ယာဉ်တိုက်မှုဖြစ်ခဲ့သော် …..

ယခင်လများက အမေရိကရောက်မြန်မာများအတွက် မသိမဖြစ်သိသင့်တဲ့ ကျန်းမာရေးအာမခံရဲ့အခြေခံသဘော တရားတွေတင်ပြခဲ့ပါတယ်။ ဒီလမှာတော့ နေ့စဉ်အလုပ်ခွင်(သို့မဟုတ်)ကိစ္စကြီးငယ်တို့အတွက် ဘ၀ပျားပန်း ခတ်ကြရသူမြန်မာတွေအတွက် နားလည်လိုက်နာသင့်တဲ့ ယာဉ်တိုက်မှုအာမခံ (Road Traffic Accidents)တွေ ဘက်လှည့်ကြရအောင်ပါ။ ဒီကိစ္စကလည်းအရေးကြီးပြီး၊ မိသားစုတိုင်းနဲ့ကင်းလို့မရတဲ့ကိစ္စကြီးတခုပါ။ ကြိုတင် အသိပေးလိုတဲ့အချက်ကတော့ အာမခံကိစ္စအရေးယူဆောင်ရွက်မှုတိုင်းဟာ၊ မိမိအာမခံဝယ်ယူရာကုမ္ပဏီကြီး များရဲ့လုပ်ထုံးလုပ်နည်းမူဘောင်စည်းမျဉ်း(framework) ရဲ့သဘောထားထားနဲ့ဆုံးဖြတ်ချက်ဟာ အခရာမို့ ဒီဆောင်းပါးဟာ၊ Casualty property insurance လို့ခေါ်တဲ့သူတပါးယာဉ်ထိခိုက်မှုအာမခံရဲ့ဘောင်တွေ ကိုချပြ တဲ့ ယေဘူယျ ဖွင့်ဆိုချက်တွေလို့ဆိုပါရစေ။

ယာဉ်တိုက်မှုလို့အရပ်စကားကနားလည်တဲ့Road Traffic Accident ဟာ accident လို့ဆိုတဲ့အတွက်ကြောင့်၊ မတော်တဆဖြစ်မှုဆိုတဲ့အချက်ကို၊ သိနားစေကြလိုပါတယ်။ အဲ့ဒီအတွက်တမင်ကြိုတင်ကြံရွယ်မှု (premeditated act) မပါတဲ့အတွက်ကြောင့်ပေါ်ပေါက်လာရတဲ့ဖြစ်ရပ်ကို၊ ဥပဒေနဲ့ အာမခံရှူဒေါင့်တွေကကြည့် ရာမှာ၊ ဖြစ်ပေါ်စေတဲ့အကြောင်းရင်းကိုဖေါ်ထုတ်ကြရပါတယ်။ (Cause of accident) ယာဉ်တိုက်မှုအားလုံး လိုလိုတို့ဟာ တဖက်ဖက်ကယာဉ်စည်းကမ်းကိုဖေါက်ဖျက်ကြရာကနေပေါ်ပေါက်ရခြင်းဖြစ်ပါတယ်။ ဒီ့အတွက် ကြောင့်တင်ကြို ကြံရွယ်မှုရှိခဲ့ရင် မှူခင်းဆိုင်ရာကိစ္စဖြစ်သွားစေတဲ့အတွက် ရာဇ၀တ်မှုကြောင်းအဖြစ်ပြောင်းလဲ သွားပါတယ်။ စာရေးသူဆွေးနွေးလိုရင်းကတော့၊ တင်ကြိုကြံရွယ်ခြင်းအလျင်းမရှိတဲ့မတော်တဆမှုကြောင့်၊ ပေါ်ပေါက်ရတဲ့ ယာဉ်တိုက်မှုကို လေ့လာကြည့်ကြရအောင်။

ယာဉ်တိုက်မှုဖြစ်ခဲ့သော်

ယာဉ်တိုက်မှုဖြစ်ချိန်မှာ သတိဘယ်လိုဘဲကောင်ပြီးဗဟုသုတကြွယ်ဝမှုရှိပါစေ၊ လိုက်နာသင့်တဲ့ကိစ္စတွေလစ် ဟင်းမှုရှိတတ်ကြတာဓမ္မတာပါ။ စာဖတ်ပရိဿာတ်အားလုံးသိပြီးဖြစ်ပေမဲ့ ပြန်သတိပေးပါရစေ။

-       ထိခိုက်နာကျင်မှုရှိရင် (911) မှတဆင့်ဆေးအကူအဖွဲ့ (Emergency Tech) နှင့်ရဲကိုခေါ်ပါ။ ထိခိုက်မှု မရှိပါက ယင်းအကူအဖွဲ့ရောက်လာလေ့မရှိပါဘူး။ လာခဲ့လျင်လည်း နှစ်ဦးနှစ်ဖက်(သို့မဟုတ်) ပါတ် သက်သူ အားလုံးတို့၏စာရွက်စာတမ်းများကိုကူညီဖလှယ်ပေးခြင်းသာပြုလုပ်ပါတယ်။

-       ရဲအရာရှိက စစ်ချက်ယူခဲ့ရင်၊ အများအားဖြင့်ယာဉ်စည်းကမ်းကျူးလွန်သူကိုဦးစွာပထမစစ်ဆေးမေးမြန်း လေ့ရှိတာကိုသတိချပ်ပါ။ ရဲအရာရှိကပေးတဲ့ Case (အမှုတွဲနံပါတ်) ကိုသိမ်းဆည်းပါ။ ရဲအရာရှိရဲ့မှတ် ချက်အရ၊ ကျူးလွန်သူဟာပြစ်ဒါဏ် (charge) အဖြစ်သတ်မှတ်ခံရသော်လည်း၊ အာမခံကုမ္ပဏီရဲ့ ပြစ် ဒါဏ်သတ်မှတ်ချက်ဟာရဲအရာရှိရဲ့ အယူအဆနဲ့ကွာခြားနိုင်တယ်ဆိုတာကိုသတိချပ်ပါ။

-       တိုက်ခံရသူနှစ်ဖက်လုံးက စာရွက်စာတမ်းလဲလှယ်ရာမှာ၊ အာမခံကတ်ပြား၊ ယာဉ်မောင်းလိုင်စင်နဲ့ ယာဉ်တို့ရဲ့ Year,Make နဲ့ model တွေပါဘို့လိုပါတယ်။ အကောင်းဆုံးကတော့၊ ကိုယ့်မှာပါလာတဲ့ Cell Phone နဲ့ဓါတ်ပုံရိုက်ယူထားလိုက်ပါ။ ဖြစ်နိုင်ရင်မိမိလိပ်စာ/ဖုံးနံပါတ်တို့ကို တဖက်သူကိုမပေးတာအ ကောင်းဆုံးပါ။ အကျိုးထက်အပြစ်များတတ်ပါတယ်။

-       အမြန်ယဉ်လမ်းမကြီးဖြစ်ရင် ကိုယ့်ကားထဲကအပြင်ကိုမထွက်ပါနဲ့။ ထိခိုက်နာကျင်မှုအလျင်းမရှိခဲ့ရင်၊ နီးစပ်ရာ လမ်းဆုံကိုကိုယ့်ကားကိုရွှေ့ပြီးမှ၊ ကားထဲကထွက်ပါ။

-       နောက်ဆုံးဆိုပေမဲ့အရေးကြီးဆုံးအချက်ကတော့၊ ကိုယ်ကကျူးလွန်မိရင်တောင်၊ ၀န်ခံစရာမလိုပါဘူး။ အာမခံကုမ္ပဏီနဲ့ရဲအရာရှိတို့ရဲ့ ကျွမ်းကြင်မှုဆိုင်ရာအဆုံးအဖြတ် (Technical Impression/ Conclusion) ဟာ ပဓါနဖြစ်ပါတယ်။

-       မိမိရဲ့ယာဉ်မောင်းနှင်မရအောင်၊ ဘီးရွေ့မရအောင်ဖြစ်ခဲ့ရင်၊ နီးရာယာဉ်ပြင်ဆင်ရာဌာနကို ကိုယ့်ကားကို သယ်သွားဘို့ Tow Company ကိုခေါ်ရပါမယ်။ ရဲများကတာဝန်ယူပေးပါမယ်။ ဒါပေမဲ့ သယ်သွားတဲ့ Tow Company နဲ့သယ်သွားမဲ့ Body shop အမည်/လိပ်စာတွေကိုမှတ်သားထားဘို့အရေးကြီးပါ တယ်။ မိမိကား(ပျက်စီးရာအစိတ်အပိုင်းများ) နဲ့တဖက်ကယာဉ်တိုိ့ကိုဓါတ်ပုံရိုက်ယူထားပါ။

အာမခံကုမ္ပဏီကိုအကြောင်းကြားခြင်း

ယာဉ်တိုက်မှုဖြစ်ပြီး အချိန်ရရင် (သို့မဟုတ်) အချိန်မရခဲ့ရင်လည်း နောက်တနေ့အတွင်း ကိုယ့်ရဲ့အာမခံကုမ္ပဏီ ကိုအကြောင်းကြားဘို့လိုပါမယ်။ ဒီနေရာမှာ ကိုယ့်ကုမ္ပဏီကိုအကြောင်းကြားတာအကောင်းဆုံးလို့ဆိုချင်ပေမဲ့၊ ကိုယ့်မှာအပြစ်မရှိဘူးဆိုတာကြိမ်းသေပေါက်သေခြာခဲ့ရင်တော့ တဖက်အာမခံကုမ္ပဏီကိုအကြောင်းကြားနိုင်ပါ တယ်။ ဒါတွေကို ဆောင်ရွက်ပေးဘို့တာဝန်အတွက်ကိုယ်ကငွေကြေးပရီမီယံပေးသွင်းရတာကိုး။ ဒီကိစ္စဟာအ မြင်အမျိုးမျိုးကွဲနိုင်သလို၊ အကျိုးအမြတ်လည်းကွာနိုင်တာမို့အကျယ်တ၀င့်မဆွေးနွေးတော့ပါဘူး။ နောက်တချက်က ဟာဉ်တိုက်ခိုက်မှုကြောင့်ကိုယ်ခန္ဓာထိခိုက်ဒါဏ်ရာရနာကျင်မှုမဖြစ်ခဲ့ရင်၊ ပါဝင်ပါတ်သက်ကြ သူတွေမေးလေ့ရှိတဲ့ကိစ္စက အာမခံကုမ္ပဏီများကိုအကြောင်းကြားသင့်၊ မကြားသင့်ဆိုတဲ့ကိစ္စပါဘဲ။ ထိခိုက်တဲ့ ပျက်စီးမှုကမိမိတို့ အိပ်စိုက်သတ်မှတ်ငွေ (Deductible) ထက်မများခဲ့ရင်၊ အကြောင်းမကြားဘဲနေလို့ရပါတယ။် ဒါပေမဲ့တဖက်ကသူက သက်ဆိုင်ရာယာဉ်စည်းကမ်းထိန်းသိမ်းရာဌာနကြီး (Motor Vehicle Department) ကို အကြောင်းကြားခဲ့ရင်တော့၊ ကိုယ်မှာအပြစ်ရှိမရှိကိုသက်သေထူဘို့လိုသွားတတ်ပါတယ်။ ယခုခေတ်ကာလမှာ တရိပ်ရိပ်တက်နေတဲ့ယာဉ်ပြင်ဆင်စရိတ်တွေကြောင့်၊ ဆိုခဲ့တဲ့ Deductible ထက်ပိုမိုများလေ့ရှိပါတယ်။ အရေးကြီး တာကတော့ ပထမဆုံးဖုံးခေါ်အကြောင်းကြားခြင်း (First Report)ဟာ မိမိဘက်ကအစပျိုးတဲ့ကိစ္စ တခုသာဖြစ် ပြီး၊ အာမခံကုမ္ပဏီကဆက်လုပ်ရမဲ့လမ်းကြောင်းအတွက်ပြီးပြည့်စုံသွားပြီလို့ယူဆို့မရပါဘူး။ မိမိရဲ့တိုင်ကြားချက် ပေါ်မှာ တာဝန်ချထားခြင်းခံရတဲ့ Claims Adjuster ကမိမိထံဖုံးပြန်ခေါ်ပြီး၊ မိမိရဲ့ တိကျတဲ့ ထွက်ဆိုချက် (Statement) မတောင်းမချင်း၊ ဇာတ်လမ်းမစရသေးဘူးလို့မှတ်ပါ။ Statement ပေးရာမှာ-

-       ဖြစ်စဉ်လိုရင်းကိုတိတိကျကျပြောပါ -နေ့ရက်အချိန်၊ နေရာ၊ ရာသီဥတုအခြေအနေ၊ ယာဉ်လမ်းကြော အခြေအနေ၊ ယာဉ်တိုက်ခိုက်ပုံ၊ ဖြစ်စဉ်တဆင့်ပြီးတဆင့်။

-       မျက်မြင်သက်သေ(မိမိယာဉ်ထဲကပါလာသူမဖြစ်စေရ။) ရှိပါက ရှိကြောင်း - အမည်နဲ့ဖုံးနံပါတ်။

-       မိမိကဦးစွာလမ်းအသုံးပြုခွင့်ရှိ/မရှိ Right of the way

-       မိမိယာဉ်ပြင်ဆင်ရန် Collision center  (Body Shop ဟုအများကသိ) တောင်းခံရပါမယ်။ ဒီနေရာမှာ မိမိစိတ်ကြိုက် Body shop ကိုသုံးခွင့်ရှိတာမို့ ဆန္ဒရှိရင်လုပ်နိုင်ပါတယ်။ မိမိအာမခံကုမ္ပဏီ ကအဲ့ဒီပြင် ဆင်တဲ့ရုံ ကိုတိုက်ရိုက်ငွေချေချင်လဲချေမယ်။ ဒါမှမဟုတ် တန်ဘိုးနည်းတယ်လို့ယူဆရင်မိမိဆီကိုငွေ ထုတ်ပေး ပါမယ်။ ဒီနေရာမှာသိထားဘို့ကငွေထုတ်ပေးပြီးမပြင်ဆင်ခဲ့ရင်၊ အာမခံကုမ္ပဏီများကမိမိ ကားပြင်မပြင်၊ နောက်ကြောင်းလိုက်တတ်တာကို သတိပြုကြပါ။

-       အာမခံကုမ္ပဏီက မည်သူ့မှာ ရာနှုန်းဘယ်လောက်အထိအပြစ်ရှိကြောင်းစာကိုအမှုတွဲပိတ်ပြီးရင်ထုတ် ပေးလေ့ရှိတတ်ပါတယ်။ အဲ့ဒီစာကအရေးကြီးပြီးနောင်မှာသက်သေအနေနဲ့သုံးဘို့လိုကောင်းလိုနိုင်ပါ တယ်။

-       အရေးကြီးဆုံးကတော့ သည်းခံစိတ်မွေးပါ။

ရှေ့နေသုံးသင်/မသုံးသင့်

ကျွန်တော်တို့မြန်မာများဟာ အမှုကိစ္စတခုဖြစ်လာရင်ရှေ့နေအားကိုးတတ်တဲ့စရိုက်အလွန်ကြီးပါတယ်။ ဘာသာ စကားအကျွမ်းမ၀င်မှုနဲ့ စာရွက်စာတမ်းကြောက်တတ်ကြတဲ့အတွက်၊ ရှေ့နေများကစရိတ်စကပေးစရာမလိုဘူး ဆိုတဲ့ကမ်းလှမ်းချက်များ (အများအားဖြင့်မိမိအိပ်စိုက်ပေးစရာမလိုလို့ကမ်းလှမ်းကြလေ့ရှိပါတယ်။) ရှိခဲ့ရင်၊ ဘယ်သူတွေကဘယ်လိုဘဲတားတား၊ ရှေ့နေငှားကြလေ့ရှိပါတယ်။ စရိတ်ရော၊ ကရိကထကင်းတာကိုး။ ဒီကိစ္စနဲ့ပါတ်သက်ပြီးအမြင်မျိုးစုံရှိတာမို့၊ သတိပေးလိုတဲ့အချက်ကြီးခုကတော့၊ မိမိကရှေ့နေငှားရမ်းခဲ့ရင်၊ ရှေ့နေများရဲ့ ညွှန်ကြားချက်ကိုသံသယစည်းခြားပြီးယုံဘို့လိုပါတယ်။ ရှေ့နေကဘက်လိုက်နေလား၊ လုပ်စရာကိစ္စ ကိုပြည့်စုံအောင်၊ ကျေပွန်အောင်မလုပ်ဘူးလားဆိုတဲ့သံသယစိတ်တွေပွားတတ်ကြပြီး၊ စိတ်ပူပန်မှုတွေပေါ်လာ တတ်ပါတယ်။ ဒီဟာဘာ့ကြောင့်ပြောရလဲဆိုတော့၊ ရှေ့နေများဟာ ရှေ့နေဆိုတဲ့အတိုင်း၊ ကိုယ့်ဘက်ကလက် မှတ်ထိုးပြီးတာနဲ့ချည်နှောင်ပြီးသားဖြစ်သွားဖြစ်အာင်လုပ်တတ်သလို၊ သူတို့ဘက်ကအသာစီးကိုယူထားလေ့ရှိ ကြပါတယ်။ ဒီအတွက်ကြောင့်ရှေ့နေငှားတော့မယ်ဆိုရင်ကြိုတင်မေးသင့်တဲ့မေးခွန်းကြီး(၂)ခုကိုဖေါက်သယ်ချ ပါရစေ။

(က) အမှုတွဲအစမှအဆုံးအထိ၊ မိမိအိပ်ကပ်မှတပြားတချပ်မှအကုန်ကျခံစရာလိုခြင်းရှိမရှိ။ (ဒီနေရာမှာစာရွက် စာတမ်းခ နဲ့တရားရုံးစရိတ်လိုခဲ့ရင်တို့ကိုပါရှင်းရှင်းလင်းလင်းမေးပါ။) ကုန်ကျခံရနိုင်မဲ့ စရိတ်ကိုပွင့်ပွင့်လင်းလင်း မေးပါ။

(ခ) မိမိအမှုတွဲနိုင်သည်ဖြစ်စေ၊ ရှုံးသည်ဖြစ်စေ၊ အစမှအဆုံးတိုင် မိမိကို၊ မပျက်မကွက်ကိုယ်စားပြုခြင်းရှိမရှိ၊ (Representation of the entire legal process even the appeal is required) အမှုရှုံးနိုင်ချေရှိရင်၊ တ၀က်တပျက်နဲ့ ရှေ့နေကဆက်လက်လိုက်ပါနိုင်ခြင်းမရှိတော့ကြောင်း၊ စာပို့ခံရသူတွေဒုနဲ့ဒေးပါ။

ယာဉ်တိုက်ခိုက်ရာတွင် အာမခံနှင့်ရဲတို့မှအဓိကကြည့်တတ်တဲ့အချက်များ

(က) ယာဉ်ပြင်ဌာန (Collision Center) ကပျက်စီးမှုအစီရင်ခံစာနှင့်စရိတ်တွက်ချက်မှု၊

(ခ) ရဲအရာရှိရဲ့သဘောထား (ရှိခဲ့ရင်လည်း အမြဲတမ်းတော့မဟုတ်)

(ဂ) ယာဉ်ချင်းထိခိုက်မိသောနေရာ (Point of contact) ဒီအချက်ဟာ ဘယ်သူအပြစ်ရှိတယ်၊ ဘယ်လောက် အပြစ်ရှိတယ်ဆိုတဲ့အချက်ကိုသက်သေထူစေနိုင်တဲ့ညွှန်ပြချက်တခုပါ။

(ဃ) ယာဉ်တိုက်မှုဖြစ်စဉ်နှင့်ပါတ်ဝန်းကျင်ကြောင်းချင်းရာ၊ လမ်းကြောင်းအပေါ်ဦးစွာရောက်ရှိနေသောယာဉ်ရဲ့ right-of-the-way

(င) ယာဉ်စည်းကမ်းဖေါက်ဖျက်မှုပါတ်နေသက်နေမှု အတိုင်းတာ (moving violation) (မီးနီကိုဖြတ်ပြေးတာ၊ ယာဉ်မောင်းရင်းဖုံးစကားပြောတာ၊ စသဖြင့်)

ဆိုခဲ့တဲ့အတိုင်း ယာဉ်တိုက်မှုတို့ဟာ မတော်တဆမှုလို့ဆိုတဲ့အချက်ကြောင့်၊ တဖက်ဖက်သောယာဉ်မောင်းသူ ဘက်က၊ ပေါ့ဆမှုကြောင့်ဖြစ်တတ်ကြတာမို့၊ ယာဉ်စည်းကမ်းလိုက်နာရေးဟာမိမိကိုယ်ကိုယာဉ်မောင်းစဉ်မှာ အကာအကွယ်ပေးနိုင်မှုရဲ့အသက်သွေးကြောတခုပါဘဲ။ အမေရိကပြည်ထောင်စုတ၀ှမ်းမှာ၊ ယာဉ်စည်းကမ်း ဆိုင်ရာလမ်းညွှန်အမှတ်အသားများဟာ၊ တမင်သက်သက်ချဲ့ထွင်ထားခြင်းတွေမရှိပါဘူး။ လမ်းအသုံးပြုကြသူ တိုင်းမဖြစ်မနေလိုက်နာကြဘို့အရေးကြီးပါတယ်။

မိမိတို့နေထိုင်ရာနေအိမ်များသို့ဘေးကင်းရန်ရှင်းစွာပြန်ရောက်လာမှာကိုမျှော်လင့်ကြတဲ့၊ စာဖတ်ပရိဿတ်တို့ရဲ့ မိသားစုတွေရဲ့တောင့်တချက်တွေကို အမြဲသတိရကြပါလို့။                    ။