တိုင်းပြုပြည်ပြုများ ပြည်ထောင်”စု”သင့်၊ မ”စု”သင့်

ဒီကနေ့ဘဲ နိုင်ငံတော်သမ္မတရုံးကနေလွှတ်တော်ကိုယ်စားလှယ်များဆီ သ၀ဏ်လွှာတစောင်ပါးလိုက်ပါတယ်။ ကိစ္စက လွန်ခဲ့တဲ့လက လွှတ်တော်တွင်းအဖွဲ့အစည်းများကို ပြည်ထောင်စုအဆင့် ပေးသင့်မပေးသင့် ပူညံပူညံဖြစ်လာတော့၊ လွှတ်တော်တွေကတောင်းဆိုလို့၊ အစိုးရအဖွဲ့ကိုယ်စား  ပြည်ထောင်စုရှေ့နေချုပ်က ဖွဲ့စည်းပုံအခြေခံဥပဒေဆိုင်ရာ ခုံရုံးကိုအဓိပ္ပါယ်ဖွင့်ပေးဘို့တင်ပါတယ်။ ပြည်သူ့လွှတ်တော်ဒု-ဥက္ကဌ ကလဲ ခုံရုံးရဲ့ ဖြတ်ထုံးကို (၁)နာရီကျော်ကြာ မတ်တပ်ရပ်နာခံရလို့၊ အမတ်မင်းများက သိက္ခာကျတယ်၊ အဲ့ ဒီခုံရုံးကို recall ပြန်လုပ်ဖို့စာစုတင်ကြပါတယ်။ ပြည်သူ့လွှတ်တော်(၂)ရပ်မှာ အမျိုးသားလွှတ်တော်ကတော့ ပူညံတယ်လို့သိပ်မကြားရပေမဲ့၊ ပြည်သူ့လွှတ်တော်ကတော့ တဖွဲ့လုံးနီးနီး ကန့်ကွက်ကြပါတယ်။

ဒီနေ့သမ္မတကပြန်ကြားတဲ့ သ၀ဏ်လွှာကိုလေ့လာကြည့်ရင်ရှင်းပါတယ်။

(၁) ခုံရုံးရဲ့ဖြတ်ထုံးဟာ နည်းလမ်းကျပြီး၊ အဲ့ဒီဖြတ်ထုံးဟာ အပြီးအပြတ်ဖြစ်တယ်ဆိုတဲ့ အချက်ကိုထောက်ပြတာရယ်၊

(၂) ဒီလိုဆုံးဖြတ်ချက်ကိုမလိုက်နာနိုင်ရင်တော့ ဖွဲ့စည်းပုံအခြေခံဥပဒေအခန်း (၁၂)က ပေးထားတဲ့ လုပ်ပိုင်ခွင့်ကိုသုံးနိုင်ခွင့်ရှိတယ်လို့ဆိုပါတယ်။

အဲ့ဒီအခန်းကဖွဲ့စည်းပုံအခြေခံဥပဒေပါပြဌာန်းချက်တရပ်ရပ်ကိုပြင်ဆင်၊ နှုတ်ပယ်၊ ပြောင်းလည်း၊ ဖြည့်စွက် လိုရင် ဘယ်လိုလုပ်ရမလဲလို့ဆိုထားတာပါ။ အဲ့ဒီမှာလဲ (၂)ပိုင်းရှိပါတယ်။ ပြည်ထောင်စုလွှတ်တော်ကပြင်ဆင်ခွင့်ရှိတဲ့ ပုဒ်ထီးပုဒ်မတွေနဲ့၊ ပြည်ထောင်စုလွှတ်တော်အပြင်၊ ပြည်လုံးကျွတ်ဆန္ဒခံယူပွဲလုပ်ပြီးမှပြင်လို့ရတဲ့ ပုဒ်မတွေရယ်လို့ရှိပါတယ်။  ခုဖြစ်တဲ့ ခုံရုံးကိုမကြေနပ်တဲ့ ကိစ္စက အခန်း(၆)၊ ပုဒ်မ(၃၀၂)မို့ ဒုတိယနည်းနဲ့သွားရမှာပါ။

နိုင်ငံတကာရဲ့ဖွဲ့စည်းပုံဆိုင်ရာဖြတ်ထုံးတွေကို တရားလွှတ်တော်ချုပ်တွေကသာ ကိုင်တွယ်လေ့ရှိပါတယ်။ တရားသူကြီးမင်းတွေ ဘယ်လိုမဲပေးလည်းကိုလည်းလူသိရှင်ကြား ထုတ်ပြန်လေ့ရှိပါတယ်။ မဲဆန္ဒရှင်တွေအားလုံးနဲ့ဆိုင်တာမို့ နိုင်ငံသားတဦးရဲ့ ပိုင်ခွင့်အနေနဲ့သိခွင့်ရှိသမို့သိချင်တာမဆန်းပါဘး။ နိုင်ငံအနည်းငယ်သာ မြန်မာနိုင်ငံလို သီးသန့်ခုံရုံး ဖွဲ့စည်းထားတာပါ။ ပြည်ထောင်စုအဆင့်ဆိုပြီး လွှတ်တော် (၂) ကနေဖွဲ့စည်းတဲ့ ကော်မတီရှင်/ကြီး (၄) ခုဘဲရှိပါတယ်။ ဘာပဲပြောပြောမြန်မာနိုင်ငံမှာလည်းဖွဲ့စည်းပုံထဲပါပြီးမို့၊ sorry ဆိုပြီးဖျက်သိမ်းလို့မရပါဘူး။ တခုတော့ရှိပါတယ်။ ခုံရုံး (သို့) တရားရုံးတွေရဲ့ဖြတ်ထုံးတွေ၊ ဘယ်ပုဂ္ဂိုလ်တွေကဘယ်လိုမဲပေးလဲ ဆိုတဲ့အချက်ကိုတော့ အခြေခံဥပဒေထဲ ထည်းနိုင်ရင်အကောင်းဆုံးပါဘဲ။ transparent ဖြစ်သွားတာပေါ့။

သေသေခြာခြာပြန်စဉ်းစားရင်၊ လွှတ်တော်ဆိုင်ရာကော်မတီ၊ ကော်မရှင်တွေ ဟာ executive တွေမဟုတ်ပါဘူး။ Legislative ပါ။ သူတို့က ပြည်ထောင်စုအဆင့်အဖွဲ့အစည်း ဆိုတဲ့ သတ်မှတ်ခေါ်နိူုင်ရလောက်တဲ့ အလုပ်မျိုးလုပ်စရာမလိုတဲ့ အဖွဲ့အစည်းတွေဖြစ်ပါတယ်။ သူလုပ်ရမှာက ဥပဒေပြဌာန်းဘို့ရယ်၊ သူပြဌာန်းထားတဲ့ ဥပဒေ ဘယ်လောက်အကျိုးသက်ရောက်မှုရျိသလဲဆိုတာ မျက်စေ့ဒေါက်ထောက်ကြည့်ဘို့ပါ။ အဲ့ဒီအတွက်ကြောင့် ပြည်ထောင်စုအဆင့်ဝင်ဖြစ်မှ ကားတို့ တိုက်တို့၊ ဘတ်ဂျက်တို့ ရမှဖြစ်မယ်ဆိုတာ မဖြစ်နိုင်ပါဘူး။ သဘာဝမကျပါဘူး။ ဘယ်သူကစထောင်တယ်တော့မသိပါဘူး။ ဥက္ကဌဗိုလ်ရွှေမန်းကိုယ်တိုင် အမတ်မင်းများသီးခံစိတ်ရှည်ကြပါခင်ဗျားလို့၊ ခနခနပြောရတဲ့ဘ၀ရောက်နေပါတယ်။ ဒါဘာကိုပြလဲဆိုတော့

(၁) လူများစုကထောက်ခံတယ်ဆိုတိုင်း ဒီမိုကရေစီဆိုတာမမှန်ဘူးဆိုတဲ့အချက်၊

(၂) အမတ်မင်းများအတွင်း rule of law ဆိုတာကို လူထင်ကြီးစရာ စကားလုံးအနေနဲ့သုံးနေပေမဲ့ ကိုယ်ပြောတာ၊ ဘာမှန်းမသိတဲ့ဘ၀တွေရောက်နေကြပါတယ် ဆိုတဲ့အချက်၊

ပြည်ထောစ်စုသင့်၊ မစုသင့်ဆိုတဲ့ကိစ္စ အရေးကြီးသလား၊ ပြည်သူ သန်း(၆၀)ထမင်းဗိုက်ဝရေးအရေးကြီးနေသလား။ ပြည်ထောင်”စု”မှ ဗိုက်ဝမယ်ဆိုတဲ့ဆင်ချေတော့ပေးလို့ မရပါဘူး။ ဘာဖြစ်လို့လဲဆိုတော့ ဘာမှမဆိုင်လို့ပါ။

ဒီပြဿနာက ဘယ်အထိသွားမယ်ဆိုတာတော့မသိရပါဘူး။ သင်ခန်းစာတခုဖြစ်သလို၊ နိုင်ငံရဲ့မျက်နှာကိုပြန်ကြည့်သင့်တဲ့ကိစ္စတွေပါ။

(၂၀၀၈) ဖွဲ့စည်းပုံအခြေခံဥပဒေရဲ့ architects တွေဖြစ်ခဲ့တဲ့ အမျိုးသားလွှတ်တော် ဒုဥက္ကဌ ဦမြညိမ်း တို့၊ ရှေ့နေချုပ်ဒေါက်တာထွန်းရှင်၊ ဒေါက်တာတင်အောင်အေး၊ (အမှန်တော့ လက်ရှိဖွဲ့စည်းပုံဆိုင်ရာခုံအဖွဲဝင်တော်တော်များများလဲပါပါမယ်)၊ ဗိုလ်ချုပ်သိန်းစိုး တို့ က ပြီးခဲ့တဲ့ စစ်အစိုးရရဲ့ မင်းတရားကြီး ဗိုလ်သန်းရွှေရဲ့ မျက်နှာတော်ကြည့်ပြီး ရေးဆွဲခဲ့ကြတာ ဆိုတော့ က-ကြီးကအစ၊ အ-အထိ ဖွဲ့စည်းပုံရဲ့ အကြောင်းကိုနောကျေပြီးကြသူတွေလို့ယူဆရပါတယ်။

ဥက္ကဌ ဗိုလ်ချုပ်သိန်းစိုးပြောတာရှင်းပါတယ်။ recall လုပ်နိုင်တဲ့ အချက်(၅) ချက်ရှိတယ်။ ဘယ်ပုဒ်မနဲ့ လုပ်မလည်း၊ အတင်းဆွဲပြီးတော့စွပ်စွဲမယ်တော့မကြံကြဘို့ ထောက်ပြထားပါတယ်။

ဆိုတော့- လူထုအကျိုးပြုရေးလူထုကိုယ်စားပြုကြတဲ့ အမတ်မင်းများအနေနဲ့၊ မိမိဘ၀၊ မိမိမဲဆန္ဒရှင်များရဲ့ ဘ၀ကိုမမေ့ကြဘို့၊ နိုင်ငံအတွက်အရေးကြီးတဲ့ ကိစ္စတွေ မျက်ခြေမပြတ်ကြဘို့၊ ပြည်သူထဲကတဥိးဖြစ်တဲ့မောင်မိုးညိုက မေတ္တာရပ်ခံလိုက်ပါတယ်။

(သြဂုတ် ၂၁ ရက်၊ ၂၀၁၂ ထုတ် MG တွင်ဖေါ်ပြပြီးဖြစ်)