“သိပါသလားခင်ဗျာ၊ သိပါတယ်ဆိုရင် ဆောင်ရွက်ရန် ရှိပါသလားခင်ဗျာ၊ ဘယ်တော့လောက်များ ဆောင်ရွက်ပါမလဲခင်ဗျာ၊ သိချင်ပါတယ်ခင်ဗျာ၊”

ရုတ်တရက်ကြည့်လိုက်ရင် အပြင်လူတယောက်က ရုံးတရုံးမှာသိချင်တာရှိလို့ မရဲတရဲနဲ့မေးနဲ့တဲ့ မေးခွန်းလို့ထင်စရာရှိပါတယ်။
မဟုတ်ရေးချမဟုတ်ကြောင်းပါခင်ဗျား။ မနေ့ကပြည်ထောင်စုလွှတ်တော် ခေတ္တမရပ်နားခင် နာယကကြီး ဗိုလ်ချုပ်ခင်အောင်မြင့်က တက်ရောက်လာကြတဲ့ အမတ်မင်းများကို မှကြားလိုက်တဲ့ “ရာဇသံ” ပါခင်ဗျား။ နောက်လမ်ှစတင်တော့မဲ့ဥပဒေကြမ်းကိစ္စ၊ မေးခွန်းကိစ္စတွေနဲ့ပါတ်သက်ပြီးအမတ်မင်းများလိုက်နာရမဲ့၊ မေးရမဲ့မေးခွန်းနဲ့ပါတ်သက်ပြီးစည်းကမ်းတွေပါ။ ဆိုလိုတာက၊ ဥပဒေကြမ်းတွေ။အစိုးရအဖွဲ့ရဲ့လုပ်ငန်းတွေနဲ့ပါသက်ပြီးမေးခွန်းမေးချင်ရင်ဒီလိုဘဲမေးရမယ်လို့ပညတ်လိုက်တာပါ။ အမတ်တွေက ဟိူဟာကဟိုလိုလုပ်ပေးပါ၊ ဒီဟာကဒီလိုလုပ်ပေးပါ၊ ဒါတော့ပြောင်းပေးပါ၊ ဒါတော့ဖျက်ပစ်ပါဆိုပြီးလုပ်ခွင့်တောင်းဆိုခွင့်မရှိပါဘူးလို့ပညတ်လိုက်တာပါဘဲ။ တိုတိုပြောရရင်တော့ – မေးချင်ရင်မေး၊ ဒါပေမဲ့ ဖြေတာကိုဘဲလက်ခံဘို့ပါဘဲ။ စောဒကမတက်ပါနဲ့လို့ဆိုလိုက်တာပါဘဲ။ အမတ်မင်းများကိုကြည့်ရတဲ့ မြင်ကွင်းကလည်း စိတ်မချမ်းသာစရာပါ။ ရွေးကောက်ပွဲနဲ့ လွှတ်တော်မတိုင်ခင်က ကြုံးဝါးခဲ့တဲ့ (အတိုက်အခံအမတ်များရဲ့) လေသံ ကပျော့လာကြရုံမက လေလံတောင်မဟနိုင်တော့ပါဘူး။ တခြားမကြည်ပါနဲ့။ သမ္မတ အရွေးခံထားရတဲ့ ဗိုလ်သိန်းစိန်ကိုယ်တိုင်တောင် စက်ရုပ်လိုလှုပ်ရှားနေရတဲ့ဘ၀ပါ။ နောက်လ(မတ်လ) ထဲ့မှာ လွှတ်တော်ကော်မီတီများဖွဲ့စည်းတာတို့ နဲ့ ဥပဒေကြမ်းများတင်သွင်းကြတော့မှာဖြစ်ပါတယ်။ ဒီအစီအစဉ်များကို အမျိုးသားလွှတ်တော်နဲ့ ပြည်သူ့လွှတ်တော်တွေက သီးခြားကျင်းပမှာဖြစ်ပြီး၊ အဲ့ဒီ အစည်းအသေးတွေမှာမိမိတို့ဆိုင်ရာပိုင်ရာ ဥပဒေကြမ်းများ။ ကော်မတီများ ကိုဖွဲ့ကြမှာဖြစ်ပါတယ်။ အားလုံးနားလည်းပြီးကြတဲ့အတိုင်းဘဲ၊ အတိုက်အခံတွေတင်မဲ့ (အရင်ကကြွေးကျော်ခဲ့တဲ့ လေသံလေးတွေအတိုင်း) တင်သမျှဥပဒေတွေ၊ တင်ဘို့နေနေသာသာ၊ တင်သွင်းဆွေးနွေးခွင့်ရဘို့တောင်အတော်ကြီး (အတော်ကြီး) ခက်နေပါလိမ့်မယ်။ ကြည့်ပါ။ လွှတ်တော်စတင်ခါစရက်တွေက NDF အမတ် ဒေါက်တာမြတ်ဥာဏစိုး၊ ပြည်နယ်ကအမတ်တယောက် တို့တင်သမျှ (အစိုးရအဖွဲ့ ဦးရေသတ်မှတ်ချက်စသည်ဖြင့်တို့ထင်ပါတယ်) (၈၅%) ကြံ့/ဖွံ့ ကြီးစိုးတဲ့ လွှတ်တော်က “ဟင့်အင်း” လုပ်ခြင်းခံလိုက်ရတာ တိုင်းသိပြည်သိ၊ နိုင်ငံတကာသိပါ။
အမှန်ပြောရရင်တင်မဲ့ဥပဒေကြမ်းအပါအ၀င်၊ အစိုးရအဖွဲ့၊ တရားသူကြီးချုပ်၊ ရှေ့နေချုပ်၊ ကော်မရှင် နဲ့ ပြည်နယ် နဲ့တိုင်းဒေသကြီး လွှတ်တော်များရဲ့ ၀န်ကြီးချုပ်များ၊ ကျန်ရာထူးကြီးတွေကို၊ ကြံ့ဖွံ့ပါတီ ကစီးဝါးရိုက်ပြီးသားပါ။ ကျန်အမတ်တွေကတော့၊ ကြံ့ဖွံ့အမတ်များ ကပြောပြသလောက်သာသိကြရတဲ့ဘ၀ (တနည်းဆိုရရင်) အရိုးအရင်းစားရတဲ့ ဘ၀ရောက်မှန်းမသိရောက်နေကြပါတယ်။ (၁၀) မိနစ်ကြာကျင်းပတဲ့ လွှတ်တော်မှာ အမည်စာရင်းတင်းသွင်းပြီး၊ ကန့်ကွက်စရာရှိရင် ကြိုးကြောင်းအပြည့်အစုံနဲ့ လွှတ်တော်ရုံးကိုတင်လို့ဆိုတာမို့၊ အမတ်မင်းများဘာကန်ု့ကွက်ရမှန်းမသိ၊ ဘာအကြောင်းပြရမသိအကြပ်ရိုက်နေချိန်မှာ နောက်တနေ့ကူးပြီး၊ ဘာကန်ု့ကွက်ချက်မှမရလို့၊ အတည်ပြုလိုက်ပါတယ်ဆိုပြီး မျက်လှည့်ပြခြင်းကိုသိသိကြီးနဲ့ ခံနေကြရပါတယ်။ အတိုက်အခံအချို့ဆီကထွက်လာတဲ့လေသံတွေကြည့်ပါ။ လွှတ်တော်ထဲ့မှာကန့်ကွက်ဖို့ ဘယ်သူကမှတုပ်တုပ်မလှုပ်တော့၊ ကိုယ်လလဲနေသာသလိုနေလိုက်တဲ့ဘ၀ရောက်နေပါတယ်တဲ့။ ဘယ်ဘက်ကကြည့်ကြည့် အဖက်ဖက်မှာရစရာမရှိအောင်ခေတ်နောက်ကျ (အာဆီယံနိုင်ငံတွေကြားထဲမှာတောင်) တိုင်းပြည်မှာပြည်သူတွေအတွက်လုပ်ပေးစရာတွေတလှေကြီးရှိချိန်၊ နိုင်ငံထူထောင်ရေးအတွက် စီးပွားရေး၊လူမှုရေး ကိစ္စတွေနေ့မီးညမီးနဲ့ လုပ်ဘို့လိုချိန်မှာ လွှတ်တော်အစည်းဝေးကိုနေ့စဉ် (၁၅)မိနစ်လောက်ဘဲလုပ်တယ်ဆိုကတည်းက စစ်အစိုးရရဲ့ ပြောင်မြောက်တဲ့ စေတနာကို အံ့သြခြင်းမကအံ့သြမိပါတယ်။ ပြည်တွင်းမှာလူတွေ က (၁၅) မိနစ်လွှတ်တေိာလို့ ပြောင်လှောင်ခေါ်ဝေါ်နေကြသလို၊ ပြည်ပမှာလဲနားမလည်နိုင်စရာကိစ္စကြီးဖြစ်မှန်းမသိဖြစ်နေရပါပြီ။
ဒါပေမဲ့ အမတ်မင်းများအားလုံးအတွက်ဝမ်းသာစရာကတော့ လွှတ်တော်တက်စရိတ် တယောက်ကို (၆) သိန်းစီလောက်ပွ (အဲယောင်လို့) ရလိုက်ကြတယ်လို့ဆိုပါတယ်။ ကြံ့ဖွံ့အမတ်ဘီလျံနာ ဒေါက်တာခင်ရွှေ က ကြယ်(၅)ပွင့်ဟော်တယ်မှာ တည်ခင်းဧည့်ခံတဲ့ ညစာစားပွဲတွေမှာမိန်းမောရင်း စိတ်ကူးယဉ်လို့သိပ်ကောင်းတဲ့အချိန်တွေဖြစ်ပါတယ်။ ဒါပေမဲ့ မြန်မာနိုင်ငံရဲ့ အသစ်စက်စက်ရွေးချယ်လိုက်တဲ့ အစိုးရ နဲ့ အမတ်မင်းများရဲ့ဂုဏ်သိက္ခာတွေအစတည်းကမရှိရတဲ့ကြားထဲ၊  နိုင်ငံတကာအသိုင်းအ၀ိုင်းအလည်မှာ တရှိန်ထိုးကျဆင်းနေတယ်ဆိုတာ ထင်းထင်းကြီးပေါ်လာပါပြီ။ တာထွက်ကတည်းက နာမည်ပျက်ကရှိနေပြီဆိုတာသိသာနေပြီဖြစ်ပါတယ်။ ဒီလို နိုင်ငံတကာစံနှုန်းနဲ့ ဘဲကြည့်ကြည့် ဒေသတွင်းစံနှုန်းနဲ့ ဘဲ ကြည့်ကြည့်၊ နောက်ဆုံးကုန်ကုန်ပြောရရင်၊ ပြည်တွင်းစံနှုန်းနဲ့ဘဲကြည့်ကြည့်၊ ဒီမိုကရေစီရေးအနှစ်သာရနဲ့ ပြည့်တဲ့ အချက်ရယ်လို့ တစက်ကလေးတောင်မတွေ့ရတဲ့၊ ဖြစ်ရပ်တွေကြောင့်အမေရိကန်နိုင်ငံအပါအ၀င် အနောက်အုပ်စုက ပြောင်ပြောင်တင်းတင်းဘဲ ဆိုလိုက်ကြပါတယ် – “စီးပွားရေးပိတ်ဆို့အရေးယူမှု”ဆက်လက်ဆောင်ရွက်မဲ့အကြောင်းပါဘဲ။ ဒီမျှော်လင့်ချက်နဲ့ လုပ်ခဲ့တဲ့ စစ်အစိုးရရဲ့ မှော်မှန်းချက်အဆောက်အအုံကြီးဟာလဲ သဲထဲရေသွန်ဖြစ်သွားပုံရပါတယ်။ ပြည်တွင်းအစိုးရအာဘော်သတင်းစာတွေကလည်း ဒေါ်အောင်ဆန်းစုကြည်အပါအ၀င် ပြည်ပ အတိုက်အခံတွေကို ပြစ်တင်ဝေဖန်ခြင်းတွေ ပြန်လုပ်လာကြပေမဲ့။ ဒီကိစ္စက အဲ့ဒီအတိုက်အခံတွေရဲ့စနက်ကြောင့် အနောက်အုပ်စုတွေက စီးပွားရေးပိတ်ဆို့မှုလုပ်တာမဟုတ်ကြောင်းကို စစ်အစိုးရကကောင်းကောင်းကြီးသိပါတယ်။ ဆောင်းပါးတွေရြ့အစမှာ ဒီစီးပွားရေးပိတ်ဆို့မှုတွေဟာ မြန်မာနိုင်ငံကိုဘယ်လိုမှမထိခိုက်စေကြောင်းရေးသားထားပေမဲ့ဆောင်းပါးအပိတ်တွေမှာလူထုကိုတိုက်ရိုက် ထိခိုက်ကြောင်းး အဖွင့်နဲ့အပိတ်မညီတဲ့ အရေးအသားတွေတွေ့လာရပါတယ်။ သေခြာတာကတော့ စစ်ဗိုလ်ချုပ်များရဲ့စီးပွားရေးကိုအဓိကကျောထောက်နောက်ခံပြုတဲ့၊ စီးပွားရေးလုပ်ငန်းရှင်တစုရဲ့ အရှိုက်ကိုတိုက်ရိုက်ထိသွားတာတော့အမှန်ပါဘဲ။ စစ်အစိုးရရဲ့မှန်းချက်နဲ့နှမ်းထွက်မကိုက်တဲ့၊ ဒီမိုကရေစီလမ်းပြမြေပုံအမည်ခံ စစ်အာဏာရှင်စနစ်တရားဝင်ရပ်တည်ခွင့်ရရေးဟာ သဲထဲရေသွန်သလိုဖြစ်သွားပါတယ်။
စစ်အစိုးရအနေနဲ့ကတော့၊ လျှောက်မိတဲ့လမ်းမှာနောက်ကိုပြန်လှည့်ကြည့်ဘို့တော့မမြင်သလောက်ပါဘဲ။ ဘ၀သေနေကြပြီးဖြစ်တဲ့အသစ်ဂျပ်ဂျွတ်အမတ်မင်းများ နဲ့ ဆက်လက်သွားမဲ့ မြန်မာနိုင်ငံပြည်သူတွေရဲ့ရှေ့ရေးဟာ ရင်လေးစရာဖြစ်နေသလို၊ နက်မှောင်လွန်းတဲ့ DARK AGE ကိုဝင်နေပြီဖြစ်ကြောင်းမောင်မိုးညိုကမြင်မိကြောင်းပါခင်ဗျား။