲ့ မဲအ တည်ပြုမှုကိုပြောင်းလဲစေမဲ့ နည်းလမ်းတွေရှာနေကြပါပြီ။ ကာလီဖိုးနီးယားကဲ့သို့ပြည်နယ်ကြီးကလည်း ပြည် ထောင်စုမှခွဲထွက်ရေး(Calexit) အတွက်တာစူနေကြတဲ့အုပ်စုတွေပေါ်ပေါက်လာရုံမက၊ လာမဲ့ကြားဖြတ်ရွေး ကောက်ပွဲမှာ ဆန္ဒခံယူဘို့အထိကြိုးစားလာတဲ့ခြေလှမ်းတွေကိုမြင်နေရပါတယ်။ ဖြစ်နိုင်ဘို့လမ်းကတော့ အတော်နည်းပါတယ်။ အမေရိကအခြေခံဥပဒေမှာ၊ ပင်မရေးဆွဲခဲ့ကြသူ Founding Fathers တွေရဲ့အစီအမံနဲ့ နောက်ဆက်တွဲဥပဒေ ပြင်ဆင်ချက်တွေက၊ အမေရိကနိုင်ငံရွေးကောက်ပွဲ များကိုဘက်လိုက်မှုကင်းစေရေး အတွက် အသေအခြာ အကာအကွယ်ပြုခဲ့တဲ့မဲပေးစနစ်ပါ။ Electors များဟာ မိမိမဲဆန္ဒနယ်ကပြည်သူအများ ထောက်ခံမှု ကိုဆန့်ကျင် ပြီး၊ မိမိနှစ်သက်ရာကိုဆန္ဒပြုခွင့်ရှိတဲ့ပြည်နယ်အချို့ရှိသော်လည်းဘဲ (Faithless Electors)၊ ဒီထက်ကောင်းတဲ့ ရွေးကောက်ပွဲစနစ်မဖေါ်ထုတ်နိုင်သေးသရွေ့ ဒီပြဌာန်းချက်ကိုလိုက်နာကြရမဲ့ တာဝန်သည်၊ နိုင်ငံသားအားလုံးရဲ့ တာဝန်ကြီးတခုပါဘဲ။ အမေရိကနိုင်ငံသားအများစုရဲ့ဆန္ဒကိုအထင်အရှား ပြသခဲ့တဲ့ စီးပွားရေးလုပ်ငန်း ရှင်ကြီး Donald Trump ရဲ့အရွေးချယ်ခံရမှုဟာ တရားဝင်မှုတခုလို့ဆိုပါရစေ။ မိမိတို့ကြိုက်နှစ်သက်သည် ဖြစ်စေ၊ မကြိုက်နှစ်သက် သည်ဖြစ်စေ၊ သူဟာ President-electတစ်ဦးဖြစ်နေပါပြီ။ ရွေးကောက်ပွဲရလာဒ်ကို လိုက်နာကြ ရမဲ့တာဝန်ဟာ နိုင်ငံသားအားလုံးရဲ့တာဝန်တစ်ခုဖြစ်နေပါတယ်။ နောင် အုပ်ချုပ်ရေးအဖွဲ့သစ်အတွက် ကြိုတင် ပြင်ဆင်မှုများလုပ်ဘို့လိုတဲ့အတွက်၊ ဒီအမှတ်မထင်တဲ့ သူ့ရဲ့အောင်နိုင် မှုဟာ၊ အစိုးရအဖွဲ့သစ်ဖွဲ့စည်းရေး မှာများ စွာအဟန်ုအတားများတွေ့ကြုံရမှာအမှန်ပါ။ သူ့ရဲ့Repulican ပါတီ ခေါင်းဆောင်ပိုင်ထဲမှာကိုသူ့ကိုမလိုလား သူ တွေအတော်များများရှိနေတာမို့၊ သူ့ရဲ့ရွေးချယ်ဆုံးဖြတ်မှုတွေဟာ အလွန်ခက်ခဲနိုင်လိမ့်မယ်လို့လေ့လာသူ တွေ ကခန့်မှန်းကြပါတယ်။
ရွေးကောက်ပွဲကြိမ်ဖန်များစွာများပေးခဲ့တဲ့ကတိက၀တ်ပြုမှုတွေကိုလေ့လာကြည့်ရအောင် -

(က) Obamacareကိုအစားထိုးရုပ်သိမ်းရေး၊ ခုချိန်အခြေကျနေပြီဖြစ်ပြီး သန်းပေါင်း(၂၀)နဲ့များစွာသောလက်ရှိ အမာခံဖြစ်နေတဲ့ ကျန်းမာရေးအာမခံများဟာ လူကြိုက်များရေပန်းစားနေပြီမို့၊ ထင်သလောက်မလွယ်ယုံမက၊ ရှုတ်ထွေးလှတဲ့နည်းဥပဒေတွေကိုမသေခြာဘဲလက်ဝင်ဒါးစာခံမဲ့သူမရှိသလောက်ဖြစ်နေပါတယ်။ Healthcare Saving Account HSA နဲ့ Medicaid များဖြတ်တောက်ရေး၊ ပြည်နယ်များကိုလုပ်ပိုင်ခွင့်ပေးအပ်ရေးနဲ့ကိုတော့ လုပ်ဖြစ်အောင်လုပ်မဲ့သဘောရှိနေပါတယ်။

(ခ) Mexico border တလျှောက် ဧရာမနံရံကြီးများတည်ဆောက်ရေး၊ ဒီကိစ္စကသိမ်မွေ့တဲ့အပြင် လက်တွေ့မှာ ငွေကုန်ကြေးကျများယုံမက၊ အဲ့ဒီအတွက်ကုန်ကျစရိတ်ကိုဝင်ရောက်သူတွေဆီကကောက်ခံတယ် ဘဲထားအုံး စရိတ်ကာမိရန်မမြင်လှပါဘူး။

(ဂ) စီပွားရေးနှင့်ဒေသတွင်းစစ်ရေးစာချုပ်များ (NAFTA/TPP)ပြန်သုံးသပ်ရေးဆိုတဲ့သူ့စကားက ဥရောပနှင့် အာရှဒေသနိုင်ငံအတော်များများကို စိုးရိမ်ကြောင့်ကြစိတ်များနေစေပါတယ်။  ဒီကိစ္စက နိုင်ငံတကာနဲ့ဒေသတွင်း အမေရိကရဲ့ဦးဆောင်မှုကဏ္ဍကိုလျောကျစေနိုင်တယ်လို့သုံးသပ်သူတွေကဆိုကြပါတယ်။

(ဃ) အခွန်များဖြတ်တောက်ရေးနဲ့ အဓိကဆောက်လုပ်ရေးလုပ်ငန်းကြီးများဖြစ်တဲ့လမ်း/တံတားနဲ့လေယာဉ် ကွင်း များအဆင့်မြှင့်ရေးဆိုတဲ့ကြွေး ကြော်သံဟာ၊ နိုင်ငံငွေကြေးဖေါင်းပွမှုနဲ့အကြွေးမြီတင်ရှိနေမှုကို အဆမတန် ကြီးထွားစေမယ်လို့ လွှတ်တော်နဲ့ ဘတ်ဂျက်ရေးရာသုတေသီများကတွက်ချက်ညွှန်ပြနေကြပါတယ်။ (အချမ်းသာဆုံးလူတန်းစားများအခွန်သက်သာခွင့် ၁၀-၁၃%တွေ့နိုင်မည်ဟုခန့်မှန်းပြီး၊ သာမာန်ဝင်ငွေရှိသူတို့ က ၁.၃-၁.၈%သာ သက်သာခွင့်ရှိမည်ဟု Tax Policy Center နှင့် Tax Foundation တို့ကတွက်ချက်ပြကြပါ တယ်။)

(င) တရုတ်နိုင်ငံရဲ့ကိုငွေကြေးခ၀ါချမှုကိုတရားဝင်ကြေငြာယုံမက၊ သွင်းကုန်ခွန် (၄၅%) စည်းကြပ်ဖို့နဲ့၊ မက္ကဆီ ကိုနိုင်ငံမှ (၃၅%)စည်းကြပ်ဖို့ဆိုတဲ့အချက်က၊ ကုန်သွယ်မှုစစ်ပွဲအဖြစ်ဖန်တီးရာရောက်ယုံမက၊ အဲ့ဒီနိုင်ငံတွေရဲ့ စီးပွားရေးဂလဲ့စားကိုခံရနိုင်ဖွယ်ရှိနေတယ်လို့ဆိုကြပါတယ်။

(စ) စစ်မက်ဖြစ်ပွားနေသော မူဆလင်နိုင်ငံများမှ refugee ၀င်ရောက်လာမှုများ(ဖြစ်နိုင်လျင် နိုင်ငံပေါင်းစုံမှ ၀င်ရောက်လာမှုများအာချက်ချင်းရပ်ဆိုင်းရေး) စသည်တို့ဟာ သူ့ရဲ့ သမ္မတအာဏာပထမနေ့မှာ ဦးစားပေး ဆောင်ရွက်မဲ့ကိစ္စတွေဖြစ်ကြောင်းပြောဆိုခဲ့ပါတယ်။ ဒီကိစ္စတွေ ဖြစ်မြောက်နိုင်မလားဆိုတဲ့အချက်ဟာ များစွာသံသယဖြစ်စရာအကြောင်းအချက်များရှိနေကြောင်းလေ့လာကြသူတွေကစစ်တမ်းထုတ်ပါတယ်။

(ဆ) အခြားသောပြောင်းလဲမှုတွေကတော့ -

- သမ္မတအိုဘားမားရဲ့တရားမ၀င်ဘူးလို့သူယူဆတဲ့လူဝင်မှုကြိကြပ်ရေးဆိုင်ရာအမိန့်တွေကိုရုတ်သိမ်းရေး၊ (ကလေးသူငယ်/မိဘများလက်ခံနိုင်ရေးအချိန်ဇယားတိုးချဲ့ခြင်းဆိုင်ရာကိစ္စများအပါအ၀င်)

- လက်နက်ဝယ်ယူရာတွင်ဝယ်ယူသူရဲ့နောက်ကြောင်းခံသမိုင်းစစ်ဆေးမှုများရုတ်သိမ်းရေး၊ လက်နက်ကင်း ဇုံများကျောင်းများတွင်ရုပ်သိမ်းရေး၊

- လက်ရှိလွှတ်တော်များမှအရွေးချယ်ခံအမတ်များရဲ့သက်တမ်းကန်ု့သတ်ရေး၊

- ဖက်ဒရယ်အစိုးရ၀န်ထမ်းအသစ်ခန့်ထားခြင်းများချက်ခြင်းဆိုင်းငံ့ရေး (ကာကွယ်ရေး၊ ပြည်ထဲရေးနှင့် စစ်ပြန်များကျန်းမာရေးစောင့်ရှောက်မှုများမှလွဲ၍)

- ပါတ်ဝန်းကျင်ထိမ်းသိန်းရေး ဆိုင်ရာဥပဒေ နှင့် ဘဏ်လုပ်ငန်းမြှင့်တင်ရေး Dodd-Frank ဥပဒေတို့ကို ရုပ်သိမ်းရေး၊ သဘာဝဓါတ်ငွေ့နှင့်ရေနံထုတ်လုပ်ခြင်းကန့်သတ်မှုကိုဖွင့်လှစ်ရေး၊

- အိမ်ဖြူတော်နှင့် လွှတ်တော်များတွင်တာဝန်ထမ်းဆောင်ပြီးအနားယူကြသူတွေ (၅)နှစ်တာမျှ နိုင်ငံရေး ပွဲစား(lobbyist) လုပ်ခွင့်မပေးရေး၊ အိမ်ဖြူတော်ဝန်ထမ်းဟောင်းများနိုင်ငံခြားတိုင်းပြည်များ တွင် Lobbyist လုပ်ခွင့်ရာသက်ပန်ပိတ်ပင်ရေး၊ ထိုနည်းတူနိုင်ငံခြားသားတိုင်းပြည်များမှ အမေရိကရွေးကောက်ပွဲ များတွင်ထောက်ပံ့ခြင်းပိတ်ပင်ရေး၊

- ကုလသမဂ္ဂသို့ပေးရန်ကြွေးမြီ အာလုံးကိုဖြတ်တောက်၍ရေနှင့်ပါတ်ဝန်းကျင်ထိမ်းသိမ်းရေးဆိုင်ရာ ကိစ္စရပ် များတွင်ပြောင်းလဲအသုံးချရေး၊

- တရားလွှတ်တော်ချုပ်တွင်မိမိစိတ်ကြိုက်နိုင်ငံအတွက်အကျိုးပြုမည့်တရားသူကြီးတစ်ဦးအမြန်ခန့်ထားရေး၊

- လော့အိန်ဂျလစ်အပါအ၀င်မြို့ကြီးအချို့တွင်တရားမ၀င်ရောက်ရှိသူများကိုအကာအကွယ်ပြုထောက်ပံ့နေ သော ပြည်နယ်မြို့ကြီးများကိုအထောက်အပံ့ဖြတ်တောက်ရေး၊

- (၂)သန်းထက်မနည်းသောတရားမ၀င်ရောက်ရှိသူများကိုနေရပ်ပြန်လွှတ်ရေးနှင့်လက်ခံရန်ငြင်းဆန်သော မူရင်းနိုင်ငံများကို၊ ပြည်ဝင်ဗီဇာဖျက်သိမ်းရေး၊

- ကာကွယ်ရေးအသုံးစရိတ်နှင့်ပြည်သူ့လုံခြုံရေးအသုံးစရိတ်များမြှင့်တင်ရေး၊

ဒီအချက်များကိုအကောင်အထည်ဖေါ်လာနိုင်ဘို့အတွက်သူ့အနေနဲ့လုပ်နိုင်တဲ့အချက်ကတော့ မိမိကိုယ်ကိုအာ ဏာရှင်အဖြစ်အာဏာများကိုစုစည်းပြီးလုပ်နိုင်မှဖြစ်မယ်လို့လေ့လာသူအတော်များများကမြင်ကြပါတယ်။ ဒီ အတွက်ကြောင့်အမေရိကလိုနိုင်ငံမှာအာဏာရှင်စနစ်ထူထောင်ဘို့ရာဖြစ်လမ်းကြောင်းပေါ်နေပြီလားလို့သုံးသပ်သူတွေရှိနေပါတယ်။ ဒီအတွက်များစွာသောရွေးကောက်ပွဲကတိက၀တ်များကို အချိန်ဆွဲခြင်းနည်းများ၊ အလျှော့ အတင်းနည်းများတို့ကိုသုံးစွဲရန်မှတပါး၊ ဒေါ်နယ်ထရမ့်မှာအခြားရွေးစရာလမ်းမမြင်ပါ။ အမေရိကပြည်ထောင်စု ဟာ Check-and-Balance ပေါ်မှအခြေခံတဲ့နိုင်ငံရေးသိပ္ပံစနစ်ထွန်းကားနေတာမို့ အာ ဏာရှင်စနစ်ပေါ်ထွန်း ရေးဟာဖြစ်နိုင်ဘွယ်မရှိကြောင်းမြင်မိပါတယ်။ အာဏာရှင်စနစ် ကိုမှီတွယ်ကြီးပွားခဲ့ကြသူပုဂ္ဂိုလ်တွေနဲ့ကမ္ဘာ့ နိုင်ငံရေးအဖွဲ့အစည်းအချို့၊ မနာလိုသူအချို့တွေကတော့၊ အမေရိကနိုင်ငံ အာဏာရှင်စနစ် ထူ ထောင်နေပြီ လို့ဝမ်းသာအားရမျက်စေ့မှိတ်ပြီးကြွေးကြော်နေချင်ကြပါတယ်။ အဲ့ဒီပုဂ္ဂိုလ်နိုင်ငံရေး အင်အား စုတွေ မျက်ချေ ပြတ်နေတဲ့အချက်က အမေရိကနိုင်ငံသားတစ်ဦးချင်းရဲ့ရင်ထဲမှာရှိတဲ့ ဒီမိုကရေစီရေးစရိုက်လက္ခဏာ ဟာ အခြား တိုင်းတပါးသားတွေနားလည်ထားတဲ့ ဒီမိုကရေစီရေးသဘောထားနဲ့ အလားသဏ္ဍာန်မတူလုံးဝခြားနား တယ်ဆို တဲ့အချက်ပါဘဲ။ ဒီအချက်က အမေရိကရဲ့ (၃)ရာစုနီးပါးရှိနေပြီဖြစ်တဲ့၊ နိုင်ငံတည်ငြိမ်မှုကသက်သေ ထူလို့ နေပါ တယ်။

အဓိကကတော့သူ့ရဲ့ပါတီဖြစ်တဲ့ Republican ပါတီ ဟာလွှတ်တော်(၂)ရပ်လုံးမှာလူများစုနေရာရပြီးပြီမို့ လွယ်ကူ နိုင်မယ်လို့ အပေါ်ယံရှပ်ထင်စရာရှိသော်လည်း၊ သူ့ရဲ့ပါတီရဲ့ထောက်ခံမှုအပြည့်ရရှိရေးဟာ လွန်စွာအရေးကြီး နေပါတယ်။ သူ့ရဲ့ဦးတည်ရာလမ်းကြောင်းတွေအားလုံးလိုလိုကိုကျောထောက်နောက်ခံပြုမဲ့ ဆန်းစစ်ချက်တွေ မတွေ့ရသေးတဲ့အတွက်ကြောင့်လွှတ်တော်တွေကိုယ်တိုင်မှာပင်လက်တွန်နေ့သေးကြောင်းဆန်းစစ်တွေ့ရှိရပါတယ်။

Donald နှင့်မြန်မာ
ဒေါ်နယ်ထရမ့်အနေနဲ့ မြန်မာနိုင်ငံဟာ ကမ္ဘာ့မြေပုံမှာဘယ်မှာလဲလို့ပြန်ကြည့်ရလောက်အောင် တစိမ်းဆန်စွာ ကင်းကွာလှပါတယ်။ သူ့ရဲ့နိုင်ငံတကာစီးပွားရေးနဲ့ ဒေသတွင်းပူးပေါင်းဆောင်ရွက်ရေးစိတ်ဝင်စားမှု ဟာ လက်ရှိ အခြေအနေမှာ အ၀ီစိအောက်မှာရောက်နေပါတယ်။ မြန်မာနိုင်ငံအတွက် USAID အပါအ၀င်ထောက်ပံ့ထားတဲ့ ကိစ္စတွေမဖျက်သိမ်းရင်အင်မတန်ကံကောင်းတယ်လို့ဆိုရပါလိမ့်မယ်။ သူ့ရဲ့ကုန်သွယ်မှုနဲ့ပြည်ပရင်းနှီးမြှုပ်နှံမှု ဆိုင်ရာသဘောထားတွေဟာတင်းမာပြီး၊ ကုလသမဂ္ဂအပါအ၀င်ကမ္ဘာ့အဖွဲ့အစည်းတွေကိုတောင်မျက်ကွယ်ပြု ဆန့်ကျင်မဲ့သဘောရှိနေပါတယ်။ ဒါတွေအားလုံးဟာလည်း၊ သူ့ရဲ့ရွေးကောက်ပွဲအောင်နိုင်ရေးကတိက၀တ် တွေမို့သိသိသာသာမဟုတ်တောင်၊ မသိမသာထိန်းချုတ်မဲ့အလားအလာရှိနေပါတယ်။ အဓိကကတော့ ခုချိန်မှာ နိုင်ငံတကာရောက် immigrant စာရင်းဝင်ကျွန်တော်တို့မြန်မာအားလုံးဟာ သူ့ရဲ့ targetထဲမှာအကြုံးဝင်နေတာမို့၊ နေထိုင်ပြောဆိုသွားလာကြတာတွေအထူးသိထားကြဘို့၊ တပ်လှန့်နှိုးဆော်လိုက်ပါတယ်။

ကြားမညပ်ပါစေနဲ့။ ကိုယ်ဘယ်သူလဲဆိုတဲ့ကိုယ့်ရဲ့သမိုင်းနောက်ခံကိုမမေ့ကြပါနဲ့ (မေ့ချင်ယောင်မဆောင်ပါနဲ့။)။