Friday, July 28, 2017

ပြည်သူ၏၀န်ကိုထမ်းခြင်း

အမေရိကလိုဖွံ့ဖြိုးတိုးတက်ပြီးနိုင်ငံကြီးတွေမှာ ပြည်သူ့ဝန်ထမ်းများတိုးချဲ့ခန့်ထားခြင်း၊ ရာထူးအပြောင်းအရွှေ့ တွေ ဒေါ်နယ်ထရမ့်အစိုးရက အကန့်အသတ်များ အခိုင်အမာချမှတ်ပြဌာန်းမှုများကို မကြုံစဖူးအကြီးအကျယ် ဆောင်ရွက် နေချိန်ဖြစ်ပါတယ်။ ၀န်ထမ်းများနဲ့အုပ်ချုပ်ရေးအဆောက်အအုံဟာအများပြည်သူလူထုအပေါ် ၀န်ထုပ်ဝန်ပိုးဖြစ်နေတယ်ဆိုတဲ့အချက်ကို နှစ်ပရိစ္ဆေဒကြာမြင့်စွာမနှစ်မြို့ခဲ့တဲ့၊ ဒေါ်နယ်ထရမ့် အုပ်စုဟာ၊ ၎င်း တို့အစိုးရတက်ပြီးပြီးခြင်း၊ အစိုးရ၀န်ထမ်းများကိုကြီးစွာသော အဟန့်အတားကန့်သတ်မှုများဇောက်ချလုပ်လာ ပါတယ်။ တကယ်တော့ အစိုးရအုပ်ချုပ်ရေး ယန္တရားတွေဟာ “အများပြည်သူလူထုအပေါ် ၀န်ထုပ်ဝန်ပိုးဖြစ်နေ တယ်ဆိုတဲ့အချက်”ဟာ အမေရိက အပါအ၀င်တိုးတက်ဖွံ့ဖြိုးတဲ့နိုင်ငံကြီးတွေမှာ ဆန်းသစ်တဲ့အယူအဆသစ်မ ဟုတ်ပါဘူး။ နိုင်ငံရေးခေတ်အဆက်ဆက်မှာတက်လာသမျှ အစိုးရတွေကကတိက၀တ်တွေထပ်တလဲလဲလုပ် ပြီး၊ မကြေခဲ့တဲ့တာဝန်တွေဖြစ်နေပါ တယ်။ ကြီးမားတဲ့ဘဏ္ဍာရေးဖြတ်တောက်မှုတွေလုပ်တိုင်း လူထုကိုတိုက် ရိုက်ဝန်ဆောင်မှုပေးနေရတဲ့ အစိုးရ ဌာနကြီးများ (ဥပမာ- IRS, Immigration, Department of Motor Vehicle) စတဲ့ဌာန တွေရဲ့ ၀န်နဲ့အားမမျှတဲ့ ၀န်ဆောင်မှုအားနည်းချက်တွေကြောင့်၊ ၀န်ထမ်းများကို ဖြတ် တောက်ခြင်းကိစ္စ ဟာ နောက်တန်းကို ရောက်မှန်းမသိရောက်သွားကြပုံရပါတယ်။
ဒါပေမဲ့အမေရိကနိုင်ငံအပါအ၀င် တိုးတက်တဲ့ဒီကနေ့နိုင်ငံကြီးတွေမှာ အရေးပါလှသောဝန်ထမ်းအကြီးအကဲ (ဥပမာ - IRS, FBI) နဲ့ အစိုးရအကြီးအကဲများ (၀န်ကြီးများ)ခန့်အပ်ခြင်းကိုသမ္မတကတိုက်ရိုက်ပြုလုပ် သော် လည်း၊ အောက်ခြေအဆင့်ဆင့်သော ၀န်ထမ်းအကြီးအကဲများကို၊ လက်အောက်ခံအကြီးအကဲအ ဆင့်ဆင့် တို့ကသာတာဝန်ခံကြပါတယ်။ ရာထူးတိုးခြင်း၊ အရေးယူခြင်း၊ လစာနဲ့ခံစားခွင့်များကိုလည်း ၀င်ရောက် စွက်ဖက် ခွင့်မရှိပါဘူး။ အဲ့ဒီအလုပ်ကို Human Resource/ Human Capital (HR/HC) (လူ့စွမ်းအားအရင်း အမြစ်) ဌာန တွေကကိုင်တွယ်ကြပါတယ်။ ဌာနတခုရဲ့စာရေး(သို့မဟုတ်) အရာရှိဝန်ထမ်းခန့်မယ်ဆိုရင်၊ တစ်ဆင့်မြင့်ဌာန အကြီးအကဲကတစ်ဦးချင်းသော်၎င်း၊ အဖွဲ့လိုက်သော်၎င်း (ရာထူးရဲ့အရေးပါမှုအပေါ်မူတည်ပြီး) လူတွေ့မေးမြန်း ခြင်း (interview) လုပ်ပါတယ်။ လျှောက်ထားသူရဲ့ Resume/Curriculum Vitae ကိုနောကြေ အောင်လေ့လာ ကြရပါတယ်။ သက်ဆိုင်ရာ HR/HCရဲ့ပဏာမစိစစ်မှုမရှိဘဲ၊ အဲ့ဒီလူတွေ့မေးမြန်းခြင်းအဆင့်ရောက်မလာ နိုင်ပါ ဘူး။ အဲ့ဒီအရာရှိရဲ့ဆုံးဖြတ်ချက်ကို၊ အခြားဘယ်အစိုးရ/ ၀န်ကြီးဝန်ကလေးမင်းတို့ဝင်ရောက်စွက်ဖက်လို့ မရပါ ဘူး။ စွက်ဖက်ခြင်းလဲမရှိပါဘူး။ ထူးခြားတဲ့အခြေအနေ ကြောင့်၊ အထက်အရာရှိ (သို့မဟုတ်) အခြားလုပ် ပိုင်ခွင့် ရှိသူတစ်ဦးဦးက ၀င်ရောက်စွက်ဖက်ရင်လည်း ကြိုးကြောင်းဆီလျော်တဲ့ ခိုင်မာတဲ့အကြောင်းပြချက် တွေမှတ် တမ်းမှတ်ရာပြုရပါတယ်။ အမေရိကနိုင်ငံမှာ မှတ်တမ်းဝင်အစိုးရဆောင်ရွက်အားလုံးတို့ဟာ ကျမ်းကျိမ် ထွက် ဆိုဘိသကဲ့သို့ (under oath) ဖြစ်တဲ့အတွက် ကြောင့်၊ ဆောင်ရွက်မှုမှန်သမျှတို့ဟာ အမှာအယွင်းရှိခဲ့ရင်၊ (ကိုယ့်နောက်ကအရိပ်တခုလိုလိုက် နေတာကြောင့်) ဘယ်သူမှ အမှားမလုပ်နိုင်ကြပါဘူး။ အဲ့ဒီအတွက် ကြောင့်
အမေရိကနဲ့တိုးတက်တဲ့နိုင်ငံကြီး များရဲ့ ပြည်သူ့ရေးရာဝန်ထမ်းကိစ္စရပ်ကြီးဟာ အတိမ်းအစောင်း နည်းနိုင်သမျှ နည်းတဲ့ လူရိုသေရှင်ရိုသေဘ၀မှာ ရှိနေဆဲပါ။ Public service ဆိုတဲ့ဂုဏ်ဒြပ်ဟာအင်မတန်ကြီးမား ပါတယ်။
ကျွန်တော်တို့မြန်မာနိုင်ငံမှာတော့ နိုင်ငံတကာကပြည်သူ့ဝန်ထမ်းတွေရွေးချယ်ခြင်း၊ ခန့်အပ်ခြင်း၊ အရေးယူခြင်း၊ တို့နဲ့ဖြောင့်ဖြောင့်ကြီးဆန့်ကျင်တဲ့၊ ဗဟိုဦးစီးစနစ်နဲ့ တိုက်ရိုက်ခန့်တဲ့စနစ်ဆက်လက်ကျင့်သုံးသက်ဇိုးရှည်နေဆဲ ဖြစ်နေတာကိုတွေ့ရပါတယ်။ ပြန်တမ်းဝင်အရာရှိ (Gazetted Officer) ရာထူးများကို ရာထူးဝန်အဖွဲ့ကကိုင်တွယ် ရွေးချယ်ပြီး၊ Non-gazetted ရာထူးများကိုသက်ဆိုင်ရာဝန်ကြီးဌာနကတိုက်ရိုက်ကိုယ်တွယ်ဆောင်ရွက်တဲ့ယျေ ဘူယျဝန်ထမ်းဝင်ပေါက် (in-put) ကရှေးရိုးဗြိတိသျှစနစ်ကိုလိုက်နာဆဲပါ။ ယခုဆောင်းပါးရေးနေဆဲအချိန်မှာ တိုက်တိုက်ဆိုင်ဒေါ်အောင်ဆန်းစုကြည်မှ “မြန်မာနိုင်ငံ နိုင်ငံ့ဝန်ထမ်းပြုပြင်ပြောင်းလဲမှုဆိုင်ရာမဟာဗျူဟာ စီမံချက်ထုတ်ပြန်ပွဲ”ဆိုင်ရာဖွင့်ပွဲအခန်းအနား မှာ မိန်ခွန်းပြောသွားတာကို (၂၀၁၇ ဇူလိုင် ၁၂ ရက်) ထုတ် သတင်းစာတွေမှာ ပလူပျံအောင်တွေ့ရပါတယ်။ တရိပ်ရိပ်ကျဆင်းနေတဲ့ ပြည်သူ့ဝန်ထမ်းများရဲ့စွမ်းရည်များ၊ ထိန်းမနိုင်အောင်ပျက်စီးယို့ယွင်းနေတဲ့ စာရိတ္တပိုင်း ဆိုင်ရာတို့ကြောင့် အများလူထုက ပြည်သူ့ဝန်ထမ်းများ အပေါ်ယုံကြည်ကိုးစားမှုမှုဟာ ခုချိန်မှာ အ၀ီဇိအောက်ရောက် နေပါတယ်။ အဂတိလိုက်စားမှုတိုက်ဖျာက်ရေးကို၊ ယခင်အစိုးရလက်ထက်(၂၀၁၃) စက်တင်ဘာမှာအာဏာ တည်ခဲ့တဲ့လာဘ်ပေးလာဘ်ယူမှုဥပဒေကနေ၊ (၂၀၁၄) ဇူလိုင်လမှာ “အဂတိလိုက်စားမှုတိုက်ဖျက်ရေးဥပဒေ” ဟာ စာရွက်ပေါ်မှာဘဲအသက်ရှင်လျက် ရှိပါ တယ်။ (၂၀၁၆)နှစ်ဦးပိုင်းမှာအာဏာရလာတဲ့ သမ္မတဦးထင်ကျော် လက်ထက်မှာ ဒီအကျင့်ပျက်ချစားမှုတွေကို လုံးဝ (လုံးဝ) သည်းခံမှာမဟုတ်ကြောင်းရွေးကောက်ပွဲကတိက ၀တ်အတိုင်း သံမဏိစည်းမျဉ်းထုတ်ပြန်ခဲ့ပါ တယ်။ အဲ့ဒီနေ၀င်မီးငြိမ်းအမိန့်ကြောင့် အစိုးရအရာရှိကြီးများ လာဘ် ယူမှုတွေတန့်သွားပြီး၊ နောက်ဆက်တွဲ အနေနဲ့ အစိုးရယန္တရားကြီးရပ်သွားသလိုဖြစ်သွားပါတယ်။ တကယ်တော့ တည်ဆဲအစိုးရလက်ထက်မှာရှိကြတဲ့ အမြဲတမ်းအတွင်းဝန် အပါအ၀င်၊ ညွှန်ကြားရေးမှူးချုပ်၊ ဦးဆောင်ညွှန်ကြား ရေးမှူးနဲ့ ၀န်ထမ်းအဖွဲ့အစည်းအကြီး အကဲများဟာ၊ အားထုတ်ကြိုးပမ်းခြင်းအလျင်းမရှိဘဲ၊ နေ့စဉ်မစဲအသဲသဲအလိုအလျောက်ဝင်လာတဲ့ (မလိုချင် တော့လောက်အောင်အတောမသတ်ရနေတဲ့) လာဘ်ပါသက၀င်ငွေ များဟာ သြချရအောင်အင်မတန်ကြီးမားတာ၊ ငြင်းမရတဲ့လူသိရှင်ကြားသာဓကတွေပါ။ သက်သေတခုအနေနဲ့ ပြရရင် သူတို့ရဲ့သားသမီး အသိုင်းအ၀န်းကနေ့ စဉ်သူဌေးသုံးသုံးနိုင်တဲ့နေထိုင်မှုဘ၀၊ ပြည်ပသို့အကန့်အသတ် မရှိကြေးကြီးပေးလယ်ပါတ်သွားလာနိုင်မှု၊ တန်းဘိုးအမြင့်မားဆုံးသော တက္ကသိုလ်အဆင့်မြင့်ပညာများတွင်ပညာသင် ကြားနိုင်မှုတွေက ထင်ရှားလှတဲ့ သာဓကတွေပါ။ လက်ရှိအမြဲတမ်းအတွင်းဝန်/တာဝန်ခံညွှန်ကြားရေးမှူးချုပ် တစ်ဦးရဲ့လစာဟာ (၅)သိန်း (US$ ၅၀၀) ပါဘဲ။ အဲ့ဒီအမြဲတမ်းအတွင်းဝန်/တာဝန်ခံညွှန်ကြားရေးမှူးချုပ်တစ်ဦး ဟာ သူ့သားသမီးတစ်ဦးဦးကို အမေရိကလိုနိုင်ငံကြီးရဲ့(ဈေးအသက်သာဆုံး)တက္ကသိုလ်ကြီးတခုမှာ တစ်လကို ပျမ်းမျှ (US$၂၅၀၀) ပေးပြီး၊ ဘယ်လိုကျောင်းထားနိုင်ကြပါသလဲ? လက်ရှိအမြဲတမ်းအတွင်းဝန်/ တာဝန်ခံ ညွှန်ကြားရေးမှူးချုပ်တိုင်းဟာ ခုချိန်မှာ အဲ့ဒီအသုံးစရိတ်ကို မျက်စေ့မှိတ်သုံးနိုင်ကြပါတယ်။ နောက်ဆက်တွဲ အနေနဲ့မြန်မာ့စီးပွားရေးဟာ ရပ်တန့်ကျဆင်းသွားပါတယ်။ အာဏာရ NLD ပါတီအကြီးအကဲရဲ့လူသိရှင်ကြား ထုတ်ဖေါ်ပြောဆိုချက်အရ၊
ယခင်အစိုးရကခန့်ထားခဲ့တဲ့ ဌာနအကြီးအကဲတွေရဟာ ယခင်အစိုးရစစ်ဗိုလ်ချုပ်များအ ပေါ်သစ္စာဆက်လက်ရှိ နေသေးမှု၊ မိမိတို့တရားမ၀င်ရရှိနေသေးတဲ့ လာဘ်ပါသကလက်ရှိအစိုးရရဲ့အမိန့်ကြောင့်ဝင်ငွေလျော့နည်းသွား မှုတွေ ကြောင့်၊ “မလုပ်၊ မရှုပ်၊ မပြုတ်” လုပ်ရပ်တွေကြောင့်ဆိုပြီးဖေါ်ပြခဲ့တာကိုကြည့်ပါ။ တကယ်တော့ မြန်မာ့ စီးပွား ရေးဟာ ဆိုခဲ့သလို“အထနှေးတဲ့အဆင့်” သာမက၊ “ဖင်ထိုင်ကျ”တဲ့အဆင့်ရောက်နေပါပြီ။ ဒီအချက်ကိုဒေါ် အောင်ဆန်းစုကြည်ကမီးမောင်းထိုးပြခဲ့ပြီး၊ အစိုးရနဲ့ပါတီက ပြင်းပြင်းထန်ထန်အရေးယူတော့မှာဖြစ်ကြောင်း ပွင့်ပွင့်လင်းလင်းကြေငြာခဲ့ပါတယ်။ အမေရိကရဲ့ နိုင်ငံတကာအပေါ်ထောက်ပံ့ကူညီရေးဟာ အလှမ်းဝေးယုံမက၊ အခုအချိန်မှာ ရှိဆဲမဖြစ်စလောက်အထောက်အပံ့ (USAID လိုထောက်ပံ့မှုတွေ)မဖြတ်တောက်မလျှော့ချဘူး လို့အာမမခံနိုင်တော့ပါဘူး။ အမေရိကရဲ့အထောက်အပံ့ကိုစောင့်နေကြတဲ့ကျန်ဥရောပနဲ့ ဖွံဖြိုးပြီးနိုင်ငံများရဲ့ အထောက်အပံ့များဟာလည်း အများကြီးဆုတ်ဆိုင်းသွားစရာရှိပါတယ်၊ (အကျိုးအမြတ်မြက်မြက်ကလေးတွေ ကြိမ်းသေပေါက်ရနိုင်တယ်ဆိုတဲ့စီးပွားရေးအကွက်အကွင်းရှိနိုင်ပါမှ။) တဖက်ကလည်း အလှမ်းဝေးနေသေးတဲ့ ပြည်တွင်းတိုင်းရင်းသားလက်နက်ကိုင်များရဲ့ရာသက်ပန်အပြစ်အခတ်ရပ်စဲရေး၊ လူမျိုးရေးနဲ့ဘာသာရေးမတည် ငြိမ်မှုတွေက အစိုးရကိုမကြုံစဖူးအကြီးအကျယ်စိမ်ခေါ်နေပါတယ်။ စီးပွားရေးလုပ်ငန်းကြီးများကလည်း စီးပွား ရေးကို ဦးစားပေးဘို့ လက်ရှိအစိုးရက အကြီးအကျယ်ပျက်ကွက်နေတယ်လို့ ပြစ်တင်နေချိန်ဖြစ်ပါတယ်။ အစိုးရရဲ့လုပ်နည်းလုပ်ဟန်တွေဟာနေ့စဉ်သတင်းစာမှာ၊ အရင်အဆက်ဆက်သော အစိုးရရဲ့ လုပ်နည်းလုပ်ဟန် အတိုင်းအပြောင်းအလဲလုံးဝမရှိဆက်လက်ကျင့်သုံးကြရင်း “ပွဲတက်အစိုးရ” (celebrity administration) အဖြစ် နဲ့အထင်းသားမြင်နေရတုံးပါဘဲ။ ဒါတွေဟာငြင်းမရတဲ့ လက်တွေ့ဖြစ်နေတာတွေပါ။ ဒီနှစ်ပရိစ္ဆေဒကြာပျက် စီးယို့ယွင်းမကပျက်စီးနေတဲ့ ၀န်ထမ်းလောကရဲ့ စာရိတ္တနဲ့ စွမ်းဆောင်ရည်ဟာ လူထုရဲ့ ကိုးစားမှု အနိမ့်ဆုံးဘ၀ ရောက်နေတဲ့အဖြစ်ကို ပြည်ထောင်စုရာထူးဝန်အဖွဲ့ website မှာဖေါ်ပြထားတာကို မူရင်းအတိုင်းကောက်နှုတ် ဖေါ်ပြလိုက်ပါတယ်။
“ နိုင်ငံ့ဝန်ထမ်းများနှင့်မြန်မာပြည်သူများအကြား လက်ရှိဆက်ဆံရေးတွင်မကြာခဏဆိုသလို၊ ပွင့်လင်းမြင်သာ မှုမရှိမှု၊ အဂတိလိုက်စားမှု၊ တိုင်ကြားမှု၊ တိုင်ကြားမှုနှင့်နစ်နာမှုတို့အတွက် တုန့်ပြန်ဆောင်ရွက်ပေးနိုင်ခြင်းမရှိမှု တို့ကိုတွေရပါသည်။ အစိုးရဌာနများ၏လုပ်ငန်းစဉ်များနှင့် လုပ်ထုံးလပ်နည်းများသည် ရှုပ်ထွေးပြီးရှင်းလင်း ပြတ်သားမှု မရှိဟု အများပြည်သူကရှုမြင်လေ့ရှိပါသည်။ နိုင်ငံ့ဝန်ထမ်းများအပေါ်ယုံကြည်ကိုးစားမှုမရှိဘဲ အခြေခံဝန်ဆောင်မှုရရှိရန်အတွက် လာဘ်ပေးရမှုများသည် ဖြစ်ရိုးစဉ်ဖြစ်တစ်ခုကဲ့သို့ဖြစ်နေပါသည်။ ပြည်သူ များမှ တိုင်ကြားမှုများ မည်သို့ပြုရမည်ကိုသေချာစွာမသိဘဲ၊ အကယ်၍တိုင်ကြားမှုများပြုလုပ်လျင်လည်း အရေးယူဆောင်ရွက်မှုများရှိပါမည်လားဟူသော သံသယများရှိနေကြပါသည်။”
“UNDP မှ ၂၀၁၅ခုနှစ်ဆောင်ရွက်ခဲ့သော ဒေသန္တရအုပ်ချုပ်ရေးလုပ်ငန်းစဉ်အခြေအနေလေ့လာမှုတွင် ဖြေဆို သူ(၅၉%)က ၎င်းတို့သည် (အစိုးရမှအခမဲ့ပေးသင့်သော) ဆေးဝါးများကိုရရှိရန်အတွက် အစဉ်အမြဲငွေပေးရ သည်။”
“ပြစ်ဒဏ်ပေးမှုများရှိလျင်လည်း အဂတိလိုက်စားမှုနှင့်ညီမျှသော ပြစ်ဒဏ်များခံရပါသလားဟုသဘောထား အမြင်စစ်တမ်းမေးမြန်းသောအခါတွင်လည်း အများစုက ‘တခါတရံ’ (၄၄%) နှင့် ‘ရှားပါးသည်’ (၁၈%) ဟုဖြေကြပါသည်။”
လက်ရှိအစိုးရကယမန်နှစ်သြဂုတ်လကတည်းကအစပျိုးခဲ့တဲ့ ကျယ်ပြန့်တဲ့အဆင့်ဆင့်ဆွေးနွေးပွဲများ၊ နယူးဇီလန်လိုပြည်ပ နိုင်ငံတွေမှာရာထူးဝန်အဖွဲ့နဲ့တတ်ကျွမ်းမှုဆိုင်ရာပုဂ္ဂိုလ်များရဲ့ လေ့လာရေးထွက်လေ့လာ ခဲ့မှုတွေအပေါ် ကနေ ပေါ်ပေါက်လာတဲ့ ဒီမဟာဗျူဟာပြုပြင်ပြောင်းလဲရေး နယ်ပယ်ကြီး (၄) ခုကိုသတ်မှတ် ခဲ့ပါတယ်။
(က) နိုင်ငံ့ဝန်ထမ်းအုပ်ချုပ်မှုပုံစံသစ် - ၀န်ထမ်းများအားဖယ်ဒရယ်ဒီမိုကရေစီပြည်ထောင်စုကိုထူထောင် လိုသောသဘောထားကိုထင်ဟပ်တဲ့ဦးတည်ချက်များရှိစေရေး နဲ့ ရာထူးဝန်အဖွဲ့လုပ်ငန်း/လုပ်ငန်းလုပ်ပိုင် ခွင့်များခိုင်မာရှင်းလင်းစေရေး။
(ခ) အရည်အချင်းကိုအခြေခံ၍စွမ်းဆောင်ရည်ကိုဦးစားပေးသောအလေ့အထဖေါ်ထုတ်ရေး။
(ဂ) ပြည်သူဗဟိုပြုနိုင်ငံ့ဝန်ထမ်းများဖြစ်လာစေရန်ခေါင်းဆောင်နိုင်မှုနှင့်စွမ်းရည်များမြှင့်တင်ရေး။
(ဃ) နိုင်ငံ့ဝန်ထမ်းကဏ္ဍပွင့်လင်းမှု၊ တာဝန်ခံမှုနှင့်တာဝန်ယူမှုဖြစ်စေရေး။
ဖေါ်ပြပါမဟာဗျူဟာစာတမ်းကိုလေ့လာကြည့်ရာမှာ ကျွမ်းကျင်မှုဆိုင်ရာဝေါဟာရများနှင့်သာပြည့်နှက်နေပြီး၊ အများပြည်သူကို တိုက်ရိုက်အသိပေးသော ထင်သာမြင်သာသည့် အပြောင်းအလဲများကိုဖေါ်ပြထားခြင်းမရှိ ပါဘူး။ ဆွေးနွေးစီစဉ်ကြသူ stakeholders များအနေဖြင့် ပြောင်းလဲလိုသောအချက်များရှိနိုင်မှာမှန်သော်လည်း၊ စာတမ်းတွင်တိတိကျကျဖေါ်ပြထားခြင်းမရှိသေးပါဘူး။ သို့သော်လည်းအချိန်တိုကာလအတွင်း ဤအပြောင်း အလဲ ကြီးခုဖြစ်လာနိုင်ရေးဟာ တကယ်တော့မလွယ်ကူသေးသလို အားလုံးကသည်းခံကြရမှာဖြစ်သလို၊ လူထုရော အစိုးရကပါ ဥစ္စာရင်လိုဥစ္စာရင်ခဲဆောင်ရွက်ကြဘို့လိုပါတယ်။
အဓိကမီးမောင်းထိုးပြလိုတဲ့အချက်ကတော့ -
(က) လက်ရှိကျင့်သုံးနေတဲ့ ညွှန်ကြားရေးမှူးချုပ်တွေက တစ်နိုင်ငံလုံးမှာရှိတဲ့ ပြန်တမ်းဝင်အရာရှိကဲ့သို့သော ရာထူးများ ရဲ့ခန့်ထားရေး၊ အရေးယူရေးပြောင်းရွှေ့ရေးတွေလုပ်နေတာတွေကို၊ ဖျက်သိမ်းဘို့လိုပါလိမ့်မယ်။
(ခ) ရာထူးဆိုင်ရာကိစ္စများကိုကိုင်တွယ်ကျင့်သုံးခြင်းနည်းနဲ့ မိမိကိုယ်ကိုတန်ခိုးထွားစေမဲ့ လုပ်နည်းလုပ်ဟန် တွေ ဖယ်ရှားရပါမယ်။ ရာထူးဆိုင်ရာကိစ္စများကိုင်တွယ်ခွင့်ကိုအသေဆုပ်ကိုင်ဖင်ခုထိုင်တဲ့စနစ်ကြီးကိုဖျက်သိမ်းရပါ မယ်။
(ဂ) HR/HC ကဲ့သို့သောသီးသန့်ဌာနများသတ်မှတ်ပြီး၊ ရာထူးကြီးငယ်ဝင် ပေါက်များအဖြစ်သတ်မှတ်ရပါမယ်။ (ဃ) ရာထူးဝန်အဖွဲ့ကပြန်တမ်းဝင်အရာရှိရာထူးများကိစ္စကိုင်တွယ်ခြင်းဟာ လက်တွေ့မကျတော့သလို၊ ခေတ် နဲ့မညီတော့သလို ဖျက်သိမ်းသင့်တဲ့ကိစ္စပါ။ ရာထူးဝန်အဖွဲ့ဟာမိမိကိုယ်ကိုမိမိ HR/HC အဖြစ်သတ်မှတ်၍၊ အစိုးရဌာနများ၏ရာထူးခန့်ထားခြင်းကိစ္စများတွင်ဝင်ရောက်လွှမ်းမိုးစွက်ဖက်ခြင်းထက်စောင့်ကြည့်ဆန်းစစ်နေ သောအဖွဲ့အနေဖြင့်သာရှိနေသင့်ပါတယ်။ တနေ့တချိန်မှာ အစိုးရ၀န်ထမ်းအားလုံးတို့ရဲ့ ၀င်ပေါက်ရာထူးထိန်း ညှိခြင်း၊ ပေါင်းစပ်ညှိနှိုင်းခြင်း၊ လစာ (pay) နှင့်ခံစားခွင့်များ(benefits)များကိုစုစည်းဖြန့်စေခြင်း၊ စသည်တို့ကို သာဆောင်ရွက်တဲ့ Office of the Personal Management အဆင့်အဖြစ်ဦးတည်သွားနိုင်ရပါမယ်။ ၀န်ထမ်း ရေးရာဥပဒေကိုတွန်းအားပေးစောင့်ကြပ်တဲ့ဌာနကြီးတခုပါ။ ရာထူးခန့်ထားရေးအဖွဲ့အနေနဲ့မရှိသင့်တော့ပါ။
(င) မိမိအားခန့်ထားသူ (ရာထူးခန့်အပ် သူတဆင့်မြင့် အရာရှိ) ဟာမိမိလုပ်ရည်ကိုင်ရည်ကိုလုပ်ထုံးလုပ်နည်းများ နဲ့အမြဲလေ့လာမှတ်တမ်းတင် ဘို့လို အပ် သလို၊ အဲ့ဒီဝန်ထမ်းရဲ့ရာထူးတိုးရေး၊ အရေးယူရေးကိစ္စအ၀၀ ကိုကိုယ် တိုင်ခေါင်းခံဘို့လိုပါတယ်။ အဲ့ဒီဝန်ထမ်း မကောင်းရင်အဲ့ဒီအရာရှိမှာလည်းတာဝန်ရှိတယ်ဆိုတဲ့ လုပ်နည်း လုပ်ဟန်ပါ။
အစိုးရရဲ့လက်ရှိရာထူးဆိုင်ရာကိုင်တွယ်ကျင့်သုံးပုံကိုကြည့်ရင်၊ မိမိရာထူးနဲ့ဆိုင်တဲ့လုပ်ဆောင်ဘွယ်ရာကိစ္စများ ထက်၊ ၀န်ထမ်းများဆိုင်ရာကိစ္စများကိုင်တွယ်နေကြရတာကို ခုံမင်နေကြတာအသေအချာပါဘဲ။ ဒီအခွင့်အထူး ကြီးကိုလက်လွှတ်မခံနိုင်ကြသလို၊ မရရှိကြတဲ့သူတွေကလည်း အလုအယက်လိုချင်ကြပါတယ်။ နေ့တဓူဝကိစ္စ တွေကိုကြည့်ရင်အထက်အရာရှိတွေရဲ့အမိန့် ညွှန်ကြားချက်များကိုသာ အလေးစိုက်ကြခြင်းနဲ့ကျန်အချိန်တွေမှာ ၀န်ထမ်းရေးရာကိစ္စတွေကိုဖင်ခုထိုင်ပြီး၊ မိမိတန်ခိုးအာဏာခိုင်မြဲတို့းပွားရေးကိုသာ အလေးထားကြပါတယ်။ လုပ်ငန်းဆောင်ရွက်မှုတွေကိုတော့ လူသိရှင်ကြားနဲ့အများကချီးကျူးနိုင်ချေရှိမယ်ဆိုမှသာဆောင်ရွက်ပါတယ်။ လူထုအတွက်ရေရှည်တိုက်ရိုက် အကျိုးပြုမဲ့ ကိစ္စမျိုးကိုအမုန်းခံပြီး(အမုန်းခံပြီး) ယောင်လို့တောင်လုပ်မဲ့ပုံ မပေါ်ပါဘူး။ ဒီလိုရေးသားတဲ့အတွက်စာရေးသူကို “ဝေဖန် ရေးသမားသက်သက်၊ ကိုယ်သိပ်သိနေရင် လာလုပ် ပါလား” လို့ဆတ်ဆတ်ထိမခံပြန်ရန်တွေ့လိုကြမယ့် အနာပေါ်ဒုတ်ကျသမားတွေရဲ့ဖြစ်နိုင်ချေဆိုစကားတွေကို လည်းမြင်ယောင်မိပါတယ်။ အဆိုးဆုံးကတော့ မိမိအားပေး အပ်ထားတဲ့ရာထူး/လုပ်ပိုင်ခွင့်ကိုကိုယ်ပိုင်ပစ္စည်း သဖွယ် အသုံးချနေကြခြင်းပါဘဲ။ public service ရာထူး ဆိုတာ ကိုယ်ပိုင်ပစ္စည်းမဟုတ်ပါ။ လူထုကပံ့ပိုးတဲ့ အခွန်အခကိုစားပြီး၊ ပြည်သူ့ကိုယ်စားအလုပ်အကျွေးပြုကြခြင်းပါဘဲ။ ရာထူးလေးရှိတုံးကိုယ့်လုပ်ပိုင်ခွင့်ထဲက၊ စွမ်းစွမ်းတမံလုပ်ဖူးကြသူတွေတွေ့ဖူးပေမဲ့၊ အလွန် နည်းတာ အထင်အရှားပါ။ အနစ်နာခံတယ်ဆိုတာ ခုခေတ် မှာလူရီစရာကြီးဖြစ်နေပါတယ်။ လူထုရဲ့မျက်စေ့ထဲမှာ ကိုယ့်ရာထူးအာဏာကိုသုံးစွဲပြီးကိုယ့်အသိုင်းအ၀န်း မိသားစုကောင်းစားရေးကိုသာဦးတည်ခြင်းဟာ၊ လူထုကကျွေးတဲ့ထမင်းနဲ့လူထုကိုနိုင့်ထက်စီးနင်းလုပ်တယ် လို့ဘဲမြင်ကြမှာပါလို့။ ။

Wednesday, June 28, 2017

တော်လှန်ရေးကောင်စီခေတ် (၃၃)ဦးအဖွဲ့မှသည် ယနေ့ခေတ် ကိုယ်တိုင်ပြဌာန်းခွင့် တန်းတူရည်တူရေးဆီသို့



ယခုလက်ရှိလျှောက်လှမ်းနေတဲ့ ဒုတိယပင်လုံဟာ ခေတ်ရဲ့တောင်းဆိုချက်တခုထက် ပိုမိုအရေးပါတဲ့ မြန်မာ တိုင်းရင်းသားပေါင်စုံတို့ရဲ့ အန္တိမမျှော်မှန်းချက် အိပ်မက်ကြီးတခုပါ။ ပြီးခဲ့တဲ့လကထုတ်ဝေတဲ့သတင်းစာတွေမှာ ဖတ်လိုက်ရတဲ့သတင်းဟာ မြန်မာ့သမိုင်းစာမျက်နှာသစ်ကိုဖွင့်လှစ်လိုက်တဲ့နိုင်ငံရေး ပြောင်းလဲမှုတခုဆိုရင် မမှားပါဘူး။ ဘာ့ကြောင့်လဲဆိုတော့ ဒေါ်အောင်ဆန်းစုကြည်ကိုယ်တိုင်ဦးဆောင်တဲ့ငြိမ်းချမ်းရေးဦးဆောင် အစည်းအဝေးကြီးက မြန်မာ့သမိုင်းမှာ တကြိမ်တခါမျှမရရှိခဲ့ဘူးတဲ့ (အလွန်အရေးပါတဲ့) တိုင်းရင်းသားခေါင်း ဆောင်စုံပွင့်ပွင့်လင်းလင်းချပြဆွေးနွေးကြဘို့သဘောတူညီချက်တခုကိုရရှိလိုက်ခြင်းဘဲဖြစ်ပါတယ်။
အဲ့ဒါကတော့ - "ကိုယ်ပိုင်ပြဌာန်းခွင့်တန်းတူရေး နဲ့ ဖက်ဒရယ်မူ"ပါဘဲ။ ဒီဆွေးနွေးမှုခေါင်းစဉ်ဟာ အရင်က လူသိရှင်ကြား ထုတ်ဖေါ်မပြောရဲလောက်အောင် ကန့်သတ်ချက်များစွာတို့ကြားကနေလူးလွန့်ပေါ်ထွက်လာတဲ့၊ တိုင်းရင်းသားကြီးငယ်မဟူတို့ရဲ့ ရင်ထဲကဆန္ဒကြီးတခုပါ။
တကယ်တော့ အဲ့ဒီဆွေးနွေးရေးသဘောတူညီမှုမူဘောင် (framework) ဟာမြန်မာ့တိုင်းရင်းသားနဲ့လက်နက် ကိုင်အဖွဲ့အစည်းတိုင်းအတွက် ထူးခြားပြီးလေးနက်မှုရှိသလို သမိုင်းရဲ့လမ်းမဆုံကြီးတခုကိုရောက်ပြီဆိုတဲ့ နမိတ်လက္ခဏာကြီးတခုဖြစ်သွားပါတယ်။
ဒီသဘောတူညီချက်ဟာ ဒေါ်အောင်ဆန်းစုကြည် အနောက်နဲ့ဥရောပခရီးစဉ်ကပြန်ရောက်ပြီးချင်း၊ ရရှိခဲ့တဲ့ ပြည်နယ်ပြည်မ သဘောတူညီမှုတခုဖြစ်တာကြောင့်၊ သူမရဲ့ဖခင် ဗိုလ်ချုပ်အောင်ဆန်း ဘိလပ်ကအပြန် ပင်လုံစာချုပ်ကို အလျင်အမြန်ချုပ်ဆိုနိုင်ခဲ့တဲ့ သမိုင်းဝင်အဖြစ်အပျက်နဲ့အလား တူနေပါတယ်။
ပင်လုံမှသည် သက်သေတည်
အမျိုးသားခေါင်းဆောင်ကြီးဗိုလ်ချုပ်အောင်ဆန်းရဲ့(၁၉၄၇)ခုနှစ်ပင်လုံစာချုပ် သဘောတူညီချက်တခုဖြစ်တဲ့၊ ပြည်နယ်များခွဲထွက်ခွင့်ကို လူမျိုးစုငယ်တိုင်းရင်းသားများအားလုံးတို့က အခွင့်အရေးတရပ်အဖြစ် ဒီကနေ့မှာ ကိုင်စွဲနေကြဆဲအခြေအနေပါ။ လွတ်လပ်ရေးသည်သာပဓါနဆိုတဲ့အချက်ကိုမျက်ခြေမပြတ်ဖို့ တိုင်းရင်းသား တွေကိုစည်းရုံးစေ့ဆော်ခဲ့တဲ့ ဗိုလ်ချုပ်အောင်ဆန်းရဲ့ ကြိုးပမ်းမှုကို မြင်အောင်ကြည့်တတ်ကြဘို့လိုပါတယ်။ သူ့ကိုအကွက်ကျော်မြင်တတ်သူတစ်ဦးအဖြစ်၊ တိုင်းရင်းသားခေါင်းဆောင်အားလုံးလိုလိုကို နားချနိုင်ခဲ့တာက သာဓကကြီးတခုအဖြစ်ထင်ထင်ရှားရှားတွေ့ရနိုင်ပါတယ်။ အဲ့ဒီဖြစ်စဉ်ကို သမိုင်းရဲ့ပျော့ကွက်အဖြစ် တချို့သော သူတွေက လက်ညှိုးထိုချင်ကြပါတယ်။ နားလည်ထားကြဘို့က သမိုင်းရေစီးကြောင်းရဲ့ပြောင်းလဲမှုဖြစ်စဉ်၊ နိုင်ငံသားနဲ့အချုပ်အခြာအာဏာတို့ရဲ့တောင်းဆိုမှုတွေအရ နိုင်ငံရေးဖြစ်ပေါ်ပြောင်းလဲမှုတွေ ကို အမျှော်အမြင် ကြီးသူ နိုင်ငံခေါင်းဆောင်တွေက ဦးဆောင်လမ်းနဲ့ပုံဖေါ်ပေးကြရပါတယ်။ ဦးဆောင်သူတွေက လမ်းလွဲခဲ့ရင် ပြည်သူ တရပ်လုံးက ရာစုမဟုတ်တောင်ဆယ်စုတွေနဲ့ချီပြီး၊ ခံစားကြရပါတယ်။ တကယ်တော့ ယဉ်ကျေးမှု၊ ပထ၀ီသဘာဝနဲ့ အရင်းအမြစ်များရဲ့ဆက်စပ်နေမှုတွေက လက်ရှိ မြောက်မြားလှစွာသော လူမျိုးစုကြီးငယ် အားလုံးကို အခုအချိန်မှာ စုစည်းနေစေတဲ့ရှည်လျားတဲ့သမိုင်းကြောင်းကြီးကိုထွင်ခဲ့ပြီးပါပကောလား။ တိုင်းရင်းသားအားလုံးတို့ရဲ့ ဘ၀လိုအပ်ချက်က မျိုးကွဲတိုင်းရင်းသားဘာသာခြားတို့နဲ့အပြန်အလှန်မှီတင်းနေ ထိုင်ကြဘို့၊ လွတ်လပ်စွာကူးလူးဆက်ဆံကြဘို့ လိုအပ်တာနဲ့အညီ၊ မိမိဖာသာတသီးတသန့်နေထိုင်ကြဘို့ဆိုတဲ့ ခေတ်နောက်ပြန်သမိုင်းပြောင်းပြန်လှန်ဘို့ သိပ်ပြီးမလွယ်တော့တဲ့ခေတ်အခါကိုရောက်နေကြပါပြီ။
တော်လှန်ရေးကောင်စီခေတ် ပြည်တွင်းငြိမ်းချမ်းရေးကြိုးပမ်းချက်
(၁၉၆၂) တော်လှန်ရေးကောင်စီအာဏာရယူစဉ်က မြန်မာလွတ်လပ်ရေးသမိုင်းစာမျက်နှာတိုင်းမှာ အတူလက် တွဲခဲ့ကြတဲ့ ရဲဘော်ရဲဘက်များရဲ့ နိုင်ငံထူထောင်ရေးအကြံကောင်းညဏ်ကောင်းများ၊ သဘောထားများကိုတီး ခေါက်ကြည့်လိုတဲ့ ဗိုလ်ချုပ်ကြီးနေ၀င်းဟာ ဇန္န၀ါရီ ၁၉၆၃ မှာ နိုင်ငံရေးအကျဉ်းသားတော်တော်များများကို လွတ်ငြိမ်းချမ်းသာခွင့်ပေးပြီး၊ ထိုစဉ်ကအင်အားအကြီးဆုံးလက်နက်ကိုင်ဆန့်ကျင်သူ ဗမာပြည်ကွန်မြူနစ်ပါတီ ခေါင်းဆောင်တွေကိုသူ့ထံဖိတ်ကြားခဲ့ပါတယ်။ အဲ့ဒီဖိတ်ကြားချက်တွေမှာ သခင်စိုးဦးဆောင်တဲ့အဖွဲ့၊ ရှမ်းလွတ် မြောက်ရေး၊ ရခိုင်ကွန်မြူနစ်ပါတီ၊ ကချင်လွတ်လပ်ရေးကောင်စီ၊ ကေအင်ယူ၊ မွန်ပြည်သစ်၊ မဒညတအဖွဲ့ စသည်တို့ပါဝင်ခဲ့ပါတယ်။ အဲ့ဒီအချိန်က လွတ်လပ်ရေးရပြီး၊ အယူဝါဒကြောင့်တယောက်နဲ့တယောက်ကျောခိုင်း ကြပေမဲ့လည်း၊ တယောက်နဲ့တယောက်ပြန်ဆုံကြတဲ့အခါ၊ မျက်ရေမဆယ်နိုင်အောင်ဖက်လှဲတကင်း နှုတ်ဆက် ကြ၊ လက်ဆောင်တွေအပြန်အလှန်ဖလှယ်ကြနဲ့၊ တနိုင်ငံလုံးက မျှော်လင့်ချက်ကြီးစွာနဲ့ စစ်မှန်တဲ့ ငြိမ်းချမ်းရေး ကို တောင်တခဲ့ကြတာပါ။ (၁၉၆၃) နိုဝင်ဘာ မှာ သခင်နုအပါအ၀င်၊ ခေတ်အဆက်ဆက်ကအထင်ကရနိုင်ငံရေး ခေါင်းဆောင်ကြီး (၃၃) ဦးကိုလည်းဖိတ်ခေါ်ပြီး၊ ဆွေးနွေးပွဲတွေဆွေးနွေးလိုက်ပါတယ်။ ထင်သလိုနိုင်ငံအကျိုး ပြုတည်ဆောက်ရေး ကိစ္စတွေအရာမထင်ခဲ့ပါဘူး။ အရင်ကပုဂ္ဂိုလ်ရေးအာဃာတတွေ၊ ငယ်ကြိုးငယ်နာတွေ ပြောင်သလိုပျက်သလိုပြောရင်းက၊ ကတောက်ကဆတွေအတော်ဖြစ်ခဲ့တယ်လို့ လက်လှမ်းမှီသူတွေဆီက တဆင့်ကြားခဲ့ပါတယ်။ တည်မြဲ ဖဆပလ ဦးကျော်ငြိမ်းအဖွဲ့က ပြည်နယ်ခွဲထွက်ရေးလုံးဝလက်မခံဘဲ ဗီယက်နမ်၊ ထိုင်းနိုင်တို့လို နိုင်ငံကိုဈေးကွက်စီးပွားရေးစနစ်နဲ့ထူထောင်ဘို့အဆိုပြုပါတယ်။ သခင်နုကတော့ သူ့ဆီဗိုလ်ချုပ် ကြီးနေ၀င်းက အာဏာပြန်အပ်ပြီးသူကနေတရားဝင်လွှတ်တော်ခေါ်ပြီး ဗိုလ်ချုပ်နေ၀င်းကိုအာဏာ ပြန်လွှဲပေး မယ်လို့ဆိုပါတယ်။ (၁၁)ဦးသောပုဂ္ဂိုလ်တွေက နိုင်ငံကိုဆိုရှယ်လစ်စနစ်ထူထောင်ပြီးစီမံကိန်းစီးပွားရေးစနစ်ကို အကြံပြုပါတယ်။ (၁၈)ဦးသောသူတစုကတော့ ပါတီစုံစနစ်နဲ့အမေရိကပြည်ထောင်စုကဲ့သို့ ခရီးသွားချင်တဲ့ သဘောထားကိုပေးကြပါတယ်။
လွတ်လပ်းရေးရပြီးပထမဆုံးသမိုင်းဝင်အဲ့ဒီငြိမ်းချမ်းရေးဆွေးနွေးပွဲဟာသက်ဆိုးမရှည်ခဲ့ပါဘူး။ လူညီပြီးလက် တွေ့ကျတဲ့ ဘုံသဘောတူညီချက်မချမှတ်နိုင်ခဲ့ယုံမက၊ အရင်ကဆိုးတူကောင်းဖက် လက်တွဲပြီး နိုင်ငံလွတ်လပ် ရေးကြိုးပမ်းမခဲ့တာတွေ ဘေးချိတ်ပြီး၊ တယောက်နဲ့တယောက်အပြီးတိုင်ကျော်ခိုင်းခဲ့ကြပါတယ်။ အဲ့ဒီပျက်ပြား ခဲ့တဲ့ငြိမ်းချမ်းရေးကြိုးပမ်းချက်ကနေ ဗိုလ်ချုပ်ကြီးနေ၀င်းဟာ သင်္ခန်းစာတခုကိုရလိုက်ပုံရှိပါတယ်။ အဲ့ဒီသင်္ခန်းစာ ကတော့ ဆိုရှယ်လစ်လမ်းစဉ်ကိုမြန်မာ့နည်းမြန်မာ့ဟန်လို့ခေါ်တဲ့ မိမိတို့နိုင်ငံ လိုအပ်ချက်နဲ့လိုက်လျောညီထွေမဲ့ နိုင်ငံရေးစနစ်ကို မိမိဖာသာမိမိဘဲ ဖေါ်ထုတ်တော့မယ်ဆိုတဲ့ အချက်ကြီးပါဘဲ။
(၂၁)ရာစု ဒုတိယပင်လုံ၏စိမ်ခေါ်မှုများ
ဒေါ်အောင်ဆန်းစုကြည်ဦးဆောင်တဲ့ အမျိုးသားဒီမိုကရေစီအဖွဲ့ချုပ်ရွေးကောက်ပွဲအောင်နိုင်မှုဟာ (၂၀၁၆) မှာ လွတ်လပ်ပြီးအမျှတဆုံးဒီမိုကရေစီအစိုးရပေါ်ထွန်းခဲ့ပါတယ်။ ဒီလမ်းစပေါ်ထွန်းလာစေမှုကို မရောက်ရောက် အောင် ဆောင်ကျဉ်းပေးနိုင်ခဲ့တဲ့စစ်တပ်တဖြစ်လဲ ဗိုလ်ချုပ်ကြီးသိန်းစိန်အစိုးရရဲ့ လမ်းဖွင့်ပေးမှုကို လည်း မလွဲမသွေ အသိအမှတ်ပြုရမှာဖြစ်ပါတယ်။ ဒါပေမဲ့ (၂၀၀၈)အခြေခံဥပဒေရဲ့ပြဌာန်းချက်များက အရပ်သား စစ်စစ်အစိုးရသစ်ရဲ့ အုပ်ချုပ်ရေးအခွင့်အာဏာကိုအကြီးအကျယ်ကန့်သတ်လို့နေပါတယ်။ လွှတ်တော်အဆင့် ဆင့်နဲ့အစိုးရအဖွဲ့အဆင့်ဆင့်တို့မှာ တပ်မတော်က (၂၅%)ပါဝင်နေရာယူနေမှု၊ အခြေခံဥပဒေရဲ့အဓိက ပြဌာန်းချက်များကို၊ တပ်မတော်က သဘောမတူသရွေ့ပြင်ဆင်ခွင့်မရရှိမှု၊ တပ်မတော်ရဲ့ နိုင်ငံအရေးအရာကို ထိန်းသိမ်းခွင့်ကိုတရားဝင်ပြာဌာန်းထားမှု နဲ့ တပ်မတော်ကိုသီးခြားလွတ်လပ်စွာလည်ပါတ်လှုပ်ရှားခွင့်အခွင့်ထူး ကြီးတရပ်တရားဝင်တည်နေမှု တို့ဟာ၊ နိုင်ငံသား၊ တိုင်းရင်းသားပေါင်းစုံ နဲ့ လက်နက်ကိုင်များအကြား ယုံကြည်မှုတံတိုင်းကြီးခြားရံနေဆဲဖြစ်နေပါတယ်။ ပိုမိုးဆိုးရွားစေတဲ့အခြေအနေတွေကတော့ ရိုဟင်ဂျာတိုင်း ရင်းသားများအဖြစ်တရားဝင်လက်ခံရန် နိုင်ငံသားအများအပြားကငြင်းဆန်နေသေးတာတွေ၊ ဘာသာရေး နှင့်လူမျိုးရေးအစွန်းရောက်ဝါဒီများရဲ့သွေးထိုးပုန်ကန်မှုများ ကနိုင်ငံတကာနိုင်ငံရေးမျက်နှာစာမှာ၊ မျက်နှာမလှ စရာ အမဲကွက်ကြီးများအဖြစ်ကြီးထွားနေခြင်းဟာ၊ နိုင်ငံထူထောင်ရေးမှာ ကြီးစွာသော အနှောက်အရှက်များ ဖြစ်နေဆဲပါ။ လူမျိုးစု (၁၃၅)စုလို့မျက်စေ့ပိတ်ပြီး၊ ကျန်တိုင်းရင်းသားမျိုးနွယ်သစ်များကို လက်ခံရန် ငြင်းဆန် နေတဲ့ လူမျိုးကြီးတရားသေ၀ါဒီများဟာလည်း၊ အတားအဆီးများအဖြစ်ကြံ့ကြံ့ခံနေကြဆဲပါ။
နိုင်ငံတကာက၀င်ရောက်နိုင်မဲ့ တတ်သိနည်းပညာနှင့်ပံ့ပိုးမှုအထောက်အပံ့တွေဟာ လည်းအဲ့ဒီအစွန်းရောက် အယူဝါဒီတွေရဲ့လက်ချက်တွေနဲ့ ‘က’ကြီးရေ ‘က’ အဆင့်ကနေမတက်သေးတာအထင်အရှားပါ။ မငြိမ်းချမ်းသေး သရွေ့၊ ကိုယ့်ပိုက်ဆံကိုယ်မပေးချင်၊ မရင်းနှီးမမြှုပ်နှံကြတာတွေကို အပြစ်ပြောလို့မရပါဘူး။ “ကိုယ်ထူကိုယ်ထ” ကြွေးကြော်ချက်နဲ့ ကမ္ဘာ့အဆင်းရဲ့ဆုံးနိုင်ငံဘ၀အထိဈန်လျှောခဲ့ရတဲ့ သမိုင်းနောက်ကြောင်းခံကို လူထုက မေ့စပြုနေကြပုံပါဘဲ။
တကယ်တော့ ယခင်သမ္မတဦးသိန်းစိန်လက်ထက်မှာ ပြင်ပပုဂ္ဂိုလ်ပညာရှင်တွေ၊ ပြည်ပအကူအညီ တွေစတင် ဖိတ်ခေါ်ပြီး၊ တပြည်လုံးအပြစ်အခတ်ရပ်စဲရေး စခဲ့တာဟာ မြန်မာ့သမိုင်းမှာအကြီးမားအကျယ်ပြန့်ဆုံး ရင်ကြား စေ့ရေးကြိုးပမ်းမှုဖြစ်တယ်ဆိုတာကို အသိအမှတ်ပြုရမှာဖြစ်ပါတယ်။ စစ်တပ်တဖြစ်လဲ အစိုးရကဦးဆောင်တဲ့ ဆွေးနွေးပွဲမို့ ပါဝင်ကြသူ stakeholders တွေကြားမှာမယုံတ၀က်ယုံတ၀က်နဲ့ ငြိမ်းချမ်းရေးခရီးစဉ်ထင်သ လောက် ခရီးမပေါက်ခဲ့ပါဘူး။ ဒါပေမဲ့အခြေခိုင်တဲ့ ဆွေးနွေးရေးလမ်းကြောင်းကိုတော့အသေအခြာ ချပေးနိုင်ခဲ့ပုံရပါတယ်။
သမ္မတဦးထင်ကျော် နဲ့ ဒေါ်အောင်ဆန်းစုကြည်တို့လက်ထက် မှာတော့ ဆိုခဲ့တဲ့လမ်းကြောင်းပေါ်ကနေ ပိုမိုလက်တွေ့ကျနိုင်မဲ့၊ တိုင်းရင်းသားခေါင်းဆောင်တွေကြားအားမနာတမ်းဆန္ဒထုတ်ဖေါ်ခွင့်၊ ဆွေးနွေးခွင့်တွေ ချပေးတာတွေကိုကြည့်ရင်၊ အစိုးရသစ်ရဲ့ရင်ထဲကသဘောထားထပ်တူမှုကိုပြညွှန်းနေပါတယ်။ အလွန်ကျယ် ပြန့်ပြီး၊ sensitive ဖြစ်တဲ့ကိစ္စတွေကိုတောင်ဘွင်းဘွင်းဆွေးနွေးခွင့်တွေပေးတဲ့အချိန်မှာ၊ ပြည်နယ်များခွဲထွက် ရေးကိစ္စဟာ နောက်တန်းကိုရောက်သွားပုံရပါတယ်။ ဒါပေမဲ့ မယုံကြည်နိုင်သေးတဲ့အဖြစ်ကတော့၊ တပ်မတော် ရဲ့ နိုင်ငံတော်အာဏာပေါ်အတားအဆီးမဲ့လွှမ်းမိုးချုတ်ကိုင်နိုင်မှု ဆိုတဲ့ အချက်ကြီးပါဘဲ။ Trust လို့ခေါ်တဲ့အပြန် အလှန်ယုံကြည်လမ်းစတံခါးဝတော့ရောက်မှန်မသိရောက်သွားပါပြီ။ အဲ့ဒီဆွေးနွေးပွဲမှာ သဘောတူညီချက်မူ (၃၇)ခုလက်မှတ်ထိုးနိုင်ခဲ့တယ်လို့ဆိုပေမဲ့ အဲ့ဒီသဘောတူညီချက်များဟာယေဘူယျကျပြီးတော်များများသော အချက်များဟာ၊ သာမာန်အချက်များဘဲဖြစ်နေပါသေးတယ်။ အဓိကကျတဲ့ “ကိုယ်ပိုင်ပြဌာန်းခွင့်တန်းတူရည်တူမှု နဲ့ ဖက်ဒရယ်မူ” ကို သဘောတူမှုမရခဲ့ကြပါဘူး။ သက်ဆိုင်ရာအစိုးရပြောရေးဆိုခွင့်ရပုဂ္ဂိုလ်များရဲ့ထုတ်ဖေါ် ပြော ပြချက်များအရ၊ ပြည်နယ်များအလိုက်မိမိဖာသာအခြေခံဥပဒေများရေးဆွဲခွင့်ဆိုတဲ့မဟာအခွင့် အရေးခံစားခွင့် ကြီးဟာ၊ ပြည်နယ် များခွဲထွက်ရေးကိစ္စရပ်ကြီးဇီဝိန်ချုတ်ရေးနဲ့ဆက်စပ်နေတာမို့၊ တိုင်းရင်းသားလူမျိုးစုအချို့က လက်နယ်သဖွယ် ဆက်လက်ကိုင်ဆောင်ထားချင်သေးတဲ့အာသီသလက္ခဏာတွေပြနေသေးပါတယ်။
နောက်ဆက်တွဲအတွေးစတွေထဲမှာ-
(က) မြန်မာပြည်သူအများက တန်းတူရည်တူမှုရဲ့အနက်အဓိပ္ပါယ်ကိုအတိုင်းအတာဘယ်လောက်အထိသဘော ပေါက်နိုင်မလဲ။
(ခ) တပ်မတော်ရဲ့အားတက်သရော်ပါဝင်နိုင်မှု။
(ဂ) တိုင်းရင်းသားလူမျိုးစုမျိုးစုအားလုံးက မျှတသော federal principlesများရဲ့အခြေခံသဘောတရားကိုလုံး စေ့ပါစေ့နားလည်နိုင်မှုနဲ့ ။ အကြွင်းမဲ့လိုက်နာနိုင်မှုအတိုင်းအတာ။
(ဃ) အစွန်းရောက်လူမျိုးရေးနဲ့ဘာသာရေးဝါဒီများရဲ့ ပါဝင်နိုင်မှုကဏ္ဍ။
(င) အာဏာရNLD အပါအဝင် နိုင်ငံရေးနဲ့လူထုလူတန်းစားအချေပြု အဖွဲ့အစည်းအားလုံးတို့ရဲ့ "ကိုယ့်ကြမ္မာ ကိုယ်ဖန်တီး ခွင့်" ဆိုတဲ့ရာစုတခုနီးပါး လူထုနဲ့ (အထူးသဖြင့် တိုင်းရင်းသားလူမျိုးစုငယ်တိုင်းရဲ့ အန္တိမ တောင့်တချက်ကြီး) အကြောင်းထဲထဲဝင်ဝင်နားလည်နိုင်တဲ့အတိုင်းအတာ - စသည်တို့အပေါ်အခြေတည်နေပါတယ်။
ဒီသမိုင်းမှတ်တိုင်ဟာ မြန်မာတိုင်းရင်းသားဘာသာလူမျိုးစုံအားလုံးတို့အတွက် ခေါင်းဆောင် ဒေါ်အောင်ဆန်းစု ကြည် ရဲ့ ရင်တွင်းက ပကတိစေတနာ အရင်းခံဖြစ်သလို၊ တစ်နှစ်လည်သား အစိုးရရဲ့ထူးခြားတဲ့အောင်မြင်မှု ခြေလှမ်းတခုအမှန်ပါ။
သေခြာတဲ့အချက်ကတော့ ယခင်က ဖက်ဒရယ်ဆိုတိုင်းခွဲထွက်ရေးလို့အမြင်ရှိကြသူတွေအားလုံးလိုလိုက၊ ဒီကနေ့မှာ အတူယှဉ်တွဲနေထိုင်ရေးဆိုတဲ့ အပေါင်းလက္ခဏာသဘောထားပြသလို့နေပါပြီ။ ဒီထက်ပိုအရေး ကြီးတဲ့အချက်က၊ တိုင်းရင်းသားကြီးငယ်မဟူနဲ့လူတန်းစားအများကလက်သင့်ခံထားတဲ့ ခေါင်းဆောင် ဒေါ်အောင်ဆန်းစုကြည်ရဲ့ ကြီးရင့်လာတဲ့ဘ၀သက်တမ်းကိုမျက်ခြေမပြတ်သတိချပ်ကြဘို့ဆိုတဲ့ သတိစကားပါ။                         ။

သူမရဲ့ခက်ခက်ကြိုးပမ်းနေတာတွေဟာ သူမတသက်တာအတွင်း ရတောင့်ရခဲတဲ့
ငြိမ်းချမ်းရေးလုပ်ဆောင်မှုကို တိုင်းရင်းသားအားလုံးနဲ့ stakeholders
အားလုံးတို့ကမြင်အောင်ကြည့်ပြီး ခရီးဆုံးတိုင် ပန်းတိုင်ထိရောက်အောင်
အတူလက်တွဲပြီး ရအောင်ယူနိုင်ကြပါစေ။