ကလကာနောက်ကွယ်သို့ဝင်ရောက်သွားပြီဖြစ်သော တပ်ချုပ်ကြီး နှင့် Good governance

ပြီးခဲ့တဲ့ မတ်
(၃၀) ရက်က မြန်မာပြည်နိုင်ငံရေးအပြောင်းအလဲရဲ့ ယမန်နေ့နဲ့နောက်တနေ့အကူးအပြောင်းမှာ
မောင်မိုးညိုအပါအ၀င် သန်းပေါင်း(၆၀)သော မြန်မာပြည်သူတွေနဲ့အတူ ကမ္ဘာတ၀ှမ်းလုံးကပါမျက်စေ့လည်စရာ
အဖြစ်၊ သမ္မတသစ် ဦးသိန်းစိန်ရဲ့ good governance နဲ့အစိုးရသစ်ရဲ့ကျင့်ဝတ်သိက္ခာ ထိမ်းသိမ်းရေးမိန့်ခွန်းကို
သတိထားမိလိုက်ကြပါတယ်။ လွန်ခဲ့တဲ့ နှစ်အစိတ်နီးပါး လူထုနဲ့ ကမ္ဘာကိုလှည့်ဖျားချင်တိုင်းစိတ်ကျလှည့်ဖျားပြီးကာမှ၊
သန့်ရှင်းစင်ကြယ်အောင်နေကြပါလို့ ပြောလိုက်ပုံက ခွက်ထိုးခွက်လန်ရီစရာကြီးဖြစ်နေပါကြတယ်။
အစိုးရသစ်ပေါ်ထွန်းလာပြီး ချီးမွမ်းထောပဏာထောက်ခံချက် တွေကို အာရှနဲ့အာဆီယံနိုင်ငံတွေ
(ရုရှား နဲ့ တရုတ်ကတော့ ထိပ်ဆုံးပေါ့) ပြုံးအောလိုက်ကြပေမဲ့၊ ဒီမိုကရေစီထွန်းကားတဲ့
နိုင်ငံကြီးတွေအပါအ၀င် အနောက်နိုင်ငံတွေက တုပ်တုပ်တောပ်မလှုပ်တာ ကိုတွေ့ရပါတယ်။ လူထုထောက်ခံချက်အပြည့်နဲ့တက်လာတဲ့ဒီမိုကရေစီအစိုးရပါလို့
ကိုယ့်ကိုယ်ကို ကြွေးကြော်ပြီးတက်လာတဲ့ ဘောင်းဘီချွတ်ဗိုလ်ချုပ်များရဲ့ ဟန်းနီးမွန်းကာလ
(၂၄) နာရီသာသာ လောက်အတွင်းမှာတင် အမေရီကန်အစိုးရရဲ့ နိုင်ငံခြားရေးဝန်ကြီးကလင်တန်က
မြန်မာအစိုးရကိုစီးပွားရေး ပိတ်ဆို့မှု ပိုမိုတင်းကျပ်စွာလုပ်ဘို့ ဆုံးဖြတ်ကြောင်း
တရားဝင်ကြေငြာခဲ့ပါတယ်။ အခြားတိုးတက်တဲ့နိုင်ငံကြီးတွေ ကလည်း အမေရိကန်နောက်ကပြုံအောလိုက်ကြမှာကြိမ်းသေသလောက်ဖြစ်နေပါတယ်။
အဲ့ဒီအတွက် ရက်သား သာရှိသေးတဲ့ မြန်မာအစိုးရသစ်ဟာ အဲ့ဒီသတင်းဆိုးအတွက် ပက်လက်လန်သွားရပုံရပါတယ်။
ဒါ့ကြောင်လဲ သမ္မတဦးသိန်းစိန်က ရက်ပိုင်းအတွင်းမှာဘဲ သန့်ရှင်း၍ လူထုကယုံကြည်ရသောအစိုးရအဖြစ်လူရိုသေ
ရှင်ရိုသေဖြစ်ရေးကိစ္စဥိးစားပေးဘို့ စကားများများပြောလာရပါတယ်။ အောက်မှာဖေါ်ပြထားတဲ့
မောင်မိုးညိုရဲ့ အာဘောလေးတွေမြည်းကြည့်ကြပြီး ဝေဖန်ကြပါ။ ထောက်ပြစရာရှိတာထောက်ပြကြဘို့
နဲ့ ကိုယ့်အမြင်ကို လွတ်လပ်စွာဆွေးနွေးကြပါလို့ဖိတ်ခေါ်လိုပါတယ်။

(၁) မြန်မာနိုင်ငံရေးသမိုင်းမှာဘဲကြည့်ကြည့်၊
ဝန်ထမ်းရေးရာပိုင်းမှာဘဲကြည့်ကြည့်၊ နိုင်ငံရေးလောကက အနားယူရင် (ဒါမှမဟုတ်)ပင်စင်ယူရင်
အဲ့ဒီသူဟာ ဘာကြီးဖြစ်ပြီး၊ ရာထူးပါဝါဘယ်လောက်ဘဲရှိပါစေ၊ အဲ့ဒီလောကကနေဖယ်ကျင်ခြင်းကိုမသိမသာကနေသိသိသာသာခံကြရပါတယ်။
ဥပမာအနေနဲ့ ဗိုလ်နေ၀င်းကိုကြည့်ပါ။ အဲ့ဒီဖြစ်စဉ်ဝဲသြဂ ကဘယ်သူမှမလွတ်ပါဘူး။ ဒါကိုကောင်းကောင်းကြီးသိနေတဲ့
ဗိုလ်သန်းရွှေ ဟာ သူ့မိသားစုနဲ့တကွ၊ သူ့နောက်လိုက်တွေ ရဲ့ ဘ၀လုံခြုံရေး၊ (ဒါထက်ပိုတိတိကျကျ
ပြောရရင်။ ကိုယ်စီးပွားဥစ္စာမထိခိုက်ရေး၊ ဆက်လက်ရှင်သန်လှုပ်ရှားခွင့်ရှိရေး) ဆိုတာအသက်တမျှအရေးကြီးပါတယ်။
သူ့ရဲ့ကျားကွက်ရွှေ့ရေးအစီအစဉ်မှာဒီကိစ္စဟာ ထိပ်တန်းဦးစားပေးဖြစ်ခဲ့သလို၊ ခုအပြောင်းအလဲကာလမှာမှန်းချက်ကိုက်နေပုံရပါတယ်။
ဘယ်လောက်ကြာကြာခံမလဲ။ ဘယ်သူမှမသိပါဘူး။ နအဖ နဲ့တကွ ဒေသအဆင့်ဆင့်မှာရှိတဲ့ အာဏာပိုင်အဆင့်ဆင့်ကိုဖျက်သိမ်းခဲ့ပေမဲ့၊
ဗိုလ်ချုပ်မှူးကြီးရာထူးကထွက်ကြောင်း၊ သူနိုင်ငံရေးလောက ကနေကျောခိုင်းလိုက်ပြီးလို့
ဘယ်အမိန့် မှာမှမတွေ့ရပါဘူး။ ကာကွယ်ရေးဝန်ကြီးဌာနပြန်တမ်းအရ active duty ကနေ အနားယူတာမျိုးတော့ရှိနိုင်ပေမဲ့
ဒီကိစ္စကပြည်သူကိုအသိပေးလေ့မရှိတာမို့ ခုလောလောလတ်လတ်မသိနိုင်ပါဘူး။ သိတောင် တပ်အဆောင်အယောင်ကိုဆက်လက်သုံးစွဲဝတ်ဆင်ခွင့်ရှိတာမို့
အခမ်းအနားလိုတခုခုမှာစစ်ဝတ်စုံနဲ့ လူထုကြားပြန်ထွက် မလာဘူးလို့မပြောနိုင်ပါဘူး။
(၂) supreme council
လို နိုင်ငံဦးဆောင်ဥသြောင်အဖွဲ့ဆိုတဲ့စကားသံကောဠာဟလ ဟာ အစိုးရသစ်နဲ့အတူးမွေးဖွားထွက်ပေါ်လာပါတယ်။
ဒါဟာ ဒီမိုကရေစီနည်းကျကျနဲ့ထွက်လာတဲ့အစိုးရပါလို့ မိမိကိုယ်ကို သမုတ်တဲ့ အစိုးရမျိုးအတွက်
ကောင်းတဲ့လက္ခဏာမဟုတ်ပါဘူး။ လူထုကေ၇ွးကောက်ပွဲကိုယုံကြည်မှုမရှိကြောင်းသွယ်ဝိုက်သောနည်းနဲ့ပြလိုက်တာပါဘဲ။
သေခြာတာကတော့ ဒီလိုအဖွဲ့မျိုးဟာတရားဝင်မဟုတ်တောင် ဗိုလ်သန်းရွှေ ကတရားမ၀င်နည်းနဲ့ဖန်တီးယူထားရမဲ့
အခြေအနေမျိုးဖြစ်ပါတယ်။ အစိုးရအဖွဲံရဲ့အကြီးအကဲတာဝန်အရှိဆုံးသူဖြစ်တဲ့သမ္မတကို အာဏာတွေပုံအောပေးထားပုံကိုကြည့်ပါ၊
ဖွဲံစည်းပုံအခြေခံဥပဒေနဲ့ ဗဟိုနဲ့ ဒေသဆိုင်ရာအစိုးရအဖွဲ့အကြီးအကဲ အားလုံးကိုသာမက၊ တရားစီရင်ရေး၊ဘဏ္ဍာရေး၊
လုံခြုံးရေးအာဏာအားလုံးကိုသမ္မတကရွေးချယ်ခန့်အပ်ပြီး၊ သူကိုယ်တိုင်လက်မှတ်ရေးထိုးမှအတည်ဖြစ်ပါတယ်။
အဲ့ဒီအာဏာကိုသမ္မတတဦးတည်းကိုသာအပ်ထားပြီး အဲ့ဒီသမ္မတကို သူ့အိပ်ကပ်ထဲ ထည်းထားလိုက်ပါတယ်။
စစ်တပ်နဲ့ပါတ်သက်ပြီး တပ်မတော်ကာကွယ်ရေးဦးစီးချုပ်ကို ဗိုလ်သန်းရွှေက သူ့စိတ်ကြိုက်အိပ်ကပ်ထဲရှိပြီးဖြစ်တဲ့
ဗိုလ်ချုပ်မင်းအောင်လှိုင်ကိုပေးလိုက်ပါတယ်။ (၁၉၈၈) န၀တအာဏာသိမ်းချိန်မှာစစ်တက္ကသိုလ်ကဆင်းကာစ
အဆင့်သာရှိသေးတဲ့ ဗိုလ်ချုပ်မင်းအောင်လှိုင်ကို ဗိုလ်သန်းရွှေက အပိုင်ကိုင်ထားနိုင်ပုံရပါတယ်။
အစိုးရနဲ့တပ်ရဲ့ ထိပ်ဆုံအာဏာအရှိဆုံး(၂) ယောက်ကိုသူဆီပုံမှန်ခစားစေမဲ့သဘောတူညီချက်ဟာ၊
စစ်အစိုးရရဲ့လမ်းပြမြေပုံမှာ ဘယ်နေရာမှာမှ မဖေါ်ပြထားပေမဲ့လည်း အဲ့ဒီ ကိစ္စဟာအသက်သွေးကြောတမျှအရေးကြီးခဲ့ပါတယ်။
အဲ့ဒီသဘောတူညီချက်ကိုရေရှည်ပေးနိုင်မယ်လို့ယူဆရတဲ့ အဲ့ဒီပုဂ္ဂိုလ်(၂)ယောက်နဲ့သဘောတုညီချက်ယူပြီး
အာဏာလွဲခဲ့တာပါ။
(၃) ဗိုလ်သိန်းစိန်ဟာ
အာဏာအလွဲသုံးစားမှု၊ စီးပွားရေးလက်ရဲဇက်ရဲ့မှု ရှိတဲ့ စစ်အစိုးရလက်ထက်မှာအသံသိပ် မမြည်ခဲ့တဲ့အပြင်
ဗိုလ်သန်းရွှေ နဲ့ စင်ပြိုင်ကိစ္စအဖြစ်မျိုးရှိခဲ့ပုံမရပါဘူး။ ဗိုလ်မောင်အေး၊ ဗိုလ်ရွှေမန်း
နဲ့ဗိုလ်တင်အောင်မြင့်ဦးတို့ကတော့ အသံစုံထွက်ခဲ့လို့ ကြိုးချီတဲ့ရာထူးတွေနဲ့ချွေးသိပ်ခဲ့ပါတယ်။
ခုချိန်ထိတော့ ဗိုလ်သိန်းစိန်ဟာ အဆိပ်မရှိတဲ့မြွေဖြစ်နေဆဲပါ။
(၄) ပေါ်ထွက်လာတဲ့အစိုးရသစ်မှာအရင်ဝန်ကြီးဟောင်းများပြန်ပါလာကြသလို
အချို့ဝန်ကြီးဟောင်းတွေကပြည်နယ်အစိုးရအဖွဲ့ရဲ့ဝန်ကြီးချုပ်များဖြစ်သွားကြပါတယ်။ ဆက်မပါတော့တဲ့
ဝန်ကြီးတွေကတော့ မျက်နှာမသာမယာနဲ့ ကြံ့/ဖွံ့ပါတီထိပ်ပိုင်းရာထူးတွေ နဲ့ကြေနပ်ကြရမဲ့ကိန်းပါ။
ဝန်ကြီးအဖွဲ့မှာ အတွေအကြုံပညကျောထောက်နောက်ခံရှိသူတွေသာမက အမျိုးသမီး(၂)ဦးပါပါဝင်လာကြတာမို့
ရုတ်တရက်ကြည့်ရင်အမြင်လှပါတယ်။ ဒါပေမဲ့ ခန့်ထား။ခြင်းခံရသူတော်တော်များများဟာ အရွေးကောက်ခံတွေမဟုတ်တာမို့၊
အရွေးချယ်ခံလွှတ်တော်အမတ်မင်းများအနေနဲ့၊ ငါတို့ထဲအဲ့ဒီလောက်တောင်အရည်အချင်းမရှိကြလို့လားလို့တွေးပြီးမနာလိုဝန်တိုစိတ်တွေ
ပွားများနေကြတဲ့အချိန်ပါ။ အဲ့ဒီအစိုးရအဖွဲ့ဝင်တော်တော်များများကလည်းဗိုလ်သန်းရွှေ တာဝန်ဟူစဉ်ကသူ့အနားမှာခစားခဲ့ကြသူတွေချည့်ဖြစ်နေတာကိုတွေ့ရပါတယ်။
ှဆရာဝန်ပါမကျန်ပေါ့။
(၅) လွှတ်တော်မှာကာကွယ်ရေးအသုံးစိတ်နဲ့ပါတ်သက်ပြီးဖြစ်ဖြစ်၊
န၀တ/နအဖခေတ် ဆောင်ရွက်တာဝန်ယူလုပ်ကိုင်ခဲ့တဲ့ ကိစ္စအ၀၀ ဟာတရားဝင်လားမ၀င်လား ဆိုသမျှ
အားလုံးဟာ မေးသူမရှိ၊ စပ်စုသူမရှိ ခတ်တည်တည်နဲ့ အတည်ဖြစ်သွားတာကတော့ တကမ္ဘာလုံးကသြချရလောက်အောင်ဖြစ်ခဲ့ယုံမက
ပြည်သူအားလုံးကလက်ဖျားခါခဲ့ရပါတယ်။ အခြေခံဥပဒေကလည်းလုပ်ခဲ့သမျှ အ၀၀ကိုကာကွယ်ပေးယုံမက၊
ကြံ့ဖွံ့ပါတီ ရဲ့အထွေထွေအတွင်းရေးမှူးတာဝန်ယူတဲ့ ဗိုလ်ဌေးဦးက နအဖအစိုးရရဲ့ပြောင်မြောက်တဲ့သမိုင်းဝင်စွမ်းဆောင်ချက်တွေအားလုံးကို
ချီးကျူးထုတ်ဖေါ်ခဲ့ပြီး လွှတ်တော်မှာ မှတ်တမ်းတင်စေခဲ့ပါတယ်။ အနှစ်(၂၀) ကျော်နိုင်ငံကိုတချက်လွှတ်အမိန့်နဲ့စိတ်တိုင်းကျအုပ်ချုပ်ခဲ့သူ
ဗိုလ်ချုပ်မှူးကြီးအနေနဲ့ လူထုကတင်မြှောက်တယ်ဘဲဆိုဆို၊ အဲ့ဒီအမတ်မင်းတွေအားလုံးရှေ့မှာ
အာဏာလာလွဲဘို့မကောင်းဘူးလားလို့ မောင်မိုးညိုကဂျီးများချင်ပါတယ်။ အဲ့ဒိကာလအတွင်းလုပ်ခဲ့တဲ့ဘဏ္ဍာရေးရှင်းတမ်းလေးများမထုတ်သင့်ဘူးလားလို့
စောဒကတက်ချင်ပါတယ်။  ကိုယ့်ဘယ်လက်ကလုပ်ခဲ့တာကိုကိုယ့်ညာလက်ကလက်ခမောင်းခတ်လိုက်ပုံက
တယ်ယဉ်သကိုး။
(၆) ဗိုလ်သန်းရွှေအနေနဲ့
စစ်တပ်ကိုတော့ အစိုးရနဲ့စည်းခြားထားလိုက်ပါတယ်။ စစ်တိုင်းမှူးတပ်မှူးများ ရဲ့ယခင်အကြွင်းမဲ့ရှိခဲ့တဲ့
စစ်ရေး၊ နိုင်ငံရေး၊ စီးပွားရေးအဏာတွေကိုဘယ်ပုံခွဲတမ်းချမလဲဆိုတာတော့စိတ်ဝင်စားစွာစောင့်ကြည်ရပါလိမ့်မယ်။
စစ်တပ်ရဲ့ဘဏ္ဍာရေးကို ကာကွယ်ရေးဝန်ကြီးဌာနကနေတဆင့်ပြည်သူ့ဘဏ္ဍာကနေ ကဲ့ယူမှာဖြစ်ပြီး၊ အစစ်အဆေးအမေးအမြန်းမရှိသုံးမှာမို့၊
စစ်တပ်ရဲ့အာဏာဟာဆက်လက်ရှင်သန်နေအုံးမယ်လို့ယူဆရပါတယ်။ စီးပွားရေးဦးပိုင်လိုအဖွဲံအစည်းကြီးတွေက
စီးပွားရေးကိစ္စတွေ အရင်ကလိုဘဲ တံခါးမရှိဒါးမရှိခရီးဆက်အုံးမှာပါ။ ကာကွယ်ရေးဦးချုပ်ကို
အစိုးရအဖွဲ့ရဲ့ ဒုတိယသမ္မတရာထူးနဲ့တန်းတူထားတယ်လို့ဘဲပြောထားပေမဲ့၊ အစိုးရအဖွဲ့မှာဘယ်သူ့အောက်မှာမှမထားပါဘူး။
ဆိုလိုတာက ကာကွယ်ရေးဦးချုပ်အနေနဲ့ တို့တာဝန်အရေး(၃)ပါးကိုထိခိုက်လို့ဆိုတဲ့အကြောင်းပြချက်နဲ့အချိန်မရွေး၊
အမိန့်အာဏာ ထုတ်ဆင့်ခွင့်အကြွင်းမဲ့ရသွားပါတယ်။ စစ်တပ်ကအာဏာသိမ်းရာမှာလက်မနှေးဘို့လဲ
တလောကစစ်တက္ကသိုလ်တခု၇ဲ့ ကျောင်းဆင်းပွဲမှာ၊ ညာသံပေးသွေးထိုးခဲ့ပါသေးတယ်။ နိုင်ငံတခုရဲ့အသက်သွေးကြောဖြစ်တယ်လို့သူကို့ကိုယ်တိုင်မကြာခနပြောနေတဲ့
အခြေခံဥပဒေရဲ့ ပြင်ပကို အဲ့ဒီကာကွယ်ရေးဦးစီးချုပ်ကရောက်သွားယုံမက ဥပဒေရဲ့အထက်မှာရှိပါတယ်ဆိုတာဗြောင်မပြောယုံတမယ်
အကြွင်းမဲ့အာဏာရှိသွားပါတယ်။
(၇) လွှတ်တော်ရဲ့ကော်မတီ၊
ကော်မရှင်များကို ကြံ့/ဖွံ့ပါတီဝင်များ နဲ့ နံမယ်မရှိယုံမက အစိုးရဘက်ယိမ်းတယ်လို့စွပ်စွဲခံနေရတဲ့
အတိုက်အခံအမတ်မင်းများ နဲ့ တိုင်းရင်းသားပါတီများကအမတ်များနဲ့ ဖွဲ့စည်းထားပါတယ်။ စာရွက်ပေါ်မှာကြည့်ရင်ဒီမိုကရေစီအပြည့်အ၀ရှိပုံပေါ်လွင်ပေမဲ့၊
လက်ညှိုးထောင်ခေါင်းငြိမ့်အဆင့်သာရှိကြသူတွေပါ။ အစိုးရဆီကရလာမဲ့ တိုက်ခန်း၊ စီးပွားရေးပါမစ်၊
မိသားစုအခွင့်အလမ်းရပိုင်ခွင့်များဘက်ကို မထူးဇာတ်ခင်းပြီးခြေဦးလှည့်နေကြပြီမို့၊
အတိုက်အခံပါတီထဲမှာတောင် လက်ညှိုးထိုးဝေဖန်ပြစ်တင်မှုတွေမဖုံနိုင်မဖိနိုင်အောင်ပေါ်ထွက်လာပါပြီ။
(၁၅)မိနစ်လွှတ်တော်လို့ ထင်ရှားကျော်ကြားခဲ့တဲ့ ပြီးခဲ့တဲ့လွှတ်တော်မှာအတိုက်အခံအမတ်မင်းများတင်သွင်းကြတဲ့
ချက်ကျလက်ကျမရှိ အိုးနင်းခွက်နင်း တင်သွင်းဆွေးနွေးချက်တွေဟာ၊ စစ်အစိုးရကိုယ်စားလှယ်ဝန်ကြီးမင်းများရဲ့
ကိန်းဏန်းအချက်အလက်အပြည့်အစုံနဲ့ပြန်လည်ချေပတဲ့ချက်ကျလက်ကျတုန့်ပြန်ချက်တွေကြောင့်၊
“မိမိတင်သွင်းချက်များကိုပြန်လည်ရုပ်သိမ်းပါတယ်” ဆိုတဲ့ စကားနဲ့ လေထဲပျောက်သွားကြပါတယ်။
ဒါဟာဘာနဲ့တူသလဲဆိုတော့ လူထုက အမုန်းခံ၊ အညိုညင်ခံ၊ သက်ဆိုင်ရာကလိုက်နှောက်ယှက်ဒုက္ခတွေကိုခံပြီးကိုယ်ယုံကြည်ရာအတိုက်အခံတွေကို၊
အနစ်နာခံ မဲထဲ့ခဲ့ကြတဲ့ မဲဆန္ဒရှင်တွေရဲ့ မျက်နှာကို အိုးမဲသုတ်လိုက်ကြတာနဲ့အတူတူပါဘဲ။

နိုင်ငံတကာမှာရှိခဲ့တဲ့သမိုင်းအစဉ်အဆက်ဆက်က
ဖွဲံစည်းပုံအခြေခံဥပဒေ တွေအားလုံးရဲ့စံနှုန်းအားလုံနဲ့ လားလားမှကိုက်ညီခြင်းမရှိတဲ့
ရုပ်သေးအစိုးရရဲ့သက်တမ်းဟာ၊ (၁၉၇၃/၇၄) လမ်းစဉ်ပါတီခေတ်ကပေါ်ထွက်ခဲ့တဲ့၊ မဆလပါတီအစိုးရလောက်တောင်သက်တမ်းရှည်မဲ့အလားအလာ
မတွေ့ရကြောင်း ဝေဖန်ရေးသားလိုက်ရပါတယ်ခင်ဗျား။