ခရီးသွားခြင်းတည်းဟူသော အတတ်ပညာ (တတိယနောက်ဆုံးပိုင်း)

Florence Tours (၄ ရက်မှ ၆ ရက်အပြည့်လောက်အချိန်ပေးသင့်ပါတယ်။)

(၁) (၁၂)ရာစုကတည်ဆောက်ခဲ့တဲ့ နံမယ်ကြီး Pisa (leaning tower) ကြီးကိုတနေ့ကုန်သွားလို့ရပါ တယ်။ tour bus တွေရှိပါတယ်။  towers များစွာတို့ဟာ စောင်းနေကြတာကိုတွေ့နိုင်ပေမဲ့ Pisa ဟာ ကမ္ဘာ့အံ့သြဘွယ်ကောင်းအောင်စောင်း နေတဲ့အတွက် ဓါတ်ပုံရိုက်ကြသူတွေအများဆုံးနေရာပါ။ အပေါ်ဆုံးထိတက်မယ်ဆိုရင်တော့ ခရီးစဉ်ကပေးတဲ့အချိန်နဲ့ လက်မှတ်အတွက်တန်းစီရတာကိုထဲ့ စဉ်းစားပါ။ ကိုယ့် tour operator ကိုကြိုတင်ဆက်သွယ်မေးမြန်းရပါမယ်။ Baptistry နဲ့ Duomo Cathedral တွေမှာ အံ့ဘွယ်အနုလက်ရာများပြည့်နှက်နေတဲ့ gothic architecture တွေမြင်ရမှာပါ။ 

(၂) Pisa ဘက်သွားရင်း Siena နဲ့ Tuscany နံမယ်ကြီးဒေသတွေရဲ့အလှအပတွေကို tours တွေက ထဲ့သွင်းလေ့ရှိပါတယ်။ wine tasting လည်းပါလေ့ရှိပြီး၊ အစားအသောက်နံမယ်ကြီးပါတယ်။ ကမ္ဘာကျော် gelato ဆိုင်တွေမှာ စားဖြစ်အောင်စားပါ။

(၃) walking tours တွေ Florence မှာရှိပါတယ်။ Pizza della Signoria ဟာရင်ပြင်တခုမှာ များစွာ သော သမိုင်းဝင် Michelangelo ရဲ့ David ပန်းပုရုပ်ကြီးအပါအဝင် အခြားပညာရှင်များရဲ့ လက်ရာ မြောက်လက်ရာတွေကိုတွေ့နိုင်ပါတယ်။ အခြားအထင်ကရပြတိုက်ကတော့ Galleria ဖြစ်ပါတယ်။ Duomo, Baptistry စတဲ့နံမယ်ကြီးအနုပညာလက်ရာ paintings, fiasco, glass paintings တွေ ပြည့်နှက်နေတဲ့ ဘုရားကျောင်းတွေက ကြည့်သင့်တဲ့နေရာတွေပါ။

(၄) အနီးအနားမှာ central marketplace တခုရှိပြီး leather ပစ္စည်းစစ်စစ်တွေစျေးပေါပေါနဲ့ဝယ်နိုင် ကြပါတယ်။ အစားအသောက်ကောင်းဆိုင်တွေ၊ အခြားနံမယ်ကြီး (Louie Vuitton ကဲ့သို့သော) brand name ဆိုင်တွေအပြည့်ရှိပါတယ်။

(၅) (၁၆)ရာစုကစပြီးရှိခဲ့တဲ့ Uffizi Museum ဟာ Italy ရဲ့အထင်ကရထိပ်တန်းပြတိုက်ကြီးဖြစ်ပါ တယ်။ Florence ရဲ့စီးပွားရေးလူမှုရေးကိုကြီးစိုးခဲ့တဲ့ Medici Family ရဲ့ပိုင်ဆိုင်မှုတွေ၊ စုဆောင်းခဲ့တဲ့ တန်ဖိုးမဖြတ်နိုင်တဲ့အနုပညာလက်ရာတွေထိမ်သိမ်းပြသထားတဲ့နေရာတွေထဲမှာ ဒီပြတိုက်က ကမ္ဘာ ကျော်ပါ။ ပြခန်းပေါင် (၅၀)လောက်ရှိတာမို့ မကြည့်မဖြစ်ကြည့်သင့်တဲ့နေရာတွေကြည့်မိလိုက်စေဘို့ tour guides တွေမပါဘဲမလေ့လာသင့်ပါဘူး။ Leonardo da Vinci, Michelangelo, Raphael, Titan, Sandro Boticelli စတဲ့ထင်ရှားတဲ့ ပန်းချီပန်းပုပညာရှင်များရဲ့ တန်ဖိုးမဖြတ်နိုင်တဲ့ လက်ရာတွေ တစုတဝေးထဲ လေ့လာခွင့်ရမှာမို့ လက်မလွတ်တမ်းကြည့်ရမဲ့နေရာပါ။ နေ့တပိုင်းလောက်တော့ အနည်းဆုံးကုန်ပါတယ်။ အနားမှာ Ponte Vecchio စျေးတန်း ဟာ Arno မြစ်ပေါ်ဖြတ်ဆောက်ထားပြီး၊ နှစ်ထပ်ဆောက်ထားပါတယ်။ ရွှေဆိုင်တန်းတွေရှိပါတယ်။

(၆) အချိန်ရရင် Michelangelo Plaza, Boboli Gardens, Santa Croc Basilica တို့ဟာလည်း လေ့လာသင့်တဲ့နေရာတွေပါ။

(၇) Florence ရောက်တုံး UNESCO စာရင်းဝင် အလွန်လှပတဲ့ပင်လယ်ဆိပ်ကမ်းဘေးမှာရှိတဲ့ Cinque Terra ခေါ်တဲ့ကမ္ဘာကျော် ကျေးရွာ(၅)ရွာကို tours နဲ့သွားသင့်ပါတယ်။ ရွာတခုနုံတခုကို ရထားနဲ့အ လွယ်တကူကူးသန်းနိုင်သလို၊ ပင်လယ်ထွက်အစားအသောက်ကောင်းတွေ စျေးပေါပေါနဲ့စားနိုင်ပါ တယ်။ America လိုနေရာမှာ $(၅၀-၁၀၀)လောက်ကျမဲ့ seafood mix  အကျော်အလှော်စုံကို (၂၀) လောက်နဲ့စားနိုင်မယ်ဆိုရင်ယုံနိုင်ကြမလား? ခရီးသွားတွေရဲ့ထိပ်တန်းစားတဲ့အစာပါ။ လမ်းလျှောက်၊ ရေကူး၊ လှေစီးခြင်းစတဲ့ဝါသနာပါရာတွေအချိန်ရရင်ရသလိုလုပ်နိုင်ကြပါတယ်။ ထူးခြားတဲ့ attraction တခုကတော့ ရောင်စုံဆေးချယ်ထားတဲ့ အိမ်တန်းတွေနဲ့ဓါတ်ပုံဟာကမ္ဘာကျော်မို့ ဓါတ်ပုံရိုက်ကြသူတွေ များပါတယ်။

Venice Tours (၃ ရက်မှ ၅ ရက်အပြည့်လောက်အချိန်ပေးသင့်ပါတယ်။)

(၁) Grand Canal gondola tour ဟာ မဖြစ်မနေလုပ်သင့်တဲ့ tour ပါ။ မိမိတို့စုံတွဲ၊ မိသားစုသက် သက်သာ သီးသန့်စီးချင်ရင်တော့ private ride တွေက €100 လောက်အနည်းဆုံးပါ။ group အလိုက်မိမိနဲ့မသိတဲ့ခရီးသွားနဲ့ထိုင်စီးမယ်ဆိုရင်တော့ အများကြီးသက်သာပါတယ်။ သီချင်းဆိုတဲ့ serenade ride နဲ့ commentary ride တွေဆိုရင်တော့ နဲနဲပိုပေးရပါတယ်။  canal တွေကြားထဲ gondola စီးရင်း အထင်ကရနေရာတွေကိုမြင်ခွင့်ရနိုင်ပါတယ်။ Venice မြို့ဟာ ကားလုံးဝမမြင်ရဘဲ၊ လှေသင်္ဘောများ သာမြင်နိုင်တာမို့ မြန်မာပြည်ကအင်းလေးဒေသထဲရောက်သလိုခံစားရပါမယ်။ 

(၂) ချောင်းတွေမြောင်းတွေ ကိုဖြတ်ဆောက်ထားတဲ့တံတားကြီးငယ်ရှိတဲ့အထဲမှာ Rialto Bridge Ponte degli Scalzi နဲ့ Ponte dell’Accademia Bridge တို့ဟာအထင်ရှားဆုံးပါ။ ဒီအထဲမှာ ရှေး ခေတ်ကအကျဉ်းသားတွေ အကျဉ်းမကျမှီနောက်ဆုံးမျှော်ကြည့်ခွင့်ရတဲ့ ပြတင်းများပါတဲ့ Bridge of Sigh ဟာလူသိများကြပါတယ်။ Doge’s Palace ကနေဝင်ကြည့်ရင်တွေ့နိုင်သလို၊ အနားက Ponte della Paglia တံတားပေါ်ကနေဆိုရင် အဲ့ဒီတံတားတခုလုံးကိုမြင်နိုင်ပါတယ်။

(၃) Saint Mark Square နဲ့ Saint Mark Basilica တို့ဟာ အနုလက်ရာမြောက်တွေမြောက်များစွာ တွေ့နိုင်ပါတယ်။ gothic architecture တွေကိုတဝကြီးတွေ့နိုင်ပါတယ်။ Square ဟာVenice မြို့ရဲ့ လူအစည်ကားဆုံးနေရာပါ။ စားကောက်ဆိုင်၊ အရောင်းဆိုင်၊ ဖြေဖျော်မှုတွေမျိုးစုံရှိပါတယ်။ Basilica ကတော့ အကြီးဆုံး basilica တွေမှာတခုအပါအဝင်ဖြစ်ပြီး၊ နံမယ်ကြီးပညာရှင်များရဲ့လက်ရာမြောက် ပန်းချီ၊ ပန်းပုတွေပြည့်နှက်နေပါတယ်။ tours နဲ့သွားရင် dome climbing မပါပေမဲ့ €7 လောက်ပေးပြီး၊ အမိုးမှာရှိတဲ့လက်ရာမြောက်ပန်းချီများနဲ့ ပြတိုက်ငယ်တခုမှာအံ့သြဘွယ်လက်ရာများတွေ့နိုင်သလို၊ အောက်မှာရှိတဲ့ ပိသုကာလက်ရာတွေကိုအပေါ်ကစီးမြင်နိုင်ပါတယ်။ ဘုရားကျောင်းရဲ့အမိုးပေါ်ကနေ မျက်နှာချင်းဆိုင်မြစ်ဝရှုခင်းနဲ့တမြို့လုံးကိုစီးပြီးမြင်နိုင်ပါတယ်။

(၄) Doge’s Palace ဟာမဖြစ်မနေလေ့လာသင့်တဲ့ပြတိုက်တခုပါ။ Venice ကို republic အဖြစ်ထူ ထောင်ချိန်မှ grand duke တွေကရုံးစိုက်ခဲ့တဲ့သမိုင်းဝင်နေရာပါ။  duke တွေနေထိုင်တဲ့ apartment အပြင် senate ခန်းမနဲ့ ရုံး၊ စာကြည့်ခန်း၊ အလှပြင်ခန်း၊ ပြဇာတ်ရုံ စတာတွေမှာ နံမယ်ကျော်နုပညာရှင် များရဲ့လက်ရာတွေကိုမြင်နိုင်ပါတယ်။ Giovanni, Bartolomeo စသူတွေရဲ့ဆေးရေးလက်ရာတွေပါ။ မူရင်းအသုံးအဆောင်ပစ္စည်းများ၊ တရားစီရင်ရေးမှာ၊ လူထုတိုင်ကြားနိုင်တဲ့စာတိုက်ပုံး စသည်တို့ဟာ စိတ်ဝင်စားစရာတွေပါ။ လှေခါးများကိုပြင်ညီဆောက်ထားတာဟာထူးခြားချက်တွေပါ။ ခမ်းနားကြီး ကျယ်မှုတွေ များစွာတွေ့နိုင်ပါတယ်။

(၅) (၁၃)ရာစုအလယ်ပိုင်းလောက်မှာ Venice မြို့ကနေပြောင်းရွှေ့အခြေချခဲ့တဲ့ glass-making businesses စီးပွားရေးလုပ်ငန်းတွေဟာ ခုချိန်မှာကမ္ဘာ့အကျော်ကြားဆုံးလုပ်ငန်းဖြစ်ပါတယ်။ Murano မိသားစုဟာအကြီးဆုံးဖြစ်ပြီး၊ ၎င်းတို့ပိုင်ပြတိုက်မှာ  (ဓါတ်ပုံရိုက်ခွင့်မပေးတဲ့) လက်ရာတွေဟာ ဘယ်နေရာမှာမှမတွေ့နိုင်တဲ့လက်ရာတွေပါ။ စီးပွားရေးပျက်ချိန်မှာတောင်၊ ကမ္ဘာအနှံ့ကအမှာစာနဲ့ ပစ္စည်းဝယ်ယူသူတွေဆီပို့ပေးရမဲ့ သေတ္တာတွေဟာ တောင်ပုံရာပုံပါ။ blowing glass ပြကွင်းပြကွက် လက်တွေ့ပြသမှုတွေကို tours တွေနဲ့လိုက်ပါရင် စိတ်ဝင်စားဘွယ်မြင်တွေ့နိုင်ပါတယ်။ လူဦးရေငါး ထောင်ရှိတဲ့မြို့မှာ ခေတ်မှီအိမ်ကြီးအိမ်ယာရပ်ကွက်တွေမြင်ရင် စီးပွားရေးအောင်မြင်မှုတွေကိုခန့်မှန်း နိုင်ပါမယ်။ အဲ့ဒီခရီးစဉ်မှာဘဲ Burano ကျွန်းမှာ lacing လက်ချုပ်ဇာထိုးလုပ်ငန်းကိုလက်တွေ့လေ့ လာနိုင်ပါတယ်။ အနီးအနားကစျေးတန်းတွေဟာ နေ့စဉ်လာလည်ကြသူတွေနဲ့မပြတ်ပါဘူး။ Lorenzo Quinn (Steve McQuinn ရဲ့သား)ရဲ့ပန်းပုလက်ရာဧရာမ “Building Bridges” လက်ချောင်းများယှက် ပြီးသရုပ်ဖေါ်မှုဟာစိတ်ဝင်စားသူများပါတယ်။ ကျွန်းမှာရှိတဲ့ကျေးရွာတွေမှာရှိတဲ့ အိမ်ရှေ့တံခါးတွေကို အမြဲဖွင့်ထားရခြင်း၊ ခန်းဆီးရောင်စုံနဲ့ကာဆီးထားတဲ့ ဓလေ့ကိုထူးဆန်းဖွယ်တွေ့ရပါတယ်။ 

Paris tours (အနည်းဆုံး ၅ ရက်လောက် အချိန်ယူသင့်ပါတယ်။)

(၁) Seine River မြစ်ဟာထင်ရှားတဲ့ဆက်သွယ်ရေးနဲ့အလှအပတွေရှိယုံမက၊ အချက်အခြာအထင်က ရနေရာတွေကိုလမ်းလျှောက်သွားနိုင်တဲ့နေရာဖြစ်ပါတယ်။ Hop-on hop-off river boat ဟာ အဲ့ဒီအ ချက်အခြာနေရာရှိတဲ့ဆိပ်ကမ်းကိုကပ်နိုင်သလို၊ စရိတ်နည်းလျင်မြန်မှုရှိပါတယ်။ မိမိတို့အသုံးပြုချင်တဲ့ ရက်အချိန်ပေါ်မူတည်ပြီးကြိုတင် reserve လုပ်လို့ရပါတယ်။ ဆိုလိုတာက လက်မှတ်ကိုစအသုံးပြုချိန် ကစပြီး (၂၄)နာရီ (မိမိ၀ယ်တဲ့လက်မှတ်အမျိုးအစားပေါ်မူတည်ပြီး)အတွင်းမို့ နောက်နေ့ကူးချိန်အထိ သုံးနိုင်ပါတယ်။ ဒါပေမဲ့သတိရှိဘို့က နံက်(၈)နာရီလောက်ကစပြီးညနေ(၆)နာရီသာပြေးဆွဲတာမို့ မိမိ သွားလိုတဲ့နေရာ tours meeting point ပြတိုက်ဖွင့်ချိန်တို့ကိုသတိထားပါ။ ညစာ၊ ညဘက် night boat တွေဟာ စျေးအလွန်ကြီးတာမို့ မြန်မာတွေကြိုက်ကြမယ်မထင်ပါ။

(၂) Paris မြို့ပေါ်အနှံ့ကိုလိုက်ပြတဲ့ night open top bus tours တွေဟာအလွန်ကောင်းပါတယ်။ BigBus Tour ဟာအကောင်းဆုံးပါ။ အလွန်အေးတဲ့အတွက် နွေဘက်မှာတောင် အဝတ်အစားအထူ ကုတ်အကျီဝတ်ဘို့လိုပါတယ်။ နေရာအနှံ့ကိုရောက်တာမို့ မိမိနောက်နေ့တွေမှာသွားမဲ့နေရာတွေရဲ့ nightlife ကိုကိုယ် တွေ့ကြုံကြရမှာပါ။ လေ့လာကြည့်ရသလောက် bus hop-on hop-off က river hop-on hop-off လောက် မိမိတို့လေ့လာချင်တဲ့နေရာရောက်တဲ့အထိမပို့နိုင်ပါ။

(၃) Eiffel Tower ကတော့ မဖြစ်မနေသွားသင့်တဲ့နေရာပါ။ အနည်းဆုံး second level အထိသွားတဲ့ tour ကိုဝယ်ပါ။ ထိပ်ဆုံး summit ကိုထပ်တက်ချင်ရင်တော့ အဲ့ဒီအဆင့်ကိုရောက်တဲ့ tour ကိုဝယ်ပါ။ meeting point နေရာကိုအနညး်ဆုံး(၁)နာရီလောက်စောသွားပြီး၊ ဓါတ်ပုံလိုက်ရိုက်နိုင်ကြပါတယ်။

(၄) နှစ်ထောင်နဲ့ချီတဲ့သမိုင်းကြောင်းရှိတဲ့ Louvre ဟာကမ္ဘာမှာဧည့်အများဆုံးဝင်တဲ့ပြတိုက်အဖြစ် ထင်ရှားတာမို့ မဖြစ်မနေtour နဲ့သွားသင့် ပါတယ်။ ပြခန်းတွေအကုန်စုံဘို့ရက်အများကြီးယူရတာမို့၊ ထိပ်တန်းနံမယ်ကြီးပြခန်းတွေကြည့်ဘို့နဲ့ သမိုင်းကြောင်းကိုနားလည်ဘို့ tour reservation လုပ်ဖို့လို ပါတယ်။ Leonardo da Vinci ရဲ့ “Mona Lisa” ပန်းချီကားနဲ့ Venus de Milo, Victory de Samothrace, Sphinx Tanis, Hermaphrodite  စတဲ့ပန်းချီပန်းပုများ အပြင်၊ ပညာရှင် Rafael, Delacroix စသူတို့ရဲ့ထင်ရှားပြီးတန်ဖိုး သတ်မှတ်လို့မရအောင်တန်ဖိုးကြီးတဲ့ အနုလက်ရာတွေတစု တစည်းထဲတွေ့နိုင်ပါတယ်။ ကိုယ်တိုင်ကအနုပညာပန်းချီပန်းပုစတာတွေကို ၀ါသနာမပါ၊ စိတ်မဝင်စား ကြသူတွေတောင် အဲ့ဒီပြတိုက်ကိုကြည့်ပြီးရင် နောင််တသက်လုံးဆက်စိတ်ဝင်စားကြတယ်လို့ဆိုစမှတ် ရှိကြောင်းပါ။

(၅)  အခန်းပေါင်း ၂၅၀၀ကျော်ရှိတဲ့ Versailles Palace ဟာ ရှေးဧကရာဇ်အများကနေထိုင်ခဲ့ကြတဲ့ အပြင်၊ ပြင်သစ်တော်လှန်ရေးနဲ့အထင်ကရခေါင်းဆောင်များ၊ အရေးကြီးသမိုင်းဝင်စာချုပ်များချုပ်ဆိုခဲ့ ကြတဲ့နေရာပါ။ မြို့ကနေတနာရီကျော်ကြာကားမောင်းသွားရတာမို့၊ day trip လို tour တွေနဲ့သာသွား သင့်ပါတယ်။ တအံ့တသြ ကြည့်စရာတွေများလွန်းလို့ တခုချင်းစုံအောင်ကြည့်မယ်ဆို လနဲ့ချီမယ် လို့ဆိုကြပါတယ်။ နန်းတွင်းသုံးပစ္စည်းနဲ့အခန်းများကို ခမ်းခမ်းနားနားပြထားပါတယ်။ ကပ်လျက်မှာရှိတဲ့ ပန်းခြံဟာလည်းမျက်စေ့တဆုံးပါ။ တနေကုန်နေသင့်ပါတယ်။

(၆) အခြားလေ့လာသင့်တဲ့နေရာတွေကတော့ Musee d’Orsay,  Center Pompidou, Notre Dame Cathedral (၂၀၁၇ ကမီးလောင်မှုကြီးကြောင့်ပြင်ဆင်နေတာတွေ ၂၀၂၄ လောက်မှပြီးမယ်လို့ဆိုပါ တယ်။), Paris Pantheon, Arc de Triomphe တို့ဟာအချိန်ပေးနိုင်ရင်ပေးနိုင်သလောက်သွားလေ့ လာသင့်ကြောင်းပါ။ အဲ့ဒီအထဲက Musee d’Orsay ကတော့ထင်ရှားလူကြိုက်များကြပါတယ်။ လက် မှတ်ကြိုဝယ်ဘို့လိုပါတယ်။ ထောင်ပေါင်းများစွာရှိတဲ့ပန်းချီပန်းပုလက်ရာတွေထဲမှာ ကမ္ဘာကျော်ထိပ် တန်း ပညာရှင်များဖြစ်တဲ့ Claude Monet, Renoir, Van Gogh, Picasso, Manet, Gustav, Eugene Delacroix တို့ရဲ့ တန်ဖိုးကြီးလက်ရာများကို မကုန်နိုင်မန်းနိုင်အောင်တွေ့ရပါမယ်။ အဲ့ဒီ လက်ရာအများစု ဟာ ပြတိုက်ရဲ့အပေါ်ဆုံး(၅) ထပ်မြောက်မှာရှိတာမို့၊ အချိန်မရသူတွေအနေနဲ့ ပြတိုက်ထဲဝင်ပြီးပြီးချင်း (၅)ထပ်ကိုတိုက်ရိုက်တက်သွားကြည့်နိုင်ကြကြောင်းပါ။

(၇) Gallery Lafayette Haussmann ဟာကမ္ဘာပေါ်မှာအကြီးဆုံး shopping mall ဖြစ်သလို၊ အဓိက major brand designers တွေရဲ့ပစ္စညး်များရောင်းချရာနေရာဖြစ်ပါတယ်။ အမျိုးသမီးနဲ့ကလေးများ အတွက်၊ အမျိုးသားများအတွက် နဲ့အစားအသောက်ကုန်ပစ္စညး်တွေအတွက်ဆိုပြီးစတိုးဆိုင်တိုက် ကြီး(၃)ခုဖိုခနောင့်ဆိုင်ဖွင့်ထားပါတယ်။ ဥရောပမှာစျေးအသက်သာဆုံးဆိုင်ပေါင်းထောင်နဲ့ချီပြီး၊ စျေး ၀ယ်သူပျားပန်းခတ်အောင်များပါတယ်။ မြန်မာနိုင်ငံမှလာတဲ့စျေးဝယ်ကြသူတွေအပြင်၊ America လိုနိုင်ငံကြီးတွေကတောင်သွားဝယ်ကြပါတယ်။ Asians တွေအရသာတွေ့တဲ့နေရာပေါ့။ တချို့ကလည်း ပြန်ရောင်းကြတယ်။ အတော်မြတ်တယ်လို့ဆိုပါတယ်။ အရေးကြီးတာကတော့ တန်းစီတာ (၂-၃) နာရီအနဲဆုံးကြာတတ်ပါတယ်။ ကိုယ်နိုင်ငံကိုကိုယ်ပြန်သယ်သွားမယ်ဆိုရင် ရောင်းခွန် (sales tax)ပြန်အမ်းပေးတာမို့၊ ကိုယ့် passport ကိုစျေးဝယ်ချိန်ယူသွားကြဘို့မမေ့ ကြပါနဲ့။ ဘယ်လိုငွေပြန် အမ်းမလဲဆိုတာသေသေခြာခြာမေးပါ။ အပြန်လေဆိပ်ကိုလည်းစောနိုင်သမျှစောသွားပါ။ ကိုယ့်လို refund လုပ်ဖို့တန်းရှည်ကြီးနဲ့ဆုံမှာမို့ပါ။ အဲ့ဒီစတိုးဆိုင်ရံအပေါ်ဆုံး လေဟာပြင်ခေါင်မိုးဟာ အနားယူ လို့ကောင်းတဲ့နေရာပါ။ Paris တမြို့လုံးကိုစီးပြီးမြင်နိုင်တာမို့ လူစည်ကားတဲ့နေရာပါ။ မြင်ကွင်းပန်းချီဆွဲ သူ၊ ဓါတ်ပုံရိုက်သူစုံတွဲတွေများပါတယ်။

(၈) Champ Elysees လို့ခေါ်တဲ့ store ဆိုင်ကြီးတွေရာနဲ့ချီတဲ့ Paris ရဲ့ပင်မစျေးဆိုင်တန်းမှာလည်း ၀ယ်လို့ရတယ်ဆိုပေမဲ့ Haussmann Center လောက်စျေးမပေါပါ။ အရေးကြီးတာတော့ အဲ့ဒီနေ ရာတွေကိုသွားဖြစ်အောင်သွားပါ။ အမျိုးသမီးများရဲ့ဓါတ်စာဆိုသဘော ပေါက်ကြပါလိမ့်မယ်။

ခရီးသွားတဲ့အလေ့အထဟာလူတိုင်းမက်မောတဲ့ကိစ္စဖြစ်ပါတယ်။ တိုးတက်လာတဲ့ခေတ်ကြီးမှာ ကြိုတင် လက်မှတ်ဝယ်ယူတဲ့အလေ့အကျင့်ဟာမရှိမဖြစ်လိုအပ်လာပါပြီ။ ရောက်ဖို့ခဲယဉ်းတဲ့ဒေသ တွေကိုသွားပြီးရှေ့ကိုရောက်မှ လက်မှတ်ကုန်သွားလို့ လှည့်ပြန်ရတဲ့အဖြစ်မျိုးတွေမကြံုရအောင် ကြိုတင်မှုကောင်းကောင်းလုပ်ဖို့လိုပါတယ်။ online reservation လုပ်ခြင်း၊ တဲ့ခရီးစဉ် itinerary တိတိကျကျအချိန်လုံလုံလောက်လောက်ရရေးဟာ အလွန်အရေးကြီးသလို၊ လိုအပ်တက်စာရွက် စာတမ်းတွေပြည့်စုံမှသာ သာယာချောမွေ့အောင်မြင်တဲ့ခရီးစဉ်ဖြစ်ပြီး၊ ဘဝရဲ့ပီတိကိုရရှိနိုင်ပါမယ်။ ပြင်ဆင်မှုကောင်းကောင်းမရှိလို့ ခရီးသွားရမှာကြောက်သွားရတာမျိုးမဖြစ်ဖို့၊ ငွေကုန်လူပမ်းမဖြစ်ဖို့ အရေးကြီးပါတယ်။ 

ခရီးသွားခြင်းကိုအများအားဖြင့် နွေဦးရာသီမှစလုပ်ကြတဲ့အလေ့အရင်ကရှိခဲ့ကြပါတယ်။ ခုချိန်မှာတော့ အထက်ကဆိုခဲ့တဲ့တင်ကြိုစီစဉ်မှုတွေလုပ်ဖို့၊ ပွင့်လင်းရာသီမရောက်ခင်စောနိုင်သမျှစောလုပ်ကြရဘို့ အလွန်လိုအပ်ပါတယ်။ တိုက်တွန်းလိုတဲ့အကြံပြုချက်ကောင်းတခုကတော့ ခရစ်စမတ် holiday ကာလမှာကတည်းကစတင်စီစဉ်ကြဘို့လိုပါတယ်။ အဲ့ဒီအချိန်မှာ မိသားစုဝင်တွေတွေ့ဆုံကြချိန်၊ စုစည်းကြချိန်မို့ အကောင်းဆုံးအချိန်ဖြစ်ကြောင်း vacation planners များက အကြံပြုကြပါ ကြောင်းလို့…………………။

ခရီးသွားခြင်းတည်းဟူသော အတတ်ပညာ (ဒုတိယပိုင်း)

ဆောင်ရန်ရှောင်ရန်များ

(က) ဥရောပမှာအိမ်သာမရှိသလောက်ရှားပါတယ်။ သူတို့တတွေဟာ အိမ်တွေမှာ bidet လိုသန့်စင်မှု ပါတဲ့ အိမ်သာခွက်ကိုသုံးတဲ့အတွက် ပြင်ပကအများသုံးအိမ်သာမျိုးကိုမသုံးလိုကြပါ။ public restrooms ရှားပါတယ်။ ဟိုတယ်ကမထွက်ခင်ကိုယ်ကိစ္စ ကိုယ်ရှင်းခဲ့ကြပါ။ အရေးပေါ်ရင်လည်း နီးရာ ဆိုင်မှာကော်ဖီတခွက်ဝယ်ရင်းနဲ့သုံးနိုင်ပါတယ်။ အိမ်သာကိုအခပေးသုံးကြရပါတယ်။ ပြတိုက်ကြီးတွေ မှာတော့ရှိတတ်ပါတယ်။ toilets ဆိုတဲ့အသုံအနှုန်းကို သာသုံးကြပါတယ်။ 

(ခ) tips ပေးလေ့မရှိကြပါ။ ဒါပေမဲ့ tours guides တွေကိုပေးနိုင်ရင်ကောင်းပါတယ။် $(€)5-10 လောက်ပေးလေ့ရှိပါတယ်။ စားသောက်ဆိုင်တွေမှာလည်းပေးလေ့မရှိကြပါ။

(ဂ) နှုတ်ခွန်းဆက်စကားလို Spanish စကားတွေနားလည်နိုင်အောင်ကြိုတင်လေ့လာရင်ကောင်းပါ တယ်။ Italy မှာ English language ပြဿနာမရှိပေမဲ့၊ ပြင်သစ်မှာတော့ နားလည်တဲ့လူရှားပါတယ်။ သိချင်တာမေးချင်တာကို ဟိုတယ်မှာအကုန်မေးသွားပါ။ Google/Translate ဟာအသုံးဝင်ဆုံးဆိုပေမဲ့ လက်တွေ့ခရီးလမ်းပေါ်မှာရောက်နေတဲ့အချိန်မှာသိပ်မလွယ်ပါ။ Tour guides တွေကိုမေးလို့ရပါတယ်။ ကိုယ်သွားချင်တဲ့နေရာ၊ public restrooms, စားစရာဆိုင်စသည်တို့ကိုလမ်းညွှန်နိုင်ကြပါတယ်။ guides တွေက ကိုယ့်အတွက်အကောင်းဆုံးလမ်းညွှန်တွေပါ။

(ဃ) reservations မှန်သမျှ မိမိရဲ့ email ကနေလုပ်တာမို့၊ ခရီးစဉ်အတွင်းမှာတောင် အမြဲပုံမှန်စစ်ကြ ဘို့လိုပါတယ်။ ဆန္ဒပြမှုတွေပေါ်ပေါက်တတ်တဲ့အပြင်၊ မမျှော်မှန်းနိုင်တဲ့ခရီးစဉ်ဖျက်သိမ်းခြင်း (tour cancellation) လုပ်တတ်ပါတယ်။ digital pass တွေကို self-guided tours တွေအတွက်တရက် ကြိုပြီးပို့တတ်တာမို့ မျက်ခြေပြတ်တတ်ပါတယ်။ အဲ့ဒီအတွက် internet (သို့မဟုတ်)WiFi ရှိရပါမယ်။

(င) ခါးပိုက်နှိုက်အလွန်ပေါပါတယ်။ ကိုယ်ဆောင်မိခင်လို၊ ဆွဲဆောင်မှုရှိတဲ့အမျိုးသမီးကအစသတိပြု ပါ။ အုပ်စုဖွဲ့လုပ်လေ့ရှိပါတယ်။ ရထား၊ ဘတ်စ်တို့ပေါ်မှာများပါတယ်။ passport ကိုဟိုတယ်ကမီးခံသေ တ္တာမှာသိမ်းပါ။ မီးခံသေတ္တာမရှိရင် ဟိုတယ်ဝန်ထမ်းတွေကထိမ်းသိမ်းပေးပါတယ်။

(စ) passport နဲ့ လေယာဉ် boarding passes တွေကိုမိမိ cell phones တွေနဲ့ လူတိုင်း screen-shot ရိုက်ထားပါ။ passport စာမျက်နှာတွေက entry endorsement ပါတဲ့စာမျက်နှာလဲရိုက်ဖို့မမေ့ပါနဲ့။

အစားအသောက်

Food အနေနဲ့ spaghetti Bolognese, Napoletana pizza, baked lasagna, Rivoli, pizza with various toppings နဲ့ Fatamorgana gelato တို့ဟာ Italy မှာနံမယ်ကြီးပါတယ်။ Paris မှာလည်း ဆိုင်ကောင်းတွေ Seine မြစ်နဘေးမှာရှိပါတယ်။ ၀မ်းသာစရာကတော့ သာမာန် pickup food ဆိုရင် အအေးနဲ့အတူ €25 လောက်ဘဲကျတာမို့ America ထက်ပေါပါတယ်။ ဆိုင်ကြီးဆိုင်ကောင်းတွေမှာ sit-down dinner လိုမှာတောင်သက်သာပါတယ်။ Florence မှာလည်း Italian အစာကောင်း တွေရှိ ပါတယ်။ ဒေသထွက်အစာကိုစားဘို့အတွက် take-out တွေကိုစားခြင်းနည်းနဲ့ ခြွေတာပါ။ အချိန်ကုန် လည်းသက်သာပါတယ်။ coffee အဖြစ် Cappuccino ဟာအထင်ကရအလွန်ကောင်းပါတယ်။ ဒါပေမဲ့ ပေးတဲ့ခွက်ကသေးတဲ့အတွက် (၂)ခွက်လောက်သောက်မှ Americans တွေအနေနဲ့ နေသာထိုင်သာရှိ သွားတတ်ပါတယ်။ ဆိုင်မှာဝယ်သောက်ရင်တော့ ငွေပေးချေပြီးပြီဆိုတာနဲ့ ကိုယ့်ရှေ့ကိုပန်းကန်ပြားနဲ့ ဇွန်းငယ်ရောက်လာပါတယ်။ နောက်မှကော်ဖီခွက်ရောက်လာတာပါ။ Latte ဆိုရင်နွားနို့သက်သက်ဆို တာသတိပြုပါ။ Espresso ဆိုရင်ခွက်ကပိုသေးပါတယ်။ ကော်ဖီခါးခါးမို့တချို့ကနှစ်သက်ကြပါတယ်။ ဘယ်အမျိုးအစားဖြစ်ဖြစ် စျေးအလွန်ပေါပါတယ်။ 

Cell phone and data plans/internet

(က) Phone နဲ့ internet ဟာ ခရီးစဉ်တွေမှာမရှိမဖြစ်လိုအပ်ချက်ဖြစ်နေပါတယ်။ ကောင်းတာက SIM card ကို ဟိုတယ်တွေရောက်တာနဲ့ဝယ်နိုင်ရင်ပိုကောင်းပါတယ်။ လေဆိပ်တွေမှာလဲရှိပေမဲ့စျေးကြီးပါ တယ်။ (၂)ပါတ်စာအတွက် data plan ပါတဲ့SIM ဆိုရင် €25 လောက်ဘဲကျတာမို့ အလွန်သက်သာပါ တယ်။ အရေးကြီးတာကတော့ ကိုယ်ဖုံးက unlocked phone ဖြစ်ဘို့အရေးကြီးပါတယ်။ 

(ခ) SFR La Carte  ဟာ ဥရောပနိုင်ငံအားလုံးလိုလိုမှာသုံးလို့ရပါတယ်။ ဆိုင်တွေမှာတင် မိမိဖုံးမှာထဲ့ ပြီး activate လုပ်ပေးနိုင်ကြပါတယ်။ တချို့ SIM တွေက roaming လုပ်ဖို့လိုတာမို့၊ မိမိဖုန်းရဲ့ setting မှာ roaming “on” လုပ်နည်းကိုကြိုတင်လေ့လာပါ။

(ဂ) အဓိကလိုအပ်ရတဲ့အကြောင်းရင်းကတော့ Google/maps သုံးဘို့နဲ့ email ကအစ tours operator ဆက်သွယ်ရာမှာလိုအပ်လို့ပါ။

(ဃ) eSIM တွေအတွက်ကိုယ်ကိုယ်တိုင်လုပ်နိုင်ရင် ပြဿနာမရှိနိုင်ပေမဲ့၊ SIM card ကိုသုံးစေလိုပါ တယ်။ မိမိ၀ယ်ယူမဲ့ဆိုင်က လုပ်ဆောင်ပေးဖို့ပိုအဆင်ပြေပါတယ်။ ကိုယ်ပိုင်သုံးဖို့ paper clip တခုကို မိမိ cell phone နောက်ကြော cover ထဲမှာထဲ့ယူလာပါ။

(င) SIM card ကို America ထဲမှာလည်း online ကြိုတင်ဝယ်နိုင်ပါတယ်။ အရေးကြီးတာက Europe နိုင်ငံတိုင်းမှာသုံးနိုင်ခြင်းရှိဖို့၊ 4G  speed ရှိဖို့၊ 10-15GB ရှိဖို့၊ အနဲဆုံး (၂)ပါတ်လောက်သုံးနိုင်ဖို့၊ WiFi သုံးခွင့်ရှိဖို့ (ဟိုတယ်တွင်လည်းသုံးပါ)၊ ဆိုတဲ့အချက်တွေပါမပါကြည့်ပါ။ U.S. မှာ unlimited သုံးနိုင်တဲ့ အကျင့်ကြောင့် GB နည်းတာကိုမေ့လျော့တတ်ကြပါတယ်။ FaceBook လိုသုံးတာကစပြီး GB ကိုသုံးစွဲ နေတာကိုသတိပြုရမှာဖြစ်တဲ့အတွက်၊ WiFi သုံးတာကိုအကျင့်လုပ်ပါ။ ဟိုတယ်တွေမှာ WiFi ရှိကြပါ တယ်။ 

(စ) လိုအပ်ရင် top-up လုပ်နိုင်တဲ့နည်းကိုလည်းလေ့လာထားကြပါ။ (၂)ပါတ်လောက်အတွက်မူရင်း SIM နဲ့တင်လုံလောက်သင့်ပါတယ်။ Europe နိုင်ငံများစွာကို ရက်ရှည်သွားရင်တော့ ဒီနည်းသိထား ရပါမယ်။ ဆိုင်မှာတခါတည်းမေးသွားပါ။ instructions တွေပါသလို၊ လွယ်ကူပါတယ်။ 

ကြိုတင်စုဆောင်းရမည့် ပစ္စညး်များ

(က) ဆေးဝါးနဲ့ ဆေးမှတ်တမ်း  (prescriptions များအပါအဝင်)။ ဥရောပနိုင်ငံမှာဆေးဆိုင်pharmacy တွေဟာနေရာအနှံ့ရှိသလို၊ လိုအပ်တဲ့ဆေးနဲ့ပါတ်သက်ပြီး U.S. လောက်မတင်းကြပ်ပါ။ ဒါပေမဲ့ ကိုယ် သောက်နေကျဆရာဝန်ညွှန်ကြားချက်ဆေးများအတွက် prescription drug list/dosage ပါတဲ့ ဆေး မှတ်တမ်းများကို print-out ဖြစ်ဖြစ် ယူသွားပါ။

(ခ) ဥရောပမှာသုံးတဲ့ electric port တွေက U.S. နဲ့မတူတာမို့ double-pins adapter လိုပါတယ်။ ဆိုင်တွေမှာရှာဝယ်ရလွယ်ပါတယ်။ စျေးသက်သာပါတယ်။

(ဂ) မိမိရဲ့ U.S. bank မှ Euro (€) ငွေလဲသွားပါ။ ဟိုမှာလဲခစျေးကြီးပါတယ်။ ဒေါ်လာသုံးရင်လဲ ဒေါ် လာစျေး ကောင်းသည့်တိုင်အောင် ငွေလဲခနှုန်းနင့်နေအောင်ယူလေ့ရှိပါတယ်။ 

(ဃ) Lavandera လို့ခေါ်တဲ့ self-laundry (coin-laundry) တွေရှိတာမို့ အဝတ်အစားကို လိုအပ်သ လောက်ဘဲယူသွားပါ။ စျေးတော့ကြီးပါတယ်။ အနီးအနားက လိပ်စာကိုဟိုတယ်မှာမေးလို့ရပါတယ်။

ငွေကြေး

(က) credit card ကို international charge free card ကိုသုံးပါ။ U.S. မှာကတည်းhotel/flight/ tours reservations လုပ်ကတည်းက အဲ့ဒီကတ်တမျိုးထဲကိုသီးသန့်သုံးပါ။ (Costco Citi card) ဟာ အကောင်းဆုံးပါ။ credit card တမျိုးတည်းကိုသုံးတဲ့အတွက် မိမိခရီးစဉ်ကုန်ကျစိတ်အလုံးစုံကို တနေ ရာတည်းမှာလေ့လာစစ်ဆေးနိုင်ပါတယ်။ ကိုယ်သုံးမဲ့ card တမျိုးတည်းကိုသာသယ်ဆောင် သွားသင့် ပါတယ်။ touchless pay system ကိုသုံးတဲ့အတွက် Apple Wallet ကိုလည်းသုံးနိုင်ပါတယ်။ 

(ခ) pay later reservations တွေကိုလည်း ကတ်ပြောင်းသုံးခဲ့ရင်လဲ updateလုပ်ဖို့မမေ့ပါနဲ့။

(ဂ) နေရာများများ (taxi တွေအပါအဝင်) credit card လက်ခံပါတယ။် 

(ဃ) cash ဘဲလိုချင်တယ်ပြောရင် “မရှိပါ”လို့ပြောပါ။ ဥပမာ- taxi စီးရင် credit card ဘဲရှိတယ်လို့ ပြောပါ။

(င) “U.S. Dollars ဘယ်လောက်ယူသွားသင့်လဲ?”ဆိုတဲ့မေးခွန်းကို မေးလေ့ရှိပါတယ်။ မိမိအနေနဲ့ လက်ဆောင်ပစ္စည်းကအစ tours တွေ၊ အစားအသောက်တွေပေါ်မူတည်ပါတယ်။ အလေးပေးပြော ချင်တာကတော့ ဘယ်နေရာမဆို credit card ကိုသာသုံးပါ။ ပါလာတဲ့ဒေါ်လာနဲ့ Euro ကိုကျစ်ကျစ် ပါအောင်ဆုတ်ထားပါ။ မဖြစ်မနေအရေးပေါ်မှသုံးမယ်လို့သဘောထားကြပါ။

Travel insurance

(က) သက်ရွယ်ပိုင်းတွေကမလိုအပ်ဖူးလို့ထင်ကြပေမဲ့ သက်ကြီးပိုင်းတွေအနေနဲ့ ၀ယ်ယူသင့်ပါတယ်။  €100အောက်လောက်ပဲရှိပါတယ်။ မိမိခရီးသွားမဲ့ကာလပေါ်မူတည်ပါတယ်။ အဓိကကတော့ ကျန်း မာရေးအတွက်ပါ။ tours တွေက free cancellation ယူထားရင်၊ ကျန်းမာရေးအတွက်နဲ့ flights/ hotels အတွက်တွေဘဲလိုပါတယ်။

(ခ) https://www.sevencorners.com ဟာ U.S. based ဖြစ်ပြီးရှင်းလင်းတဲ့ coverage ရှင်းလင်း. ချက်နဲ့ပါ။ အရေးကြီးတာက ခရီးစဉ်ပါမိသားစုဝင်တိုင်း printouts policy တွေကိုယ်နဲ့မကွာ ထားပါ။ လိုအပ်ရင် ဆေးရုံဆေးခန်းကိုလည်းလမ်းညွှန်ပေးတဲ့အပြင် (၂၄)နာရီမပြတ်ဖုံးခေါ်လို့ရပါ တယ်။

ကြိုတင် notify လုပ်သင့်သောကိစ္စများ (မိမိ accounts တွေ sign-up လုပ်ဖို့တော့လိုပါတယ်။)

(က) STEP Notification to State Department – passport လိုကိစ္စအရေးပေါ်ကစပြီး မိမိကိုယ်ရေး ကိုယ်တာအခက်အခဲကိစ္စတွေ အကူအညီတောင်းနိုင်ဘို့ ဆိုင်ရာသံရုံးတွေရဲ့အဆက်အသွယ် လုပ်ဖို့လို လာရင် ဒီကိစ္စက verification process မှာအချိန်ကုန်သက်သာစေပါမယ်။

(ခ) မိမိအသုံးပြုမဲ့ credit card ကုမ္ပဏီ ကိုသွားမဲ့ကာလနဲ့နိုင်ငံများ၊ ကြားမှာ layover ပါရင်လဲထဲ့ပါ။

(ဂ) United States Postal Services (USPS) မှာ Mail Hold လုပ်ပါ။ Informed Delivery ပါရှိရင်၊ မိမိဆီပို့မယ့် စာများရဲ့ images တွေနေ့စဉ် ကိုယ့် email ကိုပို့ပေးတဲ့အတွက် ကိုယ်ပြန်ရောက်ချိန် အဲ့ဒီ စာတွေထဲအရေးကြီးတဲ့စာပါရင် မျက်ချေမပြတ်တော့ပါဘူး။

သွားရောက်လေ့လာသင့်သော အထင်ကရနေရာများ 

tours များ reserve လုပ်ဖို့လိုပါတယ်။ ဘာဖြစ်လို့လဲဆိုတော့ tour operators များကမဖြစ်မနေကြည့် သင့်တဲ့ထိပ်တန်းနေရာတွေကိုပြလေ့ရှိကြလို့ပါ။ ကိုယ်ဖာသာကိုယ်ကြည့်တဲ့ self-guided ဆိုရင်ဘယ် ကစရမှန်းမသိဖြစ်တတ်ပါတယ်။ တချို့နေရာတွေက audio guides တွေပေးပေမဲ့ အချိန်အလွန်ယူပါ တယ်။ ဒီဆောင်းပါးက first time tours တွေအတွက်ရည်ရွယ်ပါတယ်။ နောက်တခုက skip-the-line ဖြစ်ဖို့လိုပါတယ်။ ဘယ်နေရာသွားသွားတန်းရှည်ကြီးတွေတွေ့မှာပါ။ ဒေသခံတွေဆိုရင်တော့ အချိန်က အရေးမကြီးပါဘူး။

 Rome & Vatican tours (၅ ရက်မှ ရ ရက်အပြည့်လောက်အချိန်ပေးသင့်ပါတယ်။)

(၁) Colosseum, Roman Forum (Romulus Door ဟာသက်တမ်းအရင့်ဆုံးရှေးဟောင်းအမွေ. အနှစ်အနေနဲ့ကြည့်ဖြစ်အောင်ကြည့်ကြပါ) နဲ့ Palatine Hills ဟာတဆက်ထဲမို့အဆင်ပြေပါတယ်။ underground tour ကိုလည်းသွားနိုင်ပါတယ်။ အဲ့ဒီနဲ့နီးတဲ့နေရာတချို့ကတော့ Constantine Arch, Circus Maximus နဲ့ “Mouth of Truth” ရှိတဲ့ Church of Santa Maria de Cosmedin တို့ကို လည်းအချိန်ပေးနိုင်ရင်သွားနိုင်ပါတယ်။ (နေ့တပိုင်းအနညး်ဆုံးကုန်ပါမယ်)

(၂) Rome Walking tours များစွာရှိပါတယ်။ အဓိက public squares တွေဖြစ်တဲ့ Piazza Navona (အကြီးဆုံးနဲ့ ဆိုင်ဖြေဖျော်မှုတွေများစွာရှိပါတယ်)၊ Piazza di Spagna (နံမယ်ကြီး“Spanish Steps”ရှိရာ)၊ Piazza del Popolo (city gate ပါ)၊ Piazza Barberini (နံမယ်ကြီးTrevi Fountain မှာ ငွေအကြွေစေ့ကိုနောက်ပြန်ပစ်ပြီးဆုတောင်းတဲ့အလေ့အထရှိတဲ့နေရာမှာ လူကြိတ်ကြိတ်တိုးစည်ကား လေ့ရှိပါတယ်။) , Piazza della Rotanda (“Pantheon” ရှိပြီး မူလလက်ရာမပျက် ရှေးဟောငး်အ ဆောက်အဦအဖြစ်သက်တမ်းအကြာဆုံးဖြစ်ပါ တယ်။)၊ Piazza Venezia (Italy ကို republic အဖြစ် ပြောင်လဲပြီး unified နိုင်ငံအဖြစ်ပြောင်လဲတဲ့ Vittorio Emanuele II ရဲ့အထိမ်းအမှတ်ဧရာမအ ဆောက်အဦရှိတဲ့နေရာပါ။) အဲ့ဒီနေရာတွေမှာ နှစ်ထောင်ကျော်သက်တမ်းရှိတဲ့ Obelisk ကျောက်တိုင် တွေ အထင်ကရအဖြစ်ရှိသလို၊ အများသောက်သုံးရေအဖြစ်သုံနိုင်တဲ့ water fountains တွေရှိပါ တယ်။ လှပတဲ့ cobble stone streets တွေဟာ ဥရောပရဲ့ထူးခြားတဲ့ အများသုံးလမ်းတွေပါ။ (တရက်. လုံးလုံးလောက်အချိန်ပေးသင့်ပါတယ်။)

(၃) ပုတ်ရဟန်းမင်းကြီးနဲ့ Catholic ခရစ်ယန်တို့ရဲ့အထွတ်အမြတ်ရဲ့ Vatican City နဲ့ ယျေဇူးသခင်ရဲ့ ရဟန်းတော်မြတ်ကြီးနဲ့ ပထမဦးဆုံးသော ပုတ်ရဟန်းမင်းကြီးခန္ဓာလဲလျောင်းရာကမ္ဘာ့အကြီးဆုံး church Saint Peter Basilica တို့ဟာ မဖြစ်မနေသွားသင့်တဲ့နေရာတွေပါ။ Vatican City ဟာသီး သန့်နိုင်ငံကြီးဖြစ်သလို၊ ကမ္ဘာပေါ်မှာ ဒုတိယလာရောက်လည်ပါတ်သူအများဆုံးပြတိုက်တွေဖြစ်တဲ့ Vatican Museums နဲ့ အရေးကြီးတဲ့ အစည်းအဝေးတွေကျင်းပတဲ့ Sistine Chapel တို့တည်ရှိတဲ့. နေရာပါ။ အထင်ကရ ရှေးပန်းပုပန်းချီ ပညာရှင်များဖြစ်ကြတဲ့ Bramante လှေခါး, Gian Bernini ရဲ့ St Peter သချိုင်းပေါ်က canopy, Michelangelo ရဲ့  Pieta တို့ဟာများစွာသောကမ္ဘာ့အံ့ဘွယ် ပန်းချီ၊ ပန်းပု၊ ကော်ဇော၊ မြေပုံများစွာနဲ့ အမိုးနံရံဆေးပန်းချိီတွေ မျက်စေ့တဆုံးမြင်နိုင်ပါတယ်။

 St Peter ရဲ့ Dome (Cupola) climbing ကနေတမျို့လုံးကိုစီးမြင်နိုင်ပါတယ်။ နန်းတော်အောက်က ပုတ်ရဟန်းမင်းအဆက်ဆက်ရဲ့အုတ်ဂူများလည်းလေ့လာနိုင်ပါတယ်။  St Peter ရဲ့အုတ်ဂူဝင်ရောက် ကြည့်ရှုခွင့်ကိုတော့ Vatican အုပ်ချုပ်ရေးကိုတိုက်ရိုက်ကြိုတင်လျှောက်ထားနိုင်ပေမဲ့ တလကို လေ့လာသူ (၂၀၀)ကျော်သာခွင့်ပြုကြောင်းပါ။ (တရက်လုံးလုံးအချိန်ပေးရပါမယ်)

(၄) အဲ့ဒီကနေ မြောက်ဖက်ယွန်းယွန်းကို နာရီဝက်လောက်နီးနီးလမ်းလျှောက်သွားနိုင်တဲ့နေရာမှ ပုတ် ရဟန်းမင်းများနေထိုင်ခဲ့ဖူးတဲ့ Castel Sant’Angelo မှာတော့ အသုံးအဆောင်ပစ္စည်းနဲ့ အခန်းများ ကို သွားရောက်လေ့လာနိုင်ပါတယ်။ (ညနေ ၆ နာရီအထိသာဖွင့်ပြီး ၂ နာရီခန့်အချိန်ပေးရပါမယ်။) Vatican City ကနေညနေ (၅)နာရီလောက်ထွက်ပြီး taxi နဲ့အပြေးသွားရင်လေ့လာနိုင်လောက်ပါ တယ်။ ဗုဒ္ဓဟူးနေ့တွေမှာတော့ ပုတ်ရဟန်းမင်းကြီးရဲ့ ဆုတောင်းစကားကို ခရီးသယ်တိုင်တက်ရောက် ခွင့်ရှိကြပါတယ်။

(၅) လက်ရှိ ပုတ်ရဟန်းမင်းကြီး Francis လက်ထက်မှာလူထုကိုကျယ်ကျယ်ပြန့်ပြန့်ဖွင့်လှစ်ပြီးလေ့လာ ခွင့်ပြုလိုက်တဲ့ Castel Gandalfo ဟာ Rome မှ (၁)နာရီသာသာလောက်သွားရတာမို့ tour နဲ့သွား. သင့်ပါတယ်။ ပုတ်ရဟန်းမင်းအဆက်ဆက်ရဲ့အသုံးအဆောင်၊ လက်ဝတ်ရတနာ၊ လက်ဆောင်ပဏ္ဏာ၊ အဝတ်အစား၊ သုံးတဲ့ Pope Mobile တွေကိုခင်းကျင်းပြသထားသမို့စိတ်ဝင်စားစရာပါ။ (ကားစီးချိန်အ ပါအဝင်၊ နေ့တပိုင်းကုန်မှာပါ)

(၆) ဒုတိယအကြီးဆုံး Santa Maria Maggiore နဲ့ Dan Brown ရဲ့ Da Vinci Code ရုပ်ရှင်ရိုက်ကွင်း များရှိရာ Church of Santa Maria della Vittoria တို့ဟာသွားရောက်လေ့လာသင့်တဲ့အပြင်၊. အံ့မ ခန်းဘွယ်ရှေးဟောင်းအနုပညာလက်ရာများတွေ့နိုင်ကြပါမယ်။

(၇) Galleria Borghese  နဲ့ gardens တွေဟာလည်းပန်းချီအနုသုခုမလက်ရာ အံ့မခန်းဘွယ်မြောက် များစွာတွေ့နိုင်တဲ့နေရာပါ။ (လစဉ်ပထမတနင်္ဂနွေမှာအခမဲ့မို့ လများစွာကကြိုတင်စာရင်းသွင်းဘို့လို ကြောင်းပါ။)

(၈) Vesuvius မီးတောင်ပေါက်ကွဲမှုကြောင့်တမြို့လုံးပြာဖြစ်ခဲ့တဲ့ Pompeii မြို့ဟောင်းဟာ Rome ရဲ့အနောက်တောင်ဖက်မှာရှိပြီး၊ tour နဲ့သွားသင့်တဲ့နေရာပါ။ B.C. ရာစုကသမိုင်းရုပ်ကြွင်းများနဲ့ အဆောက်အဦများကိုလေ့လာခွင့်ရပါမယ်။ ကမ္ဘာကျော် လှပတဲ့ renaissance ပင်လယ်ကမ်းစပ် တလျှောက် ဖြစ်တဲ့Amalfi Coast နဲ့ Positano မြို့ရဲ့လှပမှုဟာ ကမ္ဘာလှည့်ခရီးသွားတွေအတွက်ဆွဲ ဆောင်မှုများစွာရှိတဲ့နေရာပါ။ အဲ့ဒီခရီးစဉ်ကိုတွဲလျက်ပို့ပေးတဲ့ tours ကိုရှာပါ။ (အဲ့ဒီနေရာတွေ အတွက်တနေကုန်မိုးချုပ်တဲ့အထိအချိန်ပေးရပါမယ်။)

(၉) Trastevere ဟာညနေခင်း(သို့မဟုတ်)နံနက်ခင်းလမ်းလျှောက်လို့ကောင်းပြီးလူစည်ကားတဲ့. ရပ်ကွက်ကြီးဖြစ်ပါတယ်။ လူငယ်များအတွက် nightlife နေရာပါ။ စားသောက်ဆိုင်ကောင်း နဲ့ အရောင်းဆိုင်မျိုးစုံရှိပြီး၊ လူစည်ကားတဲ့နံမယ်ကြီးနေရာတခုပါ။

(နောက်လ တတိယနောက်ဆုံးတွဲတွင်ဆက်ဖတ်ရှုပါရန်။)