မူရင်းစာရေးဆရာ Kevin Kwan ရဲ့ “Crazy Rich Asians” ရုပ်ရှင်ကားဟာ အမေရိကနဲ့ကမ္ဘာ တ၀ှမ်းရှိ အာရှ နွယ်ဝင် အားလုံးကို သာမက၊ ဒေသခံအဖြူလူမျိုးများကိုပါကိုင်လှုပ်နိုင်ခဲ့ပုံရပါတယ်။ (၄)ပါတ်ဆက်တိုက် လက်ရှိရုံတင် ဇာတ်ကားအားလုံးရဲ့ဝင်ငွေများကိုကျော်ဖြတ်စံချိန်ချိုးနိုင်ရုံမက၊ လက်ရှိကာလထိပ်တန်း ၀င်ဇာတ် ကားကြီးဖြစ်နေတာက ထင်ရှားလှတဲ့ ပြရုဂ်တခုပါ။ အထူးသဖြင့် race လူမျိုးရေးကိစ္စတွေလွှမ်းမိုး ဖြစ်ပေါ်နေတဲ့ အချိန်နဲ့လဲတိုက်ဆိုင်နေတာမို့၊ လူမျိုးရေးကိစ္စတွေရဲ့ တပ်လှန့်သံတခုဖြစ်သလို၊ ကမ္ဘာမှာ အာရှနွယ်ဝင်များရဲ့ အမြစ်တွယ်နေဆဲဖြစ်တဲ့ ရှေးရိုးစွဲ (conservatism) (သို့မဟုတ်) ဓလေ့ထုံးတမ်းစဉ်လာ (traditionalism) ကိုအထင်အရှားလှစ်ဟပြလိုက်သလိုလည်းရှိနေပါတယ်။ “အာရှကျား”လို့လူသိများခဲ့တဲ့ ကာလကြီးမှာ တရုတ် နွယ်ဝင်များဟာကမ္ဘာအနှံ့တောကြိုအုံကြားဒေသတွေမှာ၊ အခရာကျတဲ့ကဏ္ဍတွေမှာအကျ နေရာယူထားတာ ကို၊ သွားလာရေးခက်ခဲ့လှတဲ့ ချင်းတောင်တန်းဒေသမှာ၊ တာဝန်ယူခဲ့တဲ့ကျွန်တော်မောင်မိုးညို ကောင်းစွာသိခဲ့ပါ တယ်။
ရုပ်ရှင်ဇာတ်အိမ်ဖွဲ့စည်းမှုက ခတ်ရိုးရိုးပါ။ စင်္ကာပူနိုင်ငံကငွေကြွယ်ဝတဲ့မိသားစုကပေါက်ဖွားတဲ့သားနဲ့ရည်ငံတဲ့အမေရိကနိုင်ငံဖွား၊ တရုတ်-အမေရိကန် MIT ပါမောက္ခမိန်းခလေးငယ်တို့ရဲ့အချစ်ဇာတ်လမ်းမှာ၊ သားရဲ့မိခင်ဖြစ်သူရဲ့ငွေကြေးကြွယ်ဝမှုဂုဏ်ပကာသန နောက်ခံ နဲ့အသိုင်းအ၀န်းရဲ့ရှေးရိုးစွဲဓလေ့ရိုက်ခတ်မှုက၊ ခလောက်ဆန်စေခဲ့တဲ့အဖြစ်တွေကို နောက်ကြောင်းခံ ရိုက်ကူးတင်ပြထားတဲ့၊ ဇာတ်လမ်းသွားပါ။ တကယ်တော့ ဇာတ်ဝင်ခန်းပါသူတွေအားလုံးဟာ၊ ခေတ်မှီပြောင်းလဲ နေတဲ့ရေစီးကြောင်းမှာပေါက်ဖွားလာကြသူတွေအားလုံးလိုချည့်ဖြစ်ကြပါတယ်။ ဆိုလိုတာက တိုးတက်တဲ့ အနောက်တိုင်းနေထိုင်မှုဘ၀နဲ့ကြီးပြင်းကြသူတွေ၊ စီးပွားဖြစ်ကြသူတွေဖြစ်ပါတယ်။ ကမ္ဘာ့အရှေ့ဖျားစီးပွားရေး ဆုံမှတ်ကြီးတခုဖြစ်နေတဲ့ စင်္ကာပူနိုင်ငံရဲ့ အချက်အချာဒေသမှာဇာတ်အိမ်ဖွဲ့ထားတာမို့၊ ရှေးရိုးဆန်တဲ့သူတွေ မဟုတ်ဘူးဆိုတဲ့အချက်ကို၊ ရုပ်ရှင်ကြည့်ကြသူတွေ သတိပြုမိကြမှာပါ။
ပြီးခဲ့တဲ့ရာစုထက်ဝက်လောက်က ကမ္ဘာစစ်ပြီးနောက်ပိုင်းတဟုန်ထိုးချမ်းသာကြွယ်ဝလာတဲ့ဂျပန်နိုင်ငံပြီးတော့၊ နောက်ကသိသိသာသာလိုက်ပါလာရုံမက၊ ဒီနေ့ဆိုရင်စီးပွားရေးယန္တရားကြီးကိုကိုင်ချုပ်လာပြီဖြစ်နေတဲ့ ကမ္ဘာ ကအာမစိုက်ဘဲနေလို့မရတော့တဲ့ တရုတ်နိုင်ငံဟာလည်းပေါ်ပေါက်လာပါပြီ။ တရုတ်နဲ့ခေတ်ပြိုင် အိန္ဒိယ/ ပါကစ္စတန်နိုင်ငံကုလားလူမျိုးများကိုလည်းပေါ်ပေါ်ထင်ထင်တွေ့နေရပါပြီ။ ပညာတိုးတက်မှု၊ စီးပွားရေးစွမ်း ရည်သစ်တွေတီထွင်လာနိုင်မှု၊ အရာရာမှာကွက်ကျော်မြင်နိုင်သလို၊ အနောက်နိုင်ငံသားတွေထက်ကျားကုတ် ကျားခဲကြိုးစားအားထုတ်နိုင်မှုစာတာတွေဟာ၊ အဓိကမောင်းနှင်အားတွေပါ။
အာရှရဲ့ထွက်ကုန်ပစ္စည်းပမာဏစုစုပေါင်းဟာ (၁၉၉၀)တုန်းက ကမ္ဘာတခုလုံးရဲ့(၄%)သာရှိခဲ့ရာက၊ နောင်လာမဲ့ (၂၀၂၂)မှာ (၂၁%)အထိရှိမယ်လို့ဆိုင်ရာတွေကတွက်ချက်ကြပါတယ်။ ဘူဇွာအရင်းရှင်တွေကိုလူမျိုးတရပ်လုံး ရဲ့ဘုံရန်သူအဖြစ်သတ်မှတ်ပြီး၊ ကွန်မြူနစ်ဝါဒကိုဒီနေ့အထိလက်ကိုင်စွဲထားတဲ့ တရုတ်နိုင်ငံဟာ၊ ကွယ်လွန်သူ ခေါင်းဆောင်ကြီးတိန်ရှောက်ဖိန်ရဲ့တရုတ်တို့ရဲ့လူမျိုးရေးလက္ခဏာများနဲ့ပြီးပြည့်စုံတဲ့ (Socialism with Chinese characters) ဟာ ခုချိန်မှာ၊ နေရာယူနေပါပြီ။ သူ့ရဲ့ဝါဒကိုထောက်ပြပြီး၊ တရုတ်နိုင်ငံတခုလုံးရဲ့ကြွယ်ဝမှု(၁%) ကိုသာနိုင်ငံသားတို့ကပိုင်ဆိုင်ကြောင်းပြောပြခဲ့တဲ့ရုပ်ဝါဒအဓိကရဲ့ပြရုဂ်ပါလို့ဆိုပြန်ပါတယ်။ ဘယ်လိုဘဲဆိုကြပါ စေ၊ တရုတ်လူမျိုးတို့ရဲ့စီးပွားရေးလုပ်ဟန်တွေကြောင့်နိုင်ငံရဲ့စီးပွားရေးဟာ၊ ကမ္ဘာကဂရုမစိုက်ရမနေနိုင်အောင်၊ ဆက်ဆံနေကြရပါပြီ။
စင်္ကာပူနိုင်ငံကိုထူထောင်ခဲ့သူ (ကွယ်လွန်သွားသူ) လီကွမ်းယူရဲ့မျှော်မှန်းချက်ဖြစ်တဲ့ စရိုက်လက္ခဏာတွေ (values) ဖြစ်တဲ့ (Confucian Values) တွေဖြစ်တဲ့ မိသားစု (family)၊ ဓလေ့ထုံးတမ်းစဉ်လာ (tradition) နဲ့ ကြီးစဉ်ငယ်လိုက်(hierarchy) ဖိုခနောက်(၃)ခုဟာ၊ ခုချိန်မှာ အတော်အုတ်မြစ်ခိုင်မာနေပါပြီ။ ကမ္ဘာတ၀ှမ်းနေ တရုတ်လူမျိုးတွေရဲ့ စီးပွားရေးလုပ်နည်းလုပ်ဟန်တွေဟာ အဲ့ဒီအပေါ်မှာအခြေခံထားတာကိုလေ့လာကြည့်ရင် တွေ့ရမှာပါ။
တရုတ် (သို့မဟုတ်) အာရှနွယ်ဝင်အားလုံးတို့ရဲ့အကြီးမားဆုံးစိန်ခေါ်မှု (တနည်း)မနှစ်မြို့နိုင်မှုဟာ၊ အခြားအနွယ် ၀င် (အထူးသဖြင့် ဒေသခံအဖြူလူမျိုးများနဲ့) သွေးနှောမှာကိုအကြောက်ဆုံးပါဘဲ။ ဒုတိယစိုးရွံ့မှုကတော့ အနောက်တိုင်းဓလေ့ယဉ်ကျေးမှုလွမ်းမိုးမှာကိုခါခါသီးသီးငြင်းဆန်လိုမှုပါဘဲ။ ဒါကိုအမေရိနိုင်ငံမှာ တော့ (“whitening” phenomenon) လို့တင်စားကြပါတယ်။ အဓိကကတော့ မိမိတို့ရဲ့ကြီးပွားမှု၊ အောင်မြင်မှု၊ ထူးချွန် ထက်မြက်မှုစတဲ့အရည်အသွေးလက္ခဏာတွေ ရုတ်လျော့ပျောက်ဆုံးမှာကိုအစိုးရိမ်ကြီးစိုးရိမ်လို့ဆိုရင် မမှားပါ ဘူး။
ကမ္ဘာကျော် Pew Research ရဲ့နောက်ဆုံးစစ်တမ်းတွေအရ၊ အာရှလူမျိုးနွယ်တစ်ဦးရဲ့တစ်နှစ်ဝင်ငွေဟာ ပျမ်းမျှ ($၇၃,၀၀၀)ရှိချိန်မှာ၊ အခြားလူမျိုးခြားတွေရဲ့ဝင်ငွေပျမ်းမျှ ($၅၃,၆၀၀)ထက်အဆမတန်ဝင်ငွေကောင်းနေတာ ကိုကြည့်ရင်မြင်နိုင်ပါတယ်။ အမေရိကနိုင်ငံတ၀ှမ်းမှာ ဘွဲ့ရပညာတတ်ပျမ်းမျှ (၃၀%)သာရှိချိန်မှာ၊ အာရှလူမျိုး (၅၀%)ကျော်ဟာအနည်းဆုံအခြေခံအဆင့်ဘွဲ့ရတွေဖြစ်နေပါပြီ။ ကူးသန်းရောင်းဝယ်မှု၊ ခေတ်မှီနည်းပညာ တတ်ကျွမ်းမှု၊ စတာတွေမှာ အာရှသားများကနေရာယူထားတာတွေကိုခုခေတ်ရုပ်ရှင်တွေမှာ ဆရာဝန်/ အင်္ဂျင်နီယာ၊ ပညာရှင်သရုပ်ဆောင်မှုတွေမှာ၊ အာရှသားတွေကိုသာအသုံးပြုလာကြတာကိုကြည့်ရင်တွေ့နိုင်ပါ တယ်။
တခါ Crazy Rich Asians ဇာတ်လမ်းဟာ အနောက်တိုင်းနေထိုင်မှုလူမှုဘ၀စည်းစိမ်ကိုအပြည့်အ၀ရထားပေမဲ့၊ မိမိတို့ မိသားစုရေးကိုသာပဓါနပြုတဲ့ (Self-centered & Family-centered) အောင်မြင်မှုလမ်းကြောင်းက သွေဖယ်မှုမရှိသေးကြောင်းကိုလည်းအတိအကျဖေါ်ကျူးထားပါတယ်။ ဆိုလိုတာကတော့အာရှိနွယ်ဝင်တို့မိမိတို့
ဘ၀ဘယ်လိုဘဲခေတ်မှီတဲ့ပညာလူမှုစရိုက်မှာမွေးဖွားကြီးပြင်းပေမဲ့လဲ၊ ဆိုခဲ့တဲ့စရိုက်လက္ခဏာတွေကိုတော့၊ ခ၀ါချကြမဲ့ရှေ့ပြေးနိမိတ်မတွေ့သေးကြောင်းပါလို့။ ။
No comments:
Post a Comment