မြန်မာဂေဇက် စာဖတ်ပရိသတ်ကြီး အနေနဲ့ ဒီဆောင်းပါးဖတ်ရှုချိန်ကစပြီး တစ်နှစ်တိတိ ဖြစ်တဲ့ (၂၀၂၀) ဧပြီ (၁)ရက်နေ့မှာ အမေရိကနိုင်ငံတ၀ှမ်း သန်းခေါင်စာရင်းကောက်ခံမှုကြီးကို ပြုလုပ် မှာဖြစ်ကြောင်း အသိပေးလိုပါတယ်။ အမေရိကနိုင်ငံ တနံတလျားမှ လွန်ခဲ့တဲ့ (၂၀၁၀) ဧပြီလ ကကောက်ခံခဲ့တဲ့ သန်းခေါင်စာရင်းမှာ အမေရိကအခြေစိုက်မြန်မာတို့ရဲ့ လူဦးရေဟာ ပြီးခဲ့တဲ့ (၁၀)စုနှစ်များကနဲ့မတူ ထူးခြားစွာ ပေါ်ထွက်ခဲ့တာ မြန်မာတိုင်းရင်းသားတို့ သတိပြုမိကြလိမ့် မယ်လို့ထင်ပါတယ်။ ထူးခြား ရတဲ့အကြောင်း ရင်းကတော့ သက္ကရာဇ် (၂၀၀၀)ပြည့်နှစ် သန်းခေါင် စာရင်းချုပ်ကြီးရဲ့ တရားဝင်မြန်မာလူဦးရေ (၁၈၃၈၆)ဦး ကနေ (၂၀၁၀)တရားဝင်စာရင်းချုပ်မှာ (၁၀၀၂၀၀)ဦးအထိ ခန့်မှန်းခြေ (၈၀%) တိုးတက်လာတာကို တွေ့ကြရမှာဖြစ်ပါတယ်။ ဆယ်စုနှစ်တ ခုအတွင်းမှာ လူမျိုးစုလူဦးရေတခု ရုတ်ချည် တိုးပွားလာတာကို Population explosion လို့ခေါ်လို့ ရမလားဆိုတဲ့ တတ်ကျွမ်းမှုဆိုင်ရာ စဉ်းစားစရာတွေရှိလာပေမဲ့၊ အမေရိကပြည်ထောင်စုအနေနဲ့ ဒီဖြစ်စဉ်ဟာ ထူးခြားပေမဲ့သဘာဝ ကျတဲ့ဖြစ်စဉ် အနေနဲ့ဘဲယူဆထားပါတယ်။ ဖြစ်နိုင်ဘွယ် ယူဆချက်(၃)ခုကတော့ -
(က) ယခင်အဆက်ဆက် က အမေရိကပြောင်းရွှေ့အခြေချသူတွေက ဆယ်စုနှစ်တိုင်းက ဆိုင်ရာ သန်းခေါင်စာရင်းပြန်ကြားလွှာ (census survey returns)တွေကို ဖြည့်ဆည်းရန်ပျက်ကွက် ကြတာတွေ။
(ခ) (၁၉၈၈) နောက်ပိုင်း မြန်မာနိုင်ငံရဲ့ နိုင်ငံရေးရေပြောင်းမြေပြောင်းတွေကြောင့် ထွက်ပြေးတိမ်း ရှောင်သူ Refugeesများကို အမေရိကန်အစိုးရက ဦးစားပေး Category A အဖြစ်ထိပ်တန်းစာရင်းဝင် သတ်မှတ်လက်ခံလိုက်တာတွေ။
(ဂ) (၂၀၁၀) သန်းခေါင်စာရင်းကောက်ခံရေးအမျိုးသားလှုပ်ရှားမှုကြီးမှာ အမေရိကနိုင်ငံမြို့ကြီးတွေမှာပေါ်ပေါက်ဖွဲ့စည်းလာတဲ့ Complete Count Committees များရဲ့လှုံ့ဆော် တိုက်တွန်းမှုများရဲ့ အားသာ ချက်တွေ။
- စတာတွေဟာ ဖြစ်နိုင်ဘွယ်အကြောင်းချင်းရာတွေလို့ သုံးသပ်မိပါတယ်။
ဒါဆိုရင်ပြီးခဲ့တဲ့ (၂၀၁၀)တရားဝင်ထုတ်ပြန်ချက်များအရ မြန်မာလူဦးရေစုစုပေါင်း (တစ်သိန်းပိုပို) လေးဟာတိကျတဲ့ အမေရိကတ၀ှန်းရောက်ရှိအခြေစိုက်တဲ့မြန်မာ လူဦးရေ အကုန်ဘဲလားဆိုတဲ့ မေးခွန်းမေးစရာရှိလာပါတယ်။ယခုစာဖတ်ကြသူတွေအနေနဲ့ စိတ်ဝင်စားမယ်ဆိုရင် https://factifinder.census.gov ရဲ့ Advance search မှာ ကိုယ်နေထိုင်ရာမြို့နဲ့ပြည်နယ်နဲ့ “Burmese” လို့တင်ပြီး ၀င်ကြည့်မယ်ဆိုရင် ကိုယ်နေထိုင်ရာမြို့နေ မြန်မာလူဦးရေ တရားဝင်စာရင်းကို ရှာတွေ့ပါလိမ့်မယ်။ ဥပမာ - Fullerton City, California ရဲ့ (၂၀၁၀) တရားဝင်လူဦးရေ ဟာ (၆၇)ဦး လို့ စာရင်းချုပ်ထားပေမဲ့၊ အမှန်တကယ်နေထိုင်သူမြန်မာဦးရေဟာ အနည်းဆုံး (၁၅၀)ခန့်ရှိ မယ်လို့ head-count လုပ်ကြည့်ကြတဲ့ မြို့ခံများရဲ့အဆိုအရ လေ့လာမှတ်သားမိပါတယ်။ အဲ့ဒီဥပမာကိုကြည့်ရင် ကျွန်တော်တို့ မြန်မာလူဦးရေဟာလည်း (၂၀၁၀) သန်းခေါင်စာရင်းမှာ underreporting ရှိခဲ့တယ် ဆိုတာ ယုံမှားဘွယ်မရှိပါဘူး။ ဖြစ်နိုင်ဘွယ်အကြောင်းချင်းရာများစွာထဲက အဖြစ်နိုင်ဆုံးအချက် ကတော့ မြန်မာနိုင်ငံအတွင်းမှရောက်ရှိနေထိုင်ကြသူ မြန်မာပြည်ဖွား လူမျိုးခြားနဲ့ တိုင်းရင်း သားတွေ ကအကြောင်းကြောင်းတွေကြောင့် Burmese လို့ ထဲ့သွင်းအကြောင်း ပြန်ဘို့ ငြင်းဆန်တာ(သို့မဟုတ်) ကင်းကင်းနေချင်တဲ့ကိုယ်ရေးကိုယ်တာအကြောင်းတွေကြောင့်ဘဲ လို့ဆိုရပါမယ်။
ဒါပေမဲ့ (၂၀၁၂-၂၀၁၆) ဆယ်စုနှစ်လယ် American Community Survey 5-Tear (ACS-5) Estimate ရဲ့ ခန့်မှန်း တွက်ချက်မှုက အမေရိကနိုင်ငံတ၀ှမ်း မြန်မာလူဦးရေစုစုပေါင်းဟာ (၁၅၀၀၈၇) ရှိရမယ်လို့ဆိုထားပါပြီ။ ဒါဟာ မြန်မာလူမျိုးစုလူဦးရေပြောင်းလဲမှုဟာ သိသာထင်ရှားတဲ့ လူဦးရေ ညွှန်ပြကိန်း တွက်ချက်မှုမှာ မျက်စေ့ကျစရာ population dynamic တခုဖြစ်သွားပါပြီ။
ဒီဆောင်းပါးရေးရခြင်း အကြောင်းရင်းခံကတော့ အမေရိကနိုင်ငံတနံတလျားမှာ ပြောင်းရွှေ့အခြေချ ကြသူ မြန်မာတိုင်းရင်းသားပေါင်းစုံနဲ့မြန်မာပြည်ဖွား လူမျိုးခြားပေါင်းစုံတို့ဟာ “Burmese”ဆိုတဲ့ အမေရိကသန်းခေါင်းစာရင်းခေါင်းစဉ်အောက်မှာ တစုတစည်းတည်းကျရောက်ကြဘို့အချိန် တန်နေ ပါပြီ ဆိုတဲ့ အချက်ပါဘဲ။ဒီအချက်နဲ့ ပါတ်သက်ပြီး (၂၀၁၁) ဇန္န၀ါရီမှမတ်လထုတ် မြန်မာဂေဇက် မှာအခန်းဆက်ဆောင်းပါးတွေအနေနဲ့ အသေးစိပ်ဖေါ်ပြထားခဲ့ပါတယ်။ အဓိက မီးမောင်းထိုးပြ လိုတဲ့အချက် (၀ါ) Burmese လို့စာရင်းတင်သွင်းဖေါ်ပြခြင်းအားဖြင့် ရရှိလာမဲ့ အကျိုးထူးကတော့ ခေတ်အဆက်ဆက် အမေရိကနိုင်ငံတ၀ှမ်းမှာရှိတဲ့ နိုင်ငံရေး၊ စီးပွားရေး၊ လူမှုရေးနယ်ပယ်တွေသာမက မိမိအကျိုးခံစားခွင့် နယ်ပယ်တွေမှာ အစိုးရအဆင့်ဆင့်က အာရုံထားပြီး ခံစားခွင့်တွေ၊ အရေးစိုက် ထောက်ပံ့မှုတွေ ရရှိလာယုံမက တိုးပွားလာစရာရှိပါတယ်။ ဒီအကျိုးအမြတ်များနဲ့ခံစားခွင့်များ ရှိနိုင်မှု အတိုင်းအတာကို သိသာထင်ရှားစွာခံစားကြရသူတွေကတော့ (၂၀၀၇)ခုနောက်ပိုင်းမှာ အမေရိက အစိုးရရဲ့ Refugee အစီအမံတွေရဲ့ Targeted population group ဖြစ်တဲ့ Arizona, Indiana, Texas နဲ့ California မှာရောက်ရှိနေကြသူတွေပါဘဲ။ အဲ့ဒီဒေသမှာနေထိုင်ကြသူမြန်မာတိုင်းရင်းသားတွေရဲ့ ကျန်းမာရေး၊ စားဝတ်နေရေးနဲ့ ပညာရေးတို့ကို refugee ခံစားခွင့် ကာလသက်တမ်းအတွင်း ခံစားမှု တွေ ရရှိကြသလို၊ ကာလသက်တမ်းကုန်ဆုံးပြီးသည့်နောက်ပိုင်းမှာတောင်၊ citizenship နိုင်ငံသား ရရှိခွင့်၊ ပညာဆက်လက်သင်ကြားခွင့်ရရှိရေး၊ ကျန်းမာရေးအာမခံ နဲ့ လုပ်ငန်းခွင်အတတ် သင်ပညာ သက်မွေးဝမ်းကြောင်းမှု ဆိုင်ရာပံ့ပိုးမှုတွေ ဆက်လက်ရရှိနေကြတာကို ထင်ရှားစွာတွေ့မြင် ကြရပါ မယ်။ ဒါဟာ underprivilege လူမျိုးစုအများနေထိုင်ရာဒေသအတွက် အမေရိကအစိုးရရဲ့ အာရုံ စိုက်မှုဆိုင်ရာမူဝါဒရဲ့အစိတ်အပိုင်းတခုလို့ဆိုရင်လည်းမမှားပါဘူး။
လက်ရှိ အမေရိကအစိုးရရဲ့ အမေရိကမှာအခြေစိုက်နေထိုင်ကြသူ (တရားဝင်ရော၊ တရားမ၀င်တွေပါ) လူမျိုးစုတွေကို သန်းခေါင်စာရင်း လူမျိုးစု အုပ်စုကြီး(၄)ခု (Four & Forty-Two Group Classification of Language Spoken at Home အရ Burmese ဟာ အုပ်စုကြီး (၄)ခုရဲ့အောက် ထဲက “Asian & Pacific Island Language” Group ရဲအောက်ထဲမှာရှိတဲ့ “Other Language of Asia” ထဲမှာပါဝင်ပါတယ်။ Burmese ဆိုတဲ့ လူမျိုးစုဟာ အမေရိကနိုင်ငံတ၀ှမ်းရှိကြတဲ့ နိုင်ငံ သားလူမျိုးစု မျိုးကွဲများကြားမှာ ပျောက်ခြင်းမကပျောက်နေပါတယ်။ ဆိုလိုတာက ကိုယ်ရဲ့ မူရင်းတိုင်း ရင်းသားမျိုးနွယ်စုကိုဖြည့်သွင်းခြင်းဟာ မိမိ၊ မိမိမိသားစုနဲ့ မိမိကိုယ်စားပြုရာ မူရင်းတိုင်းရင်း သား မျိုးနွယ်စုရဲ့ အကျိုးအမြတ် တစုံတရာအရာထင်မလာပါဘူး။ ကိုယ်ဖြည့်သွင်းတဲ့ပုံစံနဲ့အတူ ကိုယ့်ရဲ့အ ကျိုးရလာဒ်ခံစားခွင့်ဟာ စာရင်းချုပ်ပေါ်ထွက်လာချိန်မှာ ပျောက်ခြင်းမလှပျောက်ကွယ်သွားမှာ ကြိမ်းသေပေါက်ဖြစ်နေပါတယ်။ ဒါကိုမြင်အောင်ကြည့်ပြီး သင်ခန်းစာယူဘို့အချိန်တန်ပါပြီ။
[4 & 42 Group] –> {Asian & Pacific Island Language} –> (Other Language of Asia) –> Burmese, Karen, Turkish & Uzbek
နောက်တချက်က Burma, Burmese နဲ့ “မြန်မာ”ဆိုတဲ့ဝေါဟာရပိုင်းပါ။ အမေရိကနိုင်ငံအစိုးရနဲ့ တရားဝင်ပြဌာန်းထားတဲ့ မှတ်တမ်း၊ တရားဝင်ကိစ္စတွေအားလုံးမှာ Burmese ဟာ ဒီနေ့အထိ တရား ၀င်သုံးနှုန်းနေတဲ့ ဝေါဟာရတွေဖြစ်ပါတယ်။ အမေရိကနိုင်ငံမှာနေထိုင်နေသေးသရွေ့၊ အမေရိကနိုင်ငံရဲ့ တရားဝင်သုံးစွဲနေတဲ့ သတ်မှတ်ပြဌာန်းချက်တွေကို ကြိုက်သည်ဖြစ်စေ၊ မကြိုက်သည်ဖြစ်စေ လိုက်နာ ကြဘို့ တာဝန်သည်၊ စာဖတ်သူအပါဝင် ကျွန်တော်တို့မြန်မာတွေအားလုံးရဲ့ ထားရှိရမဲ့ (မဖြစ်မနေ) စိတ်ထားဖြစ်ပါတယ်။ ဒီမြေဒီဒေသကိုကြိုက်လှပါချည်ရဲ့ဆိုပြီး၊ ငွေကြေးဘ၀မြှုပ်နှံရောက်လာကြတဲ့ မြန်မာတိုင်းရင်းသားတွေဖြစ်ပါတယ်။ အမေရိကအစိုးရက “ဒါး”မိုးခေါ်ယူတာမဟုတ်တဲ့ အတွက် ကြောင့်၊ သူ့နိုင်ငံမှာနေရင် သူ့စည်းကမ်းကိုလိုက်နာရမဲ့ဝတ္တရား ဟာ ကိုယ့်ရဲ့ဝတ္တရားဖြစ်ကြောင်းပါ။ အတိပ်ကလူမျိုးရေးကိစ္စတွေကို အတိပ်မှာ ထားခဲ့ကြပါ။ အမေရိကားစတင်ရောက်ရှိအခြေချချိန်မှာ လူတိုင်း”သုည” ဘ၀ကစကြရပါတယ်။ ကိုယ့်ဘ၀မှာကြုံတွေ့ဖြတ်သန်းခဲ့ရတဲ့ အနိဌာရုံတွေကိုပြည်ဖုံး ကားချပြီး ဘ၀သစ်ကိုစကြပါ။
(၂၀၁၀) သန်းခေါင်စာရင်းအရ မြန်မာလူမျိုး (Burmese)လူဦးရေ ဟာ တနိုင်ငံလုံးလူဦးရေ (၃၁၂) သန်းကျော် ရဲ့ (၀.၃၂%) ဖြစ်ပြီး၊ စုစုပေါင်းအာရှလူမျိုးရဲ့ (၂.၉၆%) လို့ပြဆိုထားပါတယ်။
လာမဲ့ (၂၀၂၀) သန်းခေါင်စာရင်းနဲ့ပါတ်သက်ပြီး စာဖတ်သူတို့ မိမိကိုယ်ကိုမိမိ ဆန်းစစ်သင့်တဲ့အချက် အလက်တွေကို လေ့လာကြရအောင်ပါ။
(၁) (၂၀၁၀)သန်းခေါင်စာရင်းရဲ့ရလာဒ် တရားဝင်မြန်မာလူဦးရေစာရင်းချုပ်အရ (၁၀၀၂၀၀) ဆိုတာကို အမှန်တကယ်လို့ သဘောတူပါသလား?
(၂) သန်းခေါင်စာရင်းကောက်ခံခြင်းဟာ စာဖတ်သူတို့ရဲ့ မိသားစုကိုယ်ရေးကိုယ်တာအတွင်းရေးကို အစိုးရက အတင်းအကျပ်မေးခွန်းထုတ်တယ်လို့ထင်ပါသလား?
(၃) သန်းခေါင်စာရင်းကောက်ခံခြင်ဟာ မိမိရဲ့ လူဝင်မှုကြိကြပ်ရေးအခြေအနေကို စိစစ်နေတာလား (immigration status – legal or illegal)?
(၄) မိမိကိုယ်ကိုမိမိ မြန်မာတိုင်းရင်းသားမျိုးနွယ်စုတခုခု (minority ethnic) (သို့မဟုတ်) မြန်မာပြည် ဖွားလူမျိုးခြား တရုတ်/ကုလား လူမျိုးလို့သတ်မှတ်ပါသလား?
(၅) မြန်မာပြည်ဖွားဖြစ်ယုံသာဖြစ်ပြီး၊ အမေရိကနိုင်ငံတွင်ကြီးပြင်းလာရသူတယောက်ဖြစ်တဲ့အတွက် မိမိကိုယ်ကိုမိမိ American or American Asian (Amerasian) လို့ ဘေးကင်းရန်ကင်း၊ အရှုပ်အရှင်း ကင်းကင်း၊ စကားနည်းရန်စဲ သတ်မှတ်ထားပါသလား?
(၆) ဆယ်စုနှစ်တခုတင်းတင်းပြည့်တဲ့ ဧပြီ(၁)ရက်ကစပြီး အမေရိကနိုင်ငံတ၀ှမ်း နေထိုင်ကြသူ အားလုံးက The Constitution, Article I, Section 2 အရ သန်းခေါင်စာရင်းပြန်ကြားရန် တာဝန်ရှိ တယ်ဆိုတဲ့အချက်ကို သိရှိပါရဲ့လား?
(၇) မိမိနေထိုင်ရာအရပ်ဖြစ်ပြီး မိမိနေအိမ် (a place that you call home)ကနေ လူဦးရေစာရင်း အစီရင်ခံပြန်ကြားရမယ် ဆိုတဲ့အချက်ကို သိရှိပါရဲ့လား?
(၈) ဥပဒေအရ သန်းခေါင်စာရင်းပြန်ကြားသူ ရဲ့ ကိုယ်ရေးအချက်အလက်အားလုံးကို စတင်ပြန်ကြား ချိန်ကစတင်ပြီး နောင်နှစ်ပေါင်း (၇၂)နှစ်တိုင်တိုင် လူသိရှင်ကြား(public record)အဖြစ်၊ မထုတ်ပြန်ဘို့ အစိုးရမှာ တာဝန်ရှိကြောင်း ဥပဒေကပညတ်ထားတာကို သိပါရဲ့လား?
(၉ ) ဥပဒေအရ သန်းခေါင်စာရင်းပြန်ကြားသူ ရဲ့ ကိုယ်ရေးအချက်အလက်အားလုံးကို အသုံးချပြီး၊ ပြန်ကြားသူပြည်သူတစ်ဦးတယောက်၊ မိသားစုရဲ့ လက်ရှိအခြေအနေကိုပျက်ပြားအောင်၊ အစိုးရအ ပါအ၀င်၊ မည်သည့်အဖွဲ့အစည်း လူပုဂ္ဂိုလ်တစ်ဦးတယောက်က အရေးယူအပြစ်ပေးခြင်း၊ ဖျက်ဆီး ခြင်း၊ ပြောင်းလဲခြင်း၊ အခြားအတင်းအဓမ္မနည်းတခုခုကို အသုံးပြုခြင်းမပြုရ ဆိုတဲ့ပညတ်ချက် ကိုသိပါရဲ့လား?
(၁၀) ဖေါ်ပြခဲ့တဲ့အချက်တွေကို လက်ခံပြီးရင်လာမဲ့ (၂၀၂၀) လူဦးရေသန်းခေါင်စာရင်းကော်ခံမှု အမျိုးသားရေးလှုပ်ရှားမှုကြီးမှာ မိမိကိုယ်တိုင်လဲပါဝင်၊ အခြားမြန်မာမိသားစုတွေကို တိုက်တွန်းလို တဲ့ဆန္ဒ အပြည့်အ၀ သင့်မှာရှိနေပြီလား?
- ဆိုတဲ့ ဆန်းစစ်မေးခွန်းထုတ် တာတွေ စတင်ပြုလုပ်ကြဘို့အချိန် တန်ပါပြီ။
(၂၀၂၀) သန်းခေါင်စာရင်းရဲ့ အခင်းအကျင်းကြိုတင်ပြင်ဆင်ထားမှုတွေရဲ့ ထူးခြားချက်တွေကိုလေ့ လာကြည့်ကြရအောင်။
(က) စာတိုက်ကတဆင့်ပေးပို့တဲ့ ပြန်ကြားလွှာ Survey Form များနဲ့ သန်းခေါင်းစာရင်းကောက်ခံသူ စာရင်းကောက်များအပြင်၊ အင်တာနက်Online မှတဆင့်လုံခြုံစိတ်ချစွာနဲ့ ပြန်ကြားတင်သွင်းနိုင် ပါမယ်။ အဲ့ဒီအတွက်ကြောင့် မိသားစုအိမ်ထောင်တိုင်း(အနည်းဆုံး ၉၅%ဟာ) အဲ့ဒီ အခွင့်အရေး ကိုရရှိကြပါလိမ့်မယ်။ ကျန်(၅%) ဖြစ်တဲ့လိပ်စာမသေခြာသော၊ လူသူအရောက်အပေါက် မရှိသောနေရာဒေသတွေ ကို စားရင်းကောက်များသွားရောက်ကောက်ခံကြပါလိမ့်မယ်။
(ခ) ယခင်အကြိမ်က စာရင်းကောက်များကသာကောက်ခံခြင်းမျိုးမဟုတ်ဘဲ Community-based partnership အဖွဲ့အစည်းတွေက လူစည်ကားရာနေရာတွေမှာ ရုံးဖွင့်ပြီးကောက်ခံသွားဘို့ရှိတယ် လို့ဆိုပါတယ်။
(ဂ) ပြန်ကြားလွှာမှာ Social Security, bank and credit card information, money or donation နဲ့ မိမိတို့နှစ်သက်ရာ/ပါတ်သက်ရာနိုင်ငံရေးပါတီအမျိုးအမည်တို့ကိုနိုင်ငံရေးပါ တီများကိုယ်စားပြု ပြီးတောင်းခံမှာမဟုတ်ဘူး ဆိုတဲ့ အာမခံချက်တွေကိုပေးထားပါတယ်။ ဒါပေမဲ့ လက်ရှိအမေရိက သမ္မတ ကတော့ ပါတီဆက်နွယ်မှုကို စာရင်းဖြည့်သွင်းဘို့စောဒကတက်အတင်းအကြပ် ပါဝင်စေလိုမှု အနေနဲ့ တရားလွှတ်တော်ချုပ်အထိတင်ပြတောင်းခံသွားမယ်လို့ ကြိမ်းဝါးနေပါတယ်။ ဒီအချက်ဟာ မြန်မာမိသားစုတွေအပေါ်သက်ရောက်မှုတစုံတရာရှိဘွယ်မမြင်ပါဘူး။
အမေရိကနိုင်ငံတလွှားနေကွန်မြူနီတီခေါင်းဆောင်များ အနေနဲ့ Complete Count Committee များ အခိုင်အခန့်ဖွဲ့စည်းကြဘို့ အချိန်တန်ပါပြီ။ မြန်မာတိုင်းရင်းသားအားလုံးတို့က လှည်းနေ လှေအောင်း မြင်းဇောင်းမကျန်၊ လာမဲ့ (၂၀၂၀) ဧပြီ (၁) ရက်မှာ စတင်ကောက်ခံမဲ့ သန်းခေါင်စာရင်း လှုပ်ရှားမှု မှာ “ONE BURMESE” ဆိုတဲ့ ရည်မှန်းချက်ရောက်ရှိရေး၊ မိမိနဲ့ မိမိတို့ မိသားစုလူမှုဘ၀ အခြေတင့်အဆင့် မြင့်ရေး ကိစ္စမှာ အားတက်သရော်ပါဝင်ကြပါလို့။ ။
(ဤဆောင်းပါးနှင့်ပါတ်သက်၍ ဆွေးနွေးလိုသည့်အချက်များရှိပါကလည်း စာရေးသူထံ “မြန်မာဂေဇက်”အယ်ဒီတာမှတဆင့် ဆက်သွယ်နိုင်ကြပါသည်။)
Complete Count Committee များဖွဲ့စည်းကြရေးဆက်သွယ်ရန်-
Atlanta - Phone: 404-889-6520 E-mail: Atlanta.rcc.partnership@2020census.gov
Chicago - Phone: 312-579-1605 E-mail: Chicago.rcc.partnership@2020census.gov
Dallas - Phone: 972-510-1800 E-mail: Dallas.rcc.partnership@2020census.gov
Los Angeles - Phone: 213-314-6500 E-mail: Los.Angeles.rcc.partnership@2020census.gov
New York - Phone: 212-882-2130 E-mail: New.York.rcc.partnership@2020census.gov
Philadelphia - Phone: 267-780-2530 E-mail: Philadelphia.rcc.partnership@2020census.gov
