“စေတနာ” ၏ ၀န်…..ကိုထမ်းခြင်း

အမေရိကပြည်ထောင်စု၊ ကာလီဖိုးနီးယားပြည်နယ်မြို့တမြို့၏လုပ်ငန်းခွင်တခုတွင်၊ ကြက်ခြေနီအသင်းကြီးက သွေးအလှူခံသောနေရာတခုသို့စာရေးသူ ရောက်သွားခဲ့ပါသည်။ သွေးထုတ်ယူရာတွင်ကျွမ်းကျင်သူ၊ သူနာပြု များကိုကြက်ခြေနီအသင်းကလစာပေးရကြောင်းသိရသောအခါအံ့သြမိသည်။ ထိုအလှူခံ လုပ်ငန်းကို စီစဉ် ဆောင်ရွက်ပေးရသူကားစေတနာ့ဝန်ထမ်းလုပ်အားပေးဟုဆိုပါသည်။ အနည်းငယ်စပ်စုမိရာက၊ ထိုသူက စေတနာ့ဝန်ထမ်းလုပ်အားပေးတာဝန်ထမ်းဆောင်ခွင့်ရရှိရန်၊ လများစွာကပင်လျှောက်ထားခဲ့ရကြောင်း၊ ထိုသူ အနေဖြင့်ကံကောင်းထောက်မစွာလျှောက်ထားသူအများအပြားထဲမှရွေးချယ်ခံရကြောင်းကြားရသောအခါ၊ နားမလည်နိုင်အောင်ဖြစ်သွားမိသည်။ စေတနာဝန်ထမ်းလုပ်အားပေးပင်ဖြစ်လင့်ကစား၊ အရည်အသွေး မှီသော် လည်း၊ လျှောက်ထားသူများ ၏နောက်ကြောင်းရာဇ၀င်စစ်ဆေးခြင်း၊ လုပ်အားပေးတို့အတွက် ထိခိုက်အာမခံ များဆောင်ပေးရခြင်းစသည်တို့ကို၊ အဆိုပါကြက်ခြေနီအဖွဲ့ကြီးကလုပ်ဆောင်ကျခံပေးရသည် ဟုဆိုသည်။ စေတနာထားတာပင်၊ ထားချင်တိုင်းထားခွင့်မရသော ဒီမိုကရေစီနိုင်ငံကြီးပါပေ။

ယင်းနှင့်တဆက်တည်း၊ မြန်မာနိုင်ငံမှပြောင်းရွှေ့ခိုလှုံလာကြသူမိသားစုအိမ်ထောင်ဦးစီးများ၊ လုပ်အားဖြင့် ထောက်ပံ့ကြေးရယူခံစားခွင့်အတွက်၊ လုပ်အားပေးရာတွင်အခက်အခဲဖြစ်ကြရပုံများကိုသတိရမိပါသည်။ မိသားစုများအတွင်းကလေးသူငယ်ရှိသူများအတွက်၊ ပြောင်းရွှေ့ခါစ ဂရုစိုက်ကြပ်မတ်မှုနှင့်အလုပ်ရှာဖွေစဉ် ကာလအတွင်း၊ သင့်တင့်သောထောက်ပံ့ကြေးပံ့ပိုးနိုင်ရန်အတွက်၊ အမေရိကန်အစိုးရက Work for Family/ Welfare to Work အစီအမံများကိုပြည်နယ်တိုင်းတွင်ချမှတ်ပေးထားပါသည်။ ထိုအစီအစဉ်အရ၊ မိဘများ အနေဖြင့်မိမိမိတ်ဆွေ၊ နေထိုင်ရာဝန်းကျင်တို့တွင် အိမ်မှုကိစ္စတနိုင်တပိုင်လုပ်အားပေးခြင်းကိုအချိန်သတ်မှတ် ၍လုပ်အားပေးစေခြင်းဖြင့်၊ အစိုးရကထောက်ပံ့ကြေးပံ့ပိုးပေးနေပါသည်။ ပြဿနာကား၊ လုပ်အားပေးရမည့်အိမ် ကိုရှာဖွေရန်အခက်အခဲ ရှိနေခြင်းပင်ဖြစ်သည်။ စကားမကျွမ်းကျင်မှုကြောင့်လူမျိုးခြားများထက်၊ နီးစပ်ရာမြန်မာ မိတ်ဆွေများအိမ်၊ လုပ်ငန်းတို့တွင် မိမိတို့တနိုင်လုပ်အားပေးခွင့်ရရန်၊ မေတ္တာရပ်ခံရပါသည်။ အားနာလွန်းသဖြင့် ရက်သတ္တအနည်းငယ်သာလက်ခံကြသော်လည်း၊ ရက်များလာလျင်ဆက်လက်လက်မခံနိုင်ကြောင်းပြောလာ ကြပါသည်။ အကြောင်းရင်း ကား၊ စေတနာ့ဝန်ထမ်းရင်း၊ ထိခိုက်ဒါဏ်ရာရပါက၊ မိမိအပေါ်ကျရောက်လာမည့် တာဝန်ဝန်ထုပ်ဝန်ပိုးကိုကြောက်ရွံ့ခြင်းကြောင့်ဖြစ်ပါသည်။ စေတနာဝန်ထမ်းအခမဲ့အကျိုးဆောင်ရာတွင်ပင် အခက်အခဲရှိသောနိုင်ငံပါပေ။ အခမဲ့ လုပ်အားကိုပင်လက်မခံနိုင်သော၊ လက်မခံရဲသော၊ အမေရိကနိုင်ငံသား များ၊ အမေရိကနိုင်ငံရောက်မြန်မာများအလုပ်ရှင်/အိမ်ရှင်များ ကိုပင်၊ အသစ်ရောက်ရှိခါစပြောင်းရွှေ့ခိုလှုံသူတို့ နားမလည်နိုင်ကြ။

ဆယ်စုနှစ်ပေါင်းများစွာက၊ စာရေးသူတို့ကျောင်းသားဘ၀ လုပ်အားပေးခဲ့ကြပုံများကိုပြန်ပြောင်းသတိရမိပါ သည်။ ဤဆောင်းပါးရေးသားချိန်သည်၊ မြန်မာနိုင်ငံ စာမတတ်သူပပျောက်ရေး‘အ’သုံးလုံးလုပ်အားပေး သက်တမ်း နှစ်(၅၀)ရွှေရတုကျင်းပချိန်နှင့် တိုက်ဆိုင်နေပါသည်။ ထိုကာလလမ်းစဉ်ပါတီခေတ်တွင်တခုတည်း သောတရားဝင်လူငယ်အဖွဲ့အစည်းဖြစ်သည့် လမ်းစဉ်လူငယ်အဖွဲ့သို့၊ လူငယ်ဘာဝစူးစမ်း၊ စွန့်စားလိုကြသူ လူငယ်အတော်များများခြေစုံပစ်ဝင်ခဲ့ကြသည်။ နှစ်စဉ်နွေရာသီရောက်တိုင်း၊ စာမတတ်သူပပြောက်ရေး၊ စက်ရုံအလုပ်ရုံလုပ်ငန်းခွင်များ၊ လွှတ်တော်အဆောက်အဦကဲ့သို့တည်ဆောက်ရေးလုပ်ငန်းများ၊ ဆည်မြောင်း တာတမံတည်ဆောက်ရေး လုပ်အားပေးများသို့၊ လူငယ်အရွယ်ပေါင်းစုံတို့ခြေဆန့်လုပ်အားပေးကြသည်။ မိမိ တို့နေထိုင်ရာနေအိမ်မှခွာ၍ မိမိတို့မရောက်ဖူးသော၊ ဝေးလံခေါင်ဖျားဒေသများသို့၊ ဗဟုသုတလည်းရ၊ ပျော် လည်းပျော်ရွှင်ရသော ထိုလုပ်အားပေး စီမံကိန်းများတွင်ပါဝင်ကြသူတွေထဲတွင်ယနေ့၊ မြန်မာနိုင်ငံအစိုးရအဖွဲ့ အစည်းကြီးများ၊ ဌာနအကြီးအကဲများ၊ နိုင်ငံရေးခေါင်းဆောင်ကြီးများပင်ဖြစ်နေကြပြီဖြစ်ပါသည်။ ထိုစေတနာ့ ၀န်ထမ်းလုပ်အား ပေးရန်လျှောက်ထားကြစဉ်က၊ မိမိတို့ထိခိုက်ဒါဏ်ရာရမည့်ကိစ္စ၊ အသက်အန္တရာယ်ပင် ရောက်နိုင်မည့်ကိစ္စ များကိုသိကြသော်လည်း၊ လုပ်အားပေးကြသူတွေကမမေးကြသလို၊ ထိုစီမံချက်လုပ်ငန်း များကိုဦးဆောင်ကြသူ တွေကလည်း၊ ဆွေးနွေးခြင်းအလျင်းမရှိခဲ့ကြချေ။ ယင်းအလေ့အထသည် မြန်မာ့မြေ တွင်ယနေ့တိုင်ရှင်သန် လျက်၊ စေတနာ၏အာနိသင်အရောင်သည်လင်းလက်ချင်တိုင်း လင်းလက်လျက်ရှိနေသေး သည်ကား ဂုဏ်ယူ စရာမှတ်ကျောက်တခုပင်မဟုတ်ပါလား။ ငွေကြေးလုပ်အားပေးခဆိုသည်မှာဝေးရော၊ မိမိတို့ လုပ်အားပေးစဥ၊် လနှင့်ချီသော ကာလအတွင်းတည်းခိုခွင့်ပေးသည်သောအိမ်ရှင်တတ်နိုင်သလောက် ကြွေးမွေး ဧည့်ခံမှုတို့နှင့် တင်းတိမ်ကြသည်။ စီစဉ်ကြသူတွေကကြွေးသောပဲဟင်းနှင့်ဆန်ကြမ်းသည်၊ ယနေ့တိုင်မေ့မရ သောနတ်သုဒ္ဓာ များဖြစ်ကြဆဲပင်။ ထိုနှစ်(၅၀)ရွှေရတုပွဲတွင်ပါဝင်ခွင့်ရကြသူတွေလက်တဆုပ်စာမျှသာ ရှိသော် လည်း၊ နှစ်ပရစ္ဆေဒ များစွာနေပူစပ်ခါးမရှောင်လုပ်အားပေးခဲ့ကြသောထောင်ပေါင်းများစွာကျောင်းသားလူငယ် များ၏ ဒေသခံလူထုနှင့်လုပ်အားပေးကြသူအားလုံးတို၏စိတ်အစဉ်ဝယ် ကြည်နူးပီတိကြီးမားစွာကိန်းအောင်း နေမည်မှာအမှန်ပင်။ ယင်းစေတနာသည် အမှန်တကယ်စေတနာဟုခံယူမိပါသည်။

ပြောင်းလဲလာသောနိုင်ငံရေးလူမှုရေးရေစီးကြောင်းကြောင့်ယနေ့မြန်မာပြည်သူအများသည်၊ နိုင်ငံတကာတွင် ရောက်ရှိအခြေချနေထိုင်ကြလျက်ရှိပေပြီ။ စေတနာ၏တန်ဘိုးသည် အစ၊ အလယ်၊ အဆုံး သုံးပါးလုံးပါပါမှ၊ စစ်မှန်သောစေတနာဟု ဗုဒ္ဓဒေသနာတွင်အဆိုရှိသဖြင့်၊ မိမိတို့ကျွမ်းကျင်ရာလိမ္မာရာတို့ဖြင့်တဖက်သား အပေါ်ကူညီစောင်မမှုတို့ဖြင့်ကူညီခြင်းသည်၊ လူသားတိုင်းထားအပ်သောစိတ်စေတနာပင်မဟုတ်ပါလား။ သို့သော်စေတနာရေစီးကမ်းပြိုကြရင်း၊ ဝေဒနာရကြသူ တွေလည်း မနည်းပြီ။ မိမိကူညီပေးလိုက်ရသော အကြောင်းအချင်းရာကိစ္စတခုအတွက်၊ တဖက်လူမှတချိန်ချိန် တွင်တုန့်ပြန်လာရေးအတွက်အမျှော်ကြီးမျှော် ကြသူတွေ၊ ထင်တိုင်းမပေါက်သောအခါ၊ ဒေါသထွက်တတ်သော သဘာဝကားလူတိုင်းတွင်အနည်းနှင့်အများ ဆိုသလိုရှိကြသည်။ ယင်းကားပယ်ရှောင်သင့်သောအကျင့်ဆိုး တခုဖြစ်သည်။ ဆိုခဲ့သည့်အတိုင်း စေတနာ ရောင်ပြန်ဟပ်ခံလိုမှုမျှော်လင့်ချက်ထားခြင်းသည်၊ မိမိ၏စိတ်ကို ဒုက္ခပေးရာရောက်ပေသည်။ နိုင်ငံတကာ ရောက်မြန်မာတွေအချင်းချင်းစေတနာပြိုင်ကြရင်း၊ မနာလိုမှု၊ မကျေနပ်မှု၊ ရန်လိုမှုတို့သည်နေရာတိုင်းတွင် တွေ့ရသည်။ ယနေ့ community leaders များဟုအများက နားလည်ထားကြသူအတော်များများ (အားလုံး လိုလိုပင် ဟုဆိုပါစို့) သည်အမှန်စင်စစ် မိမိကိုယ်ကိုမိမိ ခေါင်းဆောင်တင်ထားသော (self-appointed or self-designated) ခေါင်းဆောင်များသာဖြစ်ပါသည်။ ဒါမှမဟုတ်လျင်လည်း၊ မိမိနှင့်နီးစပ်ပြီး၊ မိမိနှင့်စိတ်တူသဘော တူသူတို့က၀ိုင်းသဘောတူတင်မြှောက်ထားခံရသော community leaders များဖြစ်ကြပါသည်။ ထိုပုဂ္ဂိုလ်တို့ထဲ တွင် “ဒီမိုကရေစီ”ဟုအော်ပြီး၊ ကိုယ့်လုပ်ရပ်ကိုဝေဖန်ခံရသောအခါဆတ်ဆတ်ထိမခံနာတတ်ကြသူတွေ အ တော်အများတွေ့ရပြီး၊ တဖက်လူပြောသားချက်ကိုစိတ်ရှည်သီးခံပြီး၊ ဝေဖန်ပိုင်းခြားသုံးသပ်တတ်သူမျိုးများကို လည်းတွေ့ရသည်။ ခေါင်းဆောင်သာလုပ်ချင်ကြသောစေတနာရှင်မျိုးများ၊ ပေါ်ပင်နောက်လိုက်လိုသော စေတနာရှင်အမည်ခံ၊ “တစ်ပွဲတိုး” ခေါင်းဆောင်များကိုလည်းတွေ့ရန်မခက်ခဲလှပေ။ ဆရာများ၍နောက်လိုက် နည်းသောမြန်မာ့လူ့အဖွဲ့စည်းကြီးလော။

တဖန် နားလည်သူ၊ ထိုခေါင်းဆောင်များကဦးဆောင်သောကိစ္စကို နောက် လိုက်မလုပ်လိုကြသူတွေများသော ပြည်ပရောက်မြန်မာများကိုအလွှာစုံ၊ လူတန်းစားစုံထဲ ကွက်ကွက်ကွင်းကွင်း တွေ့နေရသည်။ နားလည်ကြသူ တွေကဦးဆောင်ကြသည်ကိုနောက်ကလိုက်ရန်ဝန်လေး ကြသော၊ မင်းသားကြီးမလုပ်ရ၍ပါတ်မထိုးဖေါက် လိုသူတွေနေရာတိုင်းတွေ့ရသည်။ ၀မ်းနည်းဘွယ်ကောင်း ပေစွ။ ခေါင်းဆောင်လုပ်လိုသူခေါင်းဆောင်များ၍၊ နောက်လိုက်မဲ့သော “စေတနာ”သည်မည်သည့် စေတနာမျိုးလဲ ဆိုသည်ကိုမေးခွန်းထုတ်ရန်လိုအပ်လာသည်။

အမှန်စင်စစ်အားဖြင့်၊ နိုင်ငံရေးခေါင်းဆောင်ဟုဆိုကြသူတွေမှလည်း၊ အာဃာတလွန်စွာကြီးမားကြသည်ကို တွေ့ရသည်။ မိမိရာထူးအာဏာရှိချိန်ရာထူးရှိန်ကြောင့်တမျိုး၊ ရာထူးမဲ့ချိန်တွင်လည်းအာဏာမဲ့ဒေါသတို့ အထိန်းအကွပ်မဲ့ ထွက်တတ်သော၊ မြန်မာ့နိုင်ငံရေးဇာတ်ခုံကိုအတိုင်းသားမြင်နေရသည်။ နိုင်ငံအတွက်ဟူသော စေတနာသည်၊ အမှန်အားဖြင့်၊ ၀ါသနာကိုအခြေခံသောစရိုက်လက္ခဏာမှသည်၊ မတော်တဆဖြစ်ဖြစ်၊ တမင်ဘဲ ဖြစ်ဖြစ်၊ တဖက်အင်အားစုမှဖိနှိပ်၊ ညှင်းပမ်းချုပ်နှောင်မှုကြောင့်၊ နိုင်ငံရေးဘ၀လမ်းကြောင်းတွင်၊ အနစ်နာခံ အဆုံးရှုံးခံကြခြင်းဖြင့်၊ “အနစ်နာ”မှတ်ကျောက်တင်ခြင်းခံကြရသည်။ ထို”၀ါသနာ”နှင့် “အနစ်နာ”သည် “စေတနာ”လမ်းကြောင်းပေါ် သို့မိမိကိုယ်ကိုတင်ပေးလိုက်မှန်းမသိတင်ပေးလိုက်ခံရခြင်းဖြစ်သည်။ “ဗေထိ” ဟူသောနိုင်ငံရေးအခွင့်အလမ်း ဆိုင်းသံကြားရလျင် မ“က”ရလျင်(၀င်မပါရလျင်)မနေနိုင်သော နိုင်ငံရေးပိုးသည် စေတနာကိုအရင်းခံသည် ဟုစောကြောမည်လော။ အများအကျိုးကိုသယ်ပိုးသည်ဆိုရာဝယ်၊ လူငယ်ဘ၀လုပ် အားပေးကြရာမှ စစ်တိုက်သောစစ်သား မှအစ၊ နိုင်ငံ့ဝန်ထမ်း၊ community leaders များသာမက၊ လူမှုပရ ဟိတကိုဦးစား ပေးသော အသက်မွေးဝမ်းကျောင်းပညာရှင် ဆရာဝန်၊ သူနာပြု နှင့် ပြည်သူ့ရဲ၊ မီးသတ်၊ နှင့်ကြက်ခြေနီအဆုံး အလုံးစုံပါဝင်ကြလေသည်။ လုပ်အားတတ်နိုင်သူတွေကလုပ်အားလှူဒါန်းကြသလို၊ ငွေအား၊ ပညာဒါနအား၊ အကြံပေးလမ်းညွှန်ခြင်းဖြင့်နည်းလမ်းအသွယ်သွယ်ပါဝင်ပါတ်သက်နေပေသည်။

အမေရိကားလိုနိုင်ငံတွင် donation ခေါ်လှူဒါန်းမှုအတွက်၊ အခွန်ဌာနကြီး၏အသိအမှတ်ပြု အခွန်ကင်းလွတ်ခွင့် ဖြတ်ပိုင်းကို မြန်မာတို့က၊ မိမိလှူဒါန်းရာရာဌာန၊ အဖွဲ့အစည်းမှ၊ မရမနေတောင်းတတ်သော၊ အကျင့်သည် ကောင်းစွာစွဲမြဲနေပြီဖြစ်သည်။ လုပ်အားပေးလျင်အသိအမှတ်ပြုလွှာလောက်ကိုတော့လိုချင်လာသည်။ အနဲဆုံး စင်ပေါ်မှမိမိအမည်ကိုခေါ်ဆိုဂုဏ်ပြုသံကိုကြားချင်နေကြပြီ။ စေတနာဟူသည်၊ မိမိကပေးပြီးလျင်၊ တဖက်လူထံ မှပြန်လည်မျှော်လင့်ခြင်းအလျင်းမရှိမှသာ၊ စေတနာခရီးရောက်၍၊ အစ/အလယ်/အဆုံး(၃) တန်စေတနာပေါက် သည်ဟုဆိုကြသော်ငြားလည်း၊ ထိုအာနိသင်ကို မြန်မာတွေ၊ မေ့လျော့နေကြပေပြီ။ ဒေါသ၊ ပြစ်တင်ခြင်းနှင့် ရောပြွန်းသော စေတနာကိုပေးကြလိုသူတွေများလာပေပြီ။ “စေတနာနဲ့ပြောတာ၊ ဒင်းကဘာ ကောင်မို့ လည်း” ဟူသော အတွေးအခေါ်လွှမ်းမိုးသော ခေတ်ကြီးသို့ဆိုက် ရောက်မှန်းမသိဆိုက်ရောက်နေ ပေပြီ။ “ငါ့စေတနာက၊ ဝေဒနာဖြစ်ပါပေါ့လား” ဟုဝမ်းနဲပက်လက်ဖြစ်ကြရသူမျိုးတွေလဲရှိသည်။ “နေရာတိုင်းစေတနာ ထားလို့မရဘူး” ဟူသော “ဘူး”၀ါဒကိုလက်ကိုင်ထားသောသူမျိုးတွေ၊ ခေါင်းဆောင်ပိုင်း အတွင်းဝင်ရောက်လာ ခြင်းသည်၊ ထိုအဖွဲ့အစည်း၏ပျက်စီးရာလမ်းကြောင်းပေါ်တင်ပေးလိုက်သော တွန်းအားတခုဖြစ်သွားနိုင်သည်။

စေတနာကိုအရင်းခံပါသည်ဟုကြွေးကြော်ကြသော ခေါင်းဆောင်များလက်ကိုင်ထားသင့်သော ကွယ်လွန်သူ သမ္မတရီဂင်၏အဆိုတခုဖြင့်နိဂုံးချုပ်လိုပါသည်။

“There is no limit to what a man can do or where he can go if he doesn’t mind who gets the credit”!